3. Mose 22:18 - O Debleskro Lab 2024 (Sinte-Manouche)

¹⁸ Pen ap o Aron oun ap leskre morsh čavende, oun ap i tsele Israelitaryen: Hako Israelitari oun hako vi-themari, kay pash t'mende djivell, oun kay kamell o baro Debleske i firhes te anell, te vell kova leske rhačedo, – nay vell te dell lo les pestar, nay vell, te dell lo les pal kova, hoy lo pes sovel das,

O Debleskro Drom 2021 (Sinte)

¹⁸ Pen ap o Aron un ap leskre mursh tchawende, un ap i tsele Israelitarjen: Hako Israelitari un hako wi-themari, kai pash tumende djiwell, un kai kamell o baro Debleske i vieches te anell, te well kowa leske chatchedo, – nai well te dell lo les pestar, nai well, te dell lo les pal kowa, hoi lo pes sowel das,

3. Mose 22:18 Iomraidhean Croise

2. Familjakro liil 31:14

Oun yek Levitari, o Kore, koleskro dad o Yimna his, yob das yak ap o voudar ap koy rig, kay o kham pre djala, oun vas kanna dren čiddo te dell lo garda ap ko koova, hoy i menshe pendar o baro Debleske dan. Oun yob hounte das kova ap i rashayende oun i Levitaryen vin, hoy lengro kotar hi, ninna kol kotya mass, hoy kokres i rashayenge his.

Debleskri gili 116:14

Glan peskre tsele menshende anau o baro Debleske kova, hoy dom man sovel glan leste.

Debleskri gili 116:18

Glan tire tsele menshende anau touke, hoy dom man sovel glan toute,

Debleskri gili 22:25

Yob dikas gar krik o čorvelestar oun leskre douka, oun khatras gar peskro mouy lestar, Na-a, har yob ap leste gole das, shounas lo les.

Debleskri gili 56:12

Ap leste dikau oun rikrau man, oun darau gar. Hoy nashte krenn man i menshe?

Debleskri gili 61:5

Mouk man an tiro kheer te djivell hako tsiro, tel tire moussya man te khatrell, har i tikno čirklo khatrell pes tel peskri dakre moussya.

Debleskri gili 61:8

Yob te ačell o baro ray glan toute, miro Devel, hako tsiro! De tou an tiro lačepen oun čačepen yak ap leste!

Debleskri gili 65:1

I gili o rayeske pral i gipangre. Kay gili kras o David.

Debleskri gili 66:13

Doleske kamau an tiro kheer te djal, te anap touke firhen, hoy touke rhačedo venna. Kamau te dap tout, hoy dom man sovel glan toute.

2. Mose 12:5

Lenn yek firho, hoy sasto hi, i morsh, hoy yek bersh phouro hi, nay vell i bakrendar, nay vell i bouzyendar.

Sikepaskro 5:4

Feteder hi, te deh tout gar sovel, har te deh tout sovel oun rikreh gar, hoy penal.

3. Mose 1:10

Te kamell yek i bakro oder i bouzni o baro Debleske te anell, te vell ko firho tseles leske rhačedo, palle anell lo i morshkano firho, hoy gar nasselo hi.

3. Mose 1:2

Rake i Israelentsa oun pen lenge: Te kamell i mensho t'mendar i firhes o baro Debleske te anell, palle lell lo yekes peskre groumyendar, peskre bakrendar oder peskre bouzyendar.

3. Mose 17:10

Hako Israelitari, ninna hako vi-themari, kay mank t'mende djivell, kay rat rhal, havo ninna hi, koleske sikrau miro doumo, oun krau, te djivell lo bouder gar mank mire menshende.

3. Mose 17:13

Hako Israelitari oun hako vi-themari, kay taprell penge i divyo firho oder i čirklo, hoy yek nay rhal, hounte moukell leskro rat vin nashell ap i phoub oun čakrell čik koy pre.

3. Mose 22:17

O baro Devel penas ap o Mose:

3. Mose 23:38

Ninna rikrenn t'mer hako kourko o Debleskro dives dren! Oun anenn o baro Debleske ko vavar koova, hoy glan činlo hi, oun kova, hoy t'mer t'mendar denn, oun kova, hoy t'mer sovel dan, leske te dell.

3. Mose 7:16

Te das yek pes sovel te dell lo čomone o Debleste, oun anell doleske sau firho o Debleske, vell ko mass ko emligo dives rhalo. Te ačell čomone pral, nay rhan le les o vavar dives ninna. Yaake hounte vell ninna kerdo, te das yek i firho pestar o baro Debleste.

Amos 4:5

Anenn shoutlo maro o Debleske, te parkrenn pen pash leste! Denn vin gole, te anenn i menshe pendar čomone o Debleske! Oun palle denn vin gole, hoy hakeno anas. Savo koova kamenn t'mer yaake, t'mer Israelitarya! Kova penell o baro Devel, maro ray.

Jona 1:16

Kote lan i morsha bari traash glan o baro Debleste. Oun yon rhačran leske i firhes, te parkrenn le pen pash leste, yaake har yon pen sovel dan.

Jona 2:9

Kolla kay rikrenn pen ap čičeskro koova, rikrenn pen bouder gar ap toute.

Maleachi 1:14

Praasedo te vell hakeno, kay pes sovel das, te dell lo man i lačo morsh firho. Oun palle rhorhell lo man oun anell mange i nasselo firhes. Me hom o pralstouno ray, oun i menshe dran vavar themma sharenn man, penell o baro Devel, ko ray pral o bolepen oun i phoub.

4. Mose 15:3

oun t'mer anenn i firhes t'mare groumyendar oun bakrendar rhačepaske o baro Debleske, hounte denn t'mer i rhapen koy pashel. Krenn kova pash hako firho, hoy mange anenn: pash ko firho, hoy vell tseles rhačedo mange; pash ko firho, hoy rhan t'mer khetne glan mande; pash ko firho, koleha i mensho sikrell, te das lo pes sovel, te dell lo man čomone; pash ko firho, hoy kamell i mensho pestar mande te dell; pash ko firho, hoy rhačrenn t'mer mange ap t'mare bare divessa. O lačo soungepen kol firhendar hi mishto mange. Ko rhapen, hoy anenn pashel, hounte vell yek kilogrammi lačo yarro, oun yek litari djet. Kova vell halauter khetne kerdo.

Bičepangre 18:18

O Paulo ačas i tsiro an o foro Korint. Koy pal penas lo i patslenge: “Ačenn o Debleha!” Oun yob ouleras ap o shiffo pral o baro pani an o them Syria. I Priska oun o Akvila his pash leste. Glan kova, har yon an o foro Kenkrea ap o shiffo djan, das pes o Paulo sovel oun moukas peskre balla tele te činell.

5. Mose 12:17

Kolestar, hoy o baro Debleske hi, ma rhan: ko deshto t'maro djobestar, molyatar oun djetestar, vitar gar kol groumya oun bakre, hoy i phoureder lengre dayendar hi, vitar gar kova koleske t'men sovel dan, oun kova hoy kamenn t'mendar kokres te dell, oun ko vavar koova, hoy glan činlo hi.

5. Mose 12:6

Oun kote anenn kol firhen, hoy kamenn leske te marell, save, hoy venn leske tseles rhačedo, oun save, kolengro rat leske rhačedo vell. Kote anenn ninna o deshto kotar kolestar, hoy t'menge dren anan, oun ko vavar koova, hoy glan činlo hi, oun kova hoy denna yaake, har t'men sovel dan, ninna kova, hoy hakeno pestar della, oun save bakre oun gourma, kay i phoureder lengre dayendar hi.

5. Mose 16:10

avenn khetne glan t'maro baro Debleste, ap koy platsa, kay yob peske vin rodell, te vell lo kote an-mangedo. Anenn leske kolestar, hoy dren anan, kova, hoy kamenn t'mendar vin dran t'maro vast te dell, yaake har t'maro baro Devel t'mende peskri barht das. Oun avenn barhteles glan leste, t'mer oun t'mare čave, oun t'mare boudepangre oun i Levitarya oun i vi-themarya, kay pash t'mende djivenn, ninna kol čave kek dadeha oun kol djouvyen kolengro rom meras.