3. Mose 24:4 - O Debleskro Lab 2024 (Sinte-Manouche)

⁴ O Aron hounte dell yak ap i momlia ap i sonakaskri momelengri, te rhačenn le hako tsiro glan o baro Debleste.

O Debleskro Drom 2021 (Sinte)

⁴ O Aron hunte dell jak ap i momlia ap i sonakaskri momelengri, te chatchenn le hako tsiro glan o baro Debleste.

3. Mose 24:4 Iomraidhean Croise

1. Rajengro liil 7:49

panč momelengre, hoy tardo venn ap i čači rig oun panč momelengre, hoy tardo venn ap i servi rig glan o Debleskri kouč isema – kolla his dran djoudjo sonakay; i sonakangre bloume ap kol momelengre; i momlia; i činepangre, kolentsa i dorya an i momlia tele činlo venna;

1. Familjakro liil 28:15

oun har pharo hake sonakangre momelengre oun lengre momlia hounte venn, ninna har pharo hake roupene momelengre oun lengre momlia hounte venn. Kol momelengre his gar emligo baro.

2. Familjakro liil 29:7

Oun yon pandan i voudya glan i glanstouni halla, oun moukan i momlia vin te djal, oun rhačran kek soungepaskro koova, vitar kek firhen, o Debleske pral Israel.

2. Mose 31:8

i rhapaskri oun lauter, hoy pre hi, i sonakaskri momelengri oun lauter, hoy pashel hi, o Debleskro sonakaskro bob, kay kouč soungepaskro koova pre rhačedo vella,

2. Mose 39:37

koy momelengri dran lačo sonakay oun lakre momlia oun lauter, hoy pashel hi, oun lakro djet;

Jeremia 52:19

Ninna kova, hoy dran sonakay oun roup kerdo his, las ko pralstouno, o Nebouzaradan, peha: khore, čare, an kolende o soungepaskro koova rhačedo vell, bare čare, pirya, momelengre, roya oun tikne čare.

4. Mose 3:31

Oun yon hounte denn garda ap ko sonakaskro morhton, koy rhapaskri, koy momelengri, o Debleskro sonakaskro bob oun o Debleskri sasterni rhačepaskri, kay firhe rhačede venna. Ninna denn le garda ap i tselo Debleskro koova an leskro kheer, koleha yon boudrenna, ninna ap koy plarhta mank kol douy iseme oun ap halauter, hoy koy pashel hi.

4. Mose 4:9

Oun yon hounte lenn i blaueti plarhta oun čivenn koya troul koy momelengri oun lakre momlia, ninna troul i činepangre, kolentsa i dorya an i momlia tele činlo venn, ninna troul i yagakre čare oun i djeteskre khore, hoy koy pashel hi.

4. Mose 8:2

Rake o Aroneha oun pen leske: Te čiveh tou i momlia ap koy momelengri pre, hounte čivess len yaake, te dikenn hake efta momlia glan.

Hebrearja 9:2

Ko Debleskro kheer his i tikno kheer, kerdo dran firhengre balla, hoy hidjran le nay. Koles his douy iseme. I glanstouni isema kharella: O Debleskri isema. I palstouni isema kharella: O Debleskri kouč isema. An i glanstouni isema his i momelengri oun i rhapaskri tardo. Ap i rhapaskri his kol mare čiddo, hoy dan le o Debleste. Mashkral kol douy iseme his i voudar dran kouč pesso than.

Debleskro tsiro 1:20

Me kamau te hayvess, hoy kol efta bolepangre momlia hi, hoy tou an miro čačo vast dikal. Te hayvess ninna, hoy kol sonakangre momlia hi! Kol efta bolepangre momlia hi o Debleskre boudepangre, kay denn yak ap i patslende, kay an i efta forya khetne venna. Oun i efta sonakangre momlia hi i patsle, kay venna khetne an i efta forya.”

Debleskro tsiro 11:4

Kolla douy morsha hi kol douy djeteskre rouka oun kol douy momlia, hoy hi tardo glan o Debleste, kay hi o ray pral kay phoub.

Debleskro tsiro 2:5

Moukenn t'menge kova an o shero te djal, har dour t'mer mandar tele peran. Avenn pale o tselo djiyeha pash mande! Djivenn ko djipen, hoy djivan, har t'maro patsepen ap mande terno his. Te krenn kova gar, palle vau, oun lau t'mari momeli krik, oun čivrau lat ap i rig.