3. Mose 24:9 - O Debleskro Lab 2024 (Sinte-Manouche)

⁹ Kal mare hi o Aroneske oun leskre morsh čavenge. Oun yon hounte rhan len ap i Debleskri platsa. Kal mare hi lengro kotar kolestar, hoy o baro Debleske rhačedo vell, oun hi kokres i rashayenge. Yaake hounte vell kova kerdo hako tsireske.

O Debleskro Drom 2021 (Sinte)

⁹ Kal mare hi o Aroneske un leskre mursh tchawenge. Un jon hunte chan len ap i Debleskri platsa. Kal mare hi lengro kotar kolestar, hoi o baro Debleske chatchedo well, un hi kokres i rashajenge. Jaake hunte well kowa kerdo hako tsireske.

3. Mose 24:9 Iomraidhean Croise

3. Mose 10:12

O Mose penas ap o Aron oun ap koleskre douy morsh čavende, kay leske pral ačan, ap o Elazar oun o Itamar: “Kova, hoy pral ačas ko yarrestar, hoy glan o baro Debleste anlo vas, nay lenn t'menge. Čivenn kek shoutlo yarro koy pashel. Rhan les pash o Debleskri rhačepaskri. Kava rhapen hi i Debleskro rhapen. Kokres i rashaya nay rhan les, oun kek vavar.

3. Mose 10:17

“Hoske rhan t'mer ko mass gar ap i Debleskri platsa? Kava mass vas i firhestar, hoy o baro Debleske anlo vas, oun his i rashayenge kokres, te rhan le les. O baro Devel das les t'mende, te hidjrenn i doosh i Israelendar krik, te vell lauter pale mishto mank lende oun o baro Debleste.

3. Mose 21:22

Ko rhapen, hoy o Debleske anlo vas, nay rhal lo, ninna ko rhapen, hoy kokres i rashayenge hi.

3. Mose 24:10

Mank i Israelitarya his i morsh, koleskri day i Israeltikri djouvel his oun leskro dad i Egiptari. Leskri day kharas Shelomit. Lakro dad hi o Dibri dran o kheer Dan. Ko morsh čingras pes i morsheha dran Israel. An kava čingepen čingras lo ap o baro Debleste djoungele labentsa. Koy anan le les pash o Moseste,

3. Mose 3:17

Kek t'mendar hounte rhal o thulepen oun o rat. Ap kova hounte rikrenn t'men oun t'mare čave kanna oun hako tsiro, kay t'mer ninna djivenna.

3. Mose 6:11

Kokres kol morsh čave, kay venn o Aronestar, nay rhan kolestar. Kova hi hako tsireske lengro kotar kolestar, hoy i menshe o baro Debleske anenna. Hako vavar, kay taprell kova an, lell peskri phagi.

3. Mose 6:16

Hako kopo, kay anell i rashay peske i rhapen dran djob o baro Debleske, hounte vell ko tselo rhapen rhačedo. Kek rhal les.

3. Mose 6:9

Ko yarro oun ko djet, hoy pral ačell, kova hi o Aroneske oun leskre morsh čavenge. Te krenn le pengro maro kolestar, hounte čivenn le kek shoutlo yarro dren. Ap koy platsa glan o Debleskro plarhteno kheer hounte rhan le les. Kaya hi i Debleskri platsa. Kava rhapen dell o baro Devel lenge kolestar, hoy i menshe leske anan. Kova hi i Debleskro rhapen. Doleske nay rhan les kokres i rashaya, yaake har ninna ko mass kol firhendar, hoy venn maredo, te vell i doosh oun o pale-čiddo koova krik lino, oun o mass kol firhendar, hoy venn maredo, te vell i doosh pale mishto.

3. Mose 8:3

Mouk i tsele Israelitaryen glan o voudar o Debleskro plarhteno kherestar khetne te vell.

3. Mose 8:31

O Mose penas ap o Aron oun leskre čavende: Kerenn ko mass pash o voudar glan o Debleskro kheer, oun rhan les kote, khetne ko mareha dran koy korba! Yaake penas mange kova o baro Devel.

Maleachi 1:12

T'menge hom či moldo, te penenn t'mer: Koy rhačepaskri o baro Deblestar hi či moldo. Anas leske čomone, hoy ninna či moldo hi!

Mateo 12:4

Yob djas an o Debleskro kheer, oun rhas o Debleskro maro, yob oun kolla, kay pash leste hi. Pal i biboldengro čačepen his i mare i rashayenge kokres koy.

Markus 2:26

An ko tsiro, kay o Abyatar o baro rashay his, djas o David an o Debleskro kheer oun rhas o Debleskre mare, hoy kote čiddo his. Pal i biboldengro čačepen his kol mare i rashayenge kokres koy. O David rhas len, oun das ninna kolen, kay pash leste his.”

Louka 6:4

Yob djas an o Debleskro kheer oun las kol mare, kay kote čiddo hi, oun rhas len peskre malentsa? Pal i biboldengro čačepen his i mare i rashayenge kokres koy.”

1. Samuel 21:6

O David penas ap o rashayeste: “Men his kek djouvel taysar oun ko dives glan, har mer vin djam. Ninna te djam gar an o kourepen o Debleske, his i terne morsha yaake, te nay dikas o Devel lačes ap lende. Doleske hi le kova čačepah kava dives boudeder har glan kova.”