3. Mose 26:14 - O Debleskro Lab 2024 (Sinte-Manouche)

¹⁴ Te shounenn t'mer gar ap mande, oun rikrenn kol laba gar dren, hoy me t'menge penom,

O Debleskro Drom 2021 (Sinte)

¹⁴ Te shunenn tumer gar ap mande, un rikrenn kol laba gar dren, hoi me tumenge penom,

3. Mose 26:14 Iomraidhean Croise

2. Rajengro liil 22:13

“Djan koy oun poučenn o baro Debles mange oun i menshenge an o them Youda, pral kol laba an ko liil, hoy hatslo vas. Mare phoure shounan gar ap kol laba, hoy kote tardo hi, oun djivan gar yaake, har kote tele činlo hi. Doleske hi o baro Debleskri rholi bares ap mende čiddo.”

2. Familjakro liil 34:24

Kava penell o baro Devel: Me anau čilačepen pral kava foro oun pral i menshende, kay kate djivenn. Koy tseli bibarht, hoy an ko liil tardo hi, hoy moukas peske o baro ray pral Youda glan te draverell, anau pral t'mende.

2. Familjakro liil 7:19

Te moukenn t'mer miro drom, oun rikrenn t'men gar ap mire laba oun miro čačepen, hoy me t'menge dom, oun djan pash vavar debla, oun mangenn len an, oun vitsrenn t'men glan lende tele ap i phoub,

Debleskri gili 81:12

Mire menshe shounan gar ap mande. O Israel kamas man gar.

Gosewe laba 3:33

O baro Devel čivell i bibarht ap o kheer i čilačendar, oun barht ap o kheer kolendar, kay an o čačepen tardo hi.

Jeremia 11:8

Yon shounan gar ap mande, oun dan gar yak ap mire laba. Hakeno djas pal peskro shero, oun kras kova, hoy leskro midjak dji leske penas. Me penom lenge, te hounte rikrenn le dren, hoy lentsa vin krom. Kova kran le gar. Doleske moukom pral lende koy tseli bibarht te vell.

Jeremia 17:27

Te shounenn t'mer gar ap mande, oun djivenn ap o Debleskro dives har ap hako vavar dives, oun hidjrenn t'maro koova ap o Debleskro dives dren an kol voudya o forestar Yerusalem, palle čivau me yag an kol voudya, te rhačrenn i zorele khera pre an Yerusalem. Oun kek nay krell koy yag vin.

Jeremia 26:4

Pen lenge: Kova hi, hoy o baro Devel penell: Me bičrom t'menge mire rakepangre, kay mange boudrenn, te penenn le t'menge, hoy te krenn. Boud kope bičrom len pash t'mende. T'mer dan gar yak ap kova, hoy le penan. Te shounenn t'mer gar ap mande oun djan gar ap miro drom, hoy t'mende sikrom, oun denn gar yak ap i laba, hoy mire rakepangre t'menge penenn,

Jeremia 28:8

O Debleskre rakepangre, kay his glan mande oun glan toute, kolla rakran glan i rah tsiro pral kourepen, bok oun nasslepen, hoy vell pral zorele themma oun boud menshende.

Jeremia 32:23

Oun har yon an o them dren van, oun les penge lan, shounan yon gar ap toute, djan vitar gar ap tiro drom. Oun halauter, hoy tou lenge zoreles penal, te krenn le les, kova kran yon gar. Doleske moukal ninna kava tseli bibarht pral lende te vell:

Jeremia 40:2

Glan te moukas o pralstouno i lourdendar o Yeremiyes te djal, moukas lo les pash peste te anell, oun penas ap leste: Tiro baro Devel penas kay bibarht glan-vi, hoy vas pral kava them.

Ropaskre gilja 1:18

O baro Debles his čačo, har das lo man i phagi. Me shounom gar ap leskro lab. Shounenn, t'mer menshe an vavar themma, oun dikenn, har baro miri douk hi! Mire terne ča oun terne čave van pandles krik lino.

Ropaskre gilja 2:17

O baro Devel kras, hoy lo peske glan las. Oun kras kova, har lo menge glan i rah tsiro trad das. Les khaytal tou gar, har moukas lo tout khetne te dell, oun kolen, kay ap toute djan, i zorleder te vell. Har tou peral, nay san le.

Daniel 9:13

Yaake har an o Moseskro liil činlo hi, yaake vas ninna koy bari bibarht pral mende. Oun mer mangam men gar tele glan toute, maro baro Debleste, oun moukam gar maro čilačo drom, oun dam gar yak ap tiro čačepen.

Hosea 7:12

Te krenn i menshe an o them Efrayim yaake doureder, vitsrau me miri netsa pral lende, oun taprau len har čirkle, oun dau len pengri phagi, yaake har lenge penom, har yon khetne his.

3. Mose 26:18

Te shounenn t'mer ninna palle gar ap mande, dau t'men i phagi, hoy hi efta kope phareder har kaya, hoy bis kanna dom.

Bičepangre 3:23

Koon gar ap koleste shounella, koles hounte čivenn t'mer pale, te nay vell lo bouder gar pash t'mende.

Hebrearja 12:25

Denn yak, te shounenn ap o Debleste, kay ap t'mende rakrella! Har yob ap i phoub ap i phoure Israelitarya rakras, kaman le gar ap leste te shounell, oun leskri rholi vas pral lende. Kitse boudeder vell o Debleskri rholi pral mende, te shounah gar ap leste, kay dran o bolepen rakrella.

Josua 23:15

Oun yaake har ko tselo lačo lab čačo vas, hoy t'maro baro Devel ap t'mende penas, yaake hi kova ninna kol čilače labentsa. Te rikrenn t'men gar ap kova, hoy t'maro baro Devel t'mentsa vin kras, oun djan pash vavar debla, oun mangenn len an, palle vell o baro Debleskri rholi pral t'mende. Oun sik ačell bouder kek t'mendar djido an kava lačo them, hoy t'maro baro Devel t'men das.

Čačepangre 2:15

Oun kay le ninna djan, te kourenn le pen, his o baro Devel gar lentsa oun das len kek barht. Yaake vas kova, hoy o baro Devel lenge penas oun leskro vast pre das. Oun yon van an phare tsirya.

1. Samuel 12:15

T'mer te shounenn gar ap o baro Debleste oun krenn gar, hoy lo t'menge penell, palle krell o baro Devel, te djal t'menge djoungeles, yaake har ninna t'mare phourenge djas.