3. Mose 26:13 - O Debleskro Lab 2024 (Sinte-Manouche)

¹³ Me, o baro Devel, hom t'maro Devel, oun anom t'men dran o them Egiptia vin, te ačenn gar bouder lengre pandle boudepangre. Kote hans har groumya, kay hounte boudrenn i kashteha troul lengri meen. Ko kashtes phagom me, te nay djan pale pre hadede sherya.

O Debleskro Drom 2021 (Sinte)

¹³ Me, o baro Dewel, hom tumaro Dewel, un anom tumen dran o them Egiptia win, te atchenn gar buder lengre pandle budepangre. Kote hans har grumja, kai hunte budrenn i kashteha trul lengri meen. Ko kashtes phagom me, te nai djan pale pre hadede sherja.

3. Mose 26:13 Iomraidhean Croise

Debleskri gili 116:16

Ah, baro Devel, me hom yek kolendar, kay touke boudrenn. Ava, tiro boudepaskro hom oun boudrau touke har miri day kras. Tou kral i shelle pre, hoy pandan man.

2. Mose 14:8

Oun o baro Devel pandas o Faraeskro dji, yaake te las yob i Israelitarya palla, har yon i hadede vastentsa barhteles vin djan.

2. Mose 20:2

Me, o baro Devel, hom tiro Devel, koon tout vin las dran o them Egiptia, kay tou i pandlo boudepaskro hals.

2. Mose 6:7

Kamau, te venn t'mer mire menshe, oun me kamau t'maro Devel te vell. Oun t'mer dikenn oun hayvenn, te hom me, o baro Devel, t'maro Devel, kay las t'men vin dran i phari boudi, hoy i Egiptarya ap t'mende čivan.

Jesaja 51:23

Me dau les kanna an o vast kolendar, kay tiro djipen yaake phares kran, kolla, kay ap toute penan: “Vitse tout tele, te djap pral toute vergel!” Oun tou kral tiro doumo yaake, te hals yek i phoubyah, oun hals lenge har o drom, pral koleste yon pral vergel djan.

Jesaja 9:3

Tou kral, te hi le bouder gar pandle boudepangre, oun phagal ko kasht, koleha yon ap i boudi tradedo van, yaake har ap ko dives, kay lal i menshen vin dran i vasta kol Midianendar.

Jeremia 2:20

O baro Devel penell: Hako tsiro hadal tout pral mande, oun kamal mange gar palla te djal. Tou penal: Me kamau kek ray pral mande. Oun čival tout koy har i loubni ap i berga tel hako zenelo rouk.

Jeremia 28:2

“Kova penell o baro Devel, ko ray pral o bolepen oun i phoub, kay o Israeleskro Devel hi: Me phagom koy zoor o baro rayestar dran Babilonia.

Jeremia 28:4

Ninna anau o baro rayes pral Youda pale an kava foro, o Yekonya, koleskro dad o Yoyakim his, khetne kol tsele menshentsa, kay dran o them Youda an o them Babilonia pandles anlo van. Ava, phagau i zoor o baro rayestar dran Babilonia. Kova penell o baro Devel.”

Ezekiel 30:18

An o foro Tapanes vell ko dives kalo, kay phagau kote koy zoor, hoy o themes Egiptia pral vavar themma hi. Leskre boud zorele lourde, ap kolende i Egiptarya yaake barhtelo oun pre-phourdo his, venn krik lino. Kale volke čakrenn o foro. Oun i menshe dran i gaba trouyel venn an o pandepen anlo.

Ezekiel 34:27

te hidjrenn i rouka lače roukengre, oun te vell boud djob bares ap i harhetikri phoub. Oun mire menshe djivenn an pengro them kek daryah. Me phagau kol shelle, kolentsa yon pandlo his. Oun lau len vin dran i vasta kolendar, kolenge yon hounte boudran. Palle dikenn oun hayvenn le, te hom me o baro Devel.

Hosea 11:4

Lačepah tserdom len, oun kamlepah sikrom lenge lengro drom, oun hidjrom khetne lentsa ko pharepen ap lengre phika, oun me djom ap mire čanga, te dap len te rhal.

3. Mose 25:38

Me, o baro Devel, hom t'maro Devel, oun anom t'men dran o them Egiptia vin, te dap t'men o them Kanaan, te vap t'maro Devel.

3. Mose 25:42

I tsele Israelitarya hi mire boudepangre, kolen me dran o them Egiptia vin anom. Yon nay venn gar bikedo, te venn le ginle boudepangre.

3. Mose 25:55

T'mer Israelitarya han mange. Mire boudepangre han t'mer, kolen anom me dran o them Egiptia vin. Me, o baro Devel hom t'maro Devel.

Nahum 1:13

Kanna phagau koy zoor, hoy i Assiryen pral t'mende hi, – koy zoor, hoy har ko kasht hi, hoy i groumyat troul peskri meen hi. Oun kol shelle, hoy pandenn t'men, činau paash.