3. Mose 25:2 - O Debleskro Lab 2024 (Sinte-Manouche)

² Pen ap i Israelitarya: Te venn t'mer an ko them, hoy me t'men dau, palle te vell ko themes hako eftato bersh i Debleskro bersh, kay vitsrenn či an i phoub dren, te vell kova baro. Krenn kova yaake, te sharenn man!

O Debleskro Drom 2021 (Sinte)

² Pen ap i Israelitarja: Te wenn tumer an ko them, hoi me tumen dau, palle te well ko themes hako eftato bersh i Debleskro bersh, kai witsrenn tchi an i phub dren, te well kowa baro. Krenn kowa jaake, te sharenn man!

3. Mose 25:2 Iomraidhean Croise

2. Familjakro liil 36:21

Glan i rah tsiro penas o Mose ap i Israelitarya: “Hako eftato bersh hounte boudrell kek t'mendar ap peskri harhetikri phoub, te lell i phoub pale nevi zoor!” Ap ko lab rikran pen i Israelitarya gar. Kanna ačas ko them efta-deesh bersha mouklo čiddo. Yaake vas ko lab čačo, hoy o baro Devel o Yeremiyeske an o mouy čivas: “O them ačell mouklo čiddo efta-deesh bersha, bis te kol bersha trouyel hi, kolen i Israelitarya gar dren rikran.”

Debleskri gili 115:16

O bolepen hi o baro Debleske kokres. I phoub das yob i menshende.

2. Mose 23:10

Shob bersha vitsress tou o djob ap tiri phoub vin. Oun te vas ko djob bares, aness les dren.

Jesaja 8:8

Oun yon venna an o them Youda dren, har pani hoy dren phagell, oun hoy bis pash i meen pre djal. O Devel hi pash mende! Leskre moussya hi pral mende yaake dour har o them bourhlo hi.

Jeremia 27:5

Miri bari zoryah krom kay phoub oun i menshen oun firhen, kay ap i phoub hi. Oun me dau len, koneste kamau.

3. Mose 14:34

Te venn t'mer an o them Kanaan, hoy me t'men dau, te vell kava them t'menge, oun me moukau kote an i kheer i djoungelo kotar vin te vell,

3. Mose 23:32

Kava dives hi i baro dives t'menge, kay hounte krenn kek boudi, oun rhan či foun rati ap o enyato dives bis te vell pale rati ap o vavar dives.

3. Mose 25:1

O baro Devel penas ap o Mose ap i berga Sinay:

3. Mose 25:3

Shob bersha vitsress djob an i phoub, oun činess tire drakengre rouka, oun aness dren, hoy moukas o them touke bares te vell.

5. Mose 32:49

“Dja pre ap kal berge Abarim an o them Moab ap i berga Nebo, hoy vergel o foro Yericho čiddo hi! Oun dik o them Kanaan. Kava them dau me i Israelitaryen, te vell ko them lenge.

5. Mose 32:8

har o pralstouno Devel i menshen pengro them das. Yob moukas i natsyone kote djivenn, kay lo kamas. Peskre čaven Israel das lo hakenes i them bares doha leskre menshenge.

5. Mose 34:4

Oun o baro Devel penas ap leste: “Kava hi o them, kolestar penom oun me man sovel dom glan o Abraham, o Isaak oun o Yakob, te dap kava them lengre čavende, kay pal lende venna. Me moukom les tout tire yakentsa te dikell. Pral vergel djas tou gar.”