3. Mose 22:19 - O Debleskro Lab 2024 (Sinte-Manouche)

¹⁹ palle hounte rodell lo i firhes vin i groumyendar, bakrendar oder bouzyendar, hoy i morsh hi oun sasto, te dikell o baro Devel lačes ap leste.

O Debleskro Drom 2021 (Sinte)

¹⁹ palle hunte rodell lo i vieches win i grumjendar, bakrendar oder busjendar, hoi i mursh hi un sasto, te dikell o baro Dewel latches ap leste.

3. Mose 22:19 Iomraidhean Croise

2. Mose 12:5

Lenn yek firho, hoy sasto hi, i morsh, hoy yek bersh phouro hi, nay vell i bakrendar, nay vell i bouzyendar.

3. Mose 1:10

Te kamell yek i bakro oder i bouzni o baro Debleske te anell, te vell ko firho tseles leske rhačedo, palle anell lo i morshkano firho, hoy gar nasselo hi.

3. Mose 1:2

Rake i Israelentsa oun pen lenge: Te kamell i mensho t'mendar i firhes o baro Debleske te anell, palle lell lo yekes peskre groumyendar, peskre bakrendar oder peskre bouzyendar.

3. Mose 1:3

Te kamell lo leske i groumni te anell, te vell li leske tseles rhačedo, palle hounte lell lo i morshkani groumni, hoy gar nasselo hi. Oun yob anell lat glan o voudar o Debleskro plarhteno kherestar, te dikell o baro Devel lačes ap leste.

3. Mose 21:18

te hi lo korelo, bango, te hi leskro shero oder leskro kerpro gar yaake, har hounte vals lo,

3. Mose 4:32

Te kamell yek i bakro o Debleske te anell, te vell leskri doosh krik lino, palle anell lo i bakri, hoy gar nasselo hi,

Mateo 27:19

Har o Pilato ap o čačepaskro beshepaskro beshdo his, te rakrell lo o čačepen pral leste vin, moukas leskri romni leske te penell: “Ko morsh anas kek doosh ap peste. Mouk les te djal! Taysar rati his man i čilači souni, oun man his bare douka dran leste.”

Mateo 27:24

Har o Pilato dikas, te nay krell lo či, oun te venn le divyeder, las lo pani, thovas peskre vasta glan i tsele menshende, oun penas: “Me anau kek doosh ap mande, te vell lo maredo. Koy doosh vell ap t'mende.”

Mateo 27:4

Oun yob penas ap lende: “Me anom doosh ap mande. Me phoukrom ap koleste, kay kek doosh ap peste anas.” Penan le: “Kova hi gar maro koova. Kova hi tiro koova.”

Mateo 27:54

Ko pralstouno lourdo oun kol vavar, kay khetne leha ap o Yezouseste yak dan, kolla dikan, te vas i phoub trisslemen, oun hoy lauter koy djas. Koy tapras len i bari daar. Oun yon penan: “Kava morsh his čačepah o Debleskro čavo.”

Louka 23:14

oun penas ap lende: “T'mer anan kava morshes pash mande, oun penan mange, te krell lo i menshen divyo. Me kamom lestar te shounell, hoy yob koy pre penella, oun hatsom kek doosh ap leste, hoy t'mer ap leste pre anan.

Louka 23:41

Kava hi mari phagi koleske, hoy kram. Mer anah čačepah doosh ap mende. Kava morsh kras kek čilačepen.”

Louka 23:47

Har ko pralstouno lourdo dikas, hoy koy djas, sharas lo o Debles oun penas: “Čačepah, kava his i lačo morsh.”

Johanni 19:4

Oun pale djas o Pilato pash i biboldende vin, oun penas ap lende: “Me anau les pash t'mende vin, te dikenn t'mer, kay hatsau kek doosh ap leste.”

2. Korintarja 5:21

O Devel čivas mari tseli doosh ap maro rayeste, o Yezous Kristeste, kay yob kek čilačepen kras, te vas mer čačo oun erligo glan o Debleskre yaka.

Efesarja 5:27

Yaake kras lo len rayles oun shoukar. Kek djoungelo oun čilačo koova hi ap lende. Djoudjo oun erligo hi le glan leste tardo.

5. Mose 15:21

Te hi čomone djoungelo ap ko firho, te hi les i bangi heri, te hi lo korelo, oder i vavar doosh hi ap leste, palle rhačress les tou gar tiro baro Debleske.

Hebrearja 9:14

kitse zorleder hi o Yezous Kristeskro rat. O Debleskro Dourho, kay djivella hako tsiro, das o Yezous Kristeste i zoor, te nay das lo peskro djipen an o merepen. Oun yob meras o Debleske yaake har i bakro, ap koleste kek doosh hi. Kova kras lo, te lell lo mari doosh mendar, yaake te djivas mer bouder gar pal kol laba, hoy či moldo hi oun i menshe an o merepen anenna. Kanna hi maro dji djoudjo, oun mer nay vah čačepah o djido Debleske koy.

1. Petro 1:19

Yob playsras peskro kouč rateha, hoy yob ratas, har meras lo ap o troushel. O Yezous Kristo his har i bakro, hoy maredo vas o Debleske. Ap leste his kek doosh oun kek čilačepen.

1. Petro 3:18

Ninna o Yezous Kristo las yek kopo douka ap peste, har yob ap o troushel meras, oun mari doosh ap peste las. Yob his i lačo, oun meras i čilačenge. Kova kras lo, te anell lo len pash o Debleste. I menshe maran les. O Debleskro Dourho kras les djido.