3. Mose 22:13 - O Debleskro Lab 2024 (Sinte-Manouche)

¹³ Te meras lakro rom oder moukas lat, oun lat hi kek čave, oun yoy djal pale an peskro dadeskro kheer, palle nay rhal li foun peskro dadeskro rhapen yaake har kras li, har li terni his. Kokres kolla dran o rashayeskri familya nay rhan foun ko rhapen, hoy o baro Debleske anlo vas.

O Debleskro Drom 2021 (Sinte)

¹³ Te meras lakro rom oder mukas lat, un lat hi kek tchawe, un joi djal pale an peskro dadeskro kheer, palle nai chal li fun peskro dadeskro chapen jaake har kras li, har li terni his. Kokres kolla dran o rashajeskri familja nai chan fun ko chapen, hoi o baro Debleske anlo was.

3. Mose 22:13 Iomraidhean Croise

1. Mose 38:11

Koy penas o Youda ap i Tamar, peskro čaveskri romyate: “Ač kokres an tiro dadeskro kheer, yaake rah bis te miro čavo, o Shela, baro vas.” O Youda penas peske: Te merell yob gar har leskre phrala! Oun i Tamar djas peske oun ačas pash peskro dadeste.

Esra 2:63

Oun ko moskro penas lenge, te nay rhan le gar o rhapen, hoy kokres i rashayenge his, yaake rah bis te i rashay vas oun vin hatsas, hoy i barra Momeli oun Čačepen pral kava koova penan.

2. Mose 12:43

Oun o baro Devel rakras ap o Mose oun ap o Aron: “Hako kopo, kay rhan t'mer o rhapen, hoy kharella Passa, rikrenn t'men ap kal laba: Kek vi-themari rhal kava rhapen.

2. Mose 29:33

Yon kokres rhan kol kotya mass ko firhestar, hoy maredo vas, te vell lengri doosh krik lino, te nay venn le o Debleskre rashaya. Kek vavar nay rhal ko mass, – kova hi o Debleskro rhapen.

Ezekiel 44:8

T'mer kokres kran gar koy boudi an miro kheer. Na-a, t'mer lan vavar morshen, te krenn le t'menge koy boudi an miro kheer.

3. Mose 10:14

Ko beč oun koy čači palstouni heri, hoy pre hadedo van glan o baro Debleste, hi ninna t'menge. Rhan len khetne t'mare čaventsa oun čentsa ap i vavar platsa, hoy djoudjo hi o Debleske. Kal kotya mass hi tiro kotar oun tire čavengro kotar kol firhendar, hoy i Israelitarya o baro Debleske anan, te rhan le len khetne glan leste.

3. Mose 22:10

Kek vavar rhal foun ko rhapen, hoy mange anlo vell, vitar gar kova, kay yek tsiro pash o rashayeste djivell, oder kova, kay i dives pash o rashayeste boudrell oun lestar playsedo vell.

3. Mose 22:12

Te vell o rashayeskri čay i romni i morshestar, kay kek rashay hi, palle rhal li gar bouder foun ko rhapen, hoy glan o baro Debleske anlo vas.

5. Mose 24:2

oun yoy djal dran leskro kheer oun vell i romni i vavar morshestar,

1. Samuel 21:7

Koy das les o rashay kol Debleskre mare. Kek vavar maro his koy. Kol Debleskre mare his o baro Debleste dino, pale krik lino, har vas nevo maro koy čiddo.