3. Mose 19:7 - O Debleskro Lab 2024 (Sinte-Manouche)

⁷ Te rhal yek ap o triinto dives gomme ko massestar, palle dikell o baro Devel gar lačes ap kova oun ap koleste, kay anas ko firho glan leste. O mass vas pale-čiddo.

O Debleskro Drom 2021 (Sinte)

⁷ Te chal jek ap o triinto diwes gomme ko massestar, palle dikell o baro Dewel gar latches ap kowa un ap koleste, kai anas ko viecho glan leste. O mass was pale-tchiddo.

3. Mose 19:7 Iomraidhean Croise

Jesaja 1:13

Ma anenn bouder kek rhapen rhačepaske! Kova hi čičeske. Ma rhačrenn mange bouder kek soungepaskro koova! Man hi o nak doha. T'mer venn mange khetne ap o nevo čon, ap o Debleskro dives oun ap vavar bare divessa. Kova hi mange gar mishto, yaake rah har moukenn t'mer gar t'maro djoungelo koova.

Jesaja 65:4

Rati hi le beshdo pash i moulengre khera, te poučenn le i moulen, oun ačenn pral i rat an khatede platse, kay mangenn le vavar deblen an. Yon rhan balengro mass, oun piyenn soummi, hoy mass dren hi kol firhendar, hoy pale-čiddo hi.

Jesaja 66:3

Kova, kay mange i gouroum marell, marell ninna i menshes i rhorheno debleske. Kova, kay mange i terno bakro temerl dell, marell ninna i djoukles i rhorheno debleske. Kova, kay mange rhapen glan anell, anell ninna balengro rat i rhorheno debleske. Kova, kay mange soungepaskro koova rhačrell, parkrell pes ninna pash i rhorheno debleste. Yon djan pengre dromma yaake har yon les kamenna. Oun shoukar hi an lengre yaka, hoy an mire yaka djoungeles hi.

Jeremia 16:18

Yon lenn mandar pengri tseli phagi lengri doshake oun ko čilačepaske, hoy yon kran. Me moukau lenge či. Yon kran miro them pengre moule deblentsa pale-čiddo. Ko them, hoy mange vin rodom, hi pherdo ko koveha, hoy djoungelo glan mire yaka hi.

3. Mose 19:6

Rhan ko mass ko emligo dives, kay maran ko firhes, oder ko vavar dives. Hi gomme o triinto dives čomone pral, hounte vell kova an i yag rhačedo.

3. Mose 19:8

Oun koon rhal kolestar, hounte hidjrell peskri doosh, hoy yob koleha ap peste las. Yob kras, har te vals ko firho, hoy mange, o baro Debleske, dino vas, gar feteder har hako vavar mass. Savo mensho vell pale-čiddo oun nay djivell bouder gar mank peskre menshende.

3. Mose 22:23

Grumya oun bakre, kolen i lengsteder heri hi oder i tikneder heri, sau firhes nay anell yek glan o baro Debleste, te dell lo les pestar kokres. Te anell lo les, te rikrell lo peskri sovel dren, hi kova gar lačo glan o baro Debleskre yaka.

3. Mose 22:25

Ginenn vitar gar sau firho yekestar, kay kek Israelitari hi, te anenn les glan t'maro Debleste. Save firhe hi bouder gar boud moldo. Ap savende dikell o baro Devel bouder gar lačes.