3. Mose 19:14 - O Debleskro Lab 2024 (Sinte-Manouche)

¹⁴ Ma praase yekes, kay nay shounell gar. Oun ma čip i koreleske čomone an o drom, te perell lo vergel. Rike touke tiro Debles glan i yaka pash halauter, hoy kreh! Me hom o baro Devel.

O Debleskro Drom 2021 (Sinte)

¹⁴ Ma praasse jekes, kai nai shunell gar. Un ma tchip i koreleske tchomone an o drom, te perell lo wergel. Rike tuke tiro Debles glan i jaka pash halauter, hoi kreh! Me hom o baro Dewel.

3. Mose 19:14 Iomraidhean Croise

1. Mose 42:18

Ap o triinto dives penas o Yosef ap lende: “Te krenn t'mer, hoy penau, ačenn t'mer djido. Me darau o Deblestar.

Nehemia 5:15

Kol vavar themeskre raya glan mande čivan pharo koova ap i menshende. Hako dives lan le lendar maro oun mool oun kote pashel gomme 40 (star-deesh) roupene beme. Oun kolengre boudepangre kran pen ninna ray pral i menshende, yaake har le kaman! Me krom kova gar yaake, djinom, o Devel dikell man!

Debleskri gili 111:10

Koon djivell o baro Debleha, kova lell gosvepen. Gosevo hi hakeno, kay ap o baro Debleskre laba shounella. Te sharas les hako tsiro!

3. Mose 19:15

Te vell o čačepen vin kerdo, palle de koles peskro čačepen, koles čačo hi! Ma tserde koles glan, kay čorvelo hi, vitar gar koles, kay bravelo hi. Hakeno hounte lell peskro čačepen.

3. Mose 19:32

Glan phoure menshende stess tou pre oun dikess pre ap lende. Tou rikress tiro Debles glan tire yaka pash halauter, hoy kreh! Me hom o baro Devel.

3. Mose 25:17

Kek te dell o vavares pal o kand! Rikrenn t'menge t'maro Debles glan i yaka pash halauter, hoy krenn! Me, o baro Devel, hom t'maro Devel.

Remarja 12:14

Rakrenn lače laba ap kolende, kay lenn t'men palla! Mangenn o Debles lenge, oun koshenn len gar!

Remarja 14:13

Doleske hounte penell kek mendar ap o vavareste: “Tou djal gar mishto ap o Debleskro drom.” Denn yak, te čivenn t'mer i vavar patsleske či an o drom, yaake te djinell lo bouder gar, har te djal lo ap o Debleskro drom.

1. Korintarja 10:32

Djivenn yaake, te rhoyrell pes kek pral t'mende: kol bibolde gar, oun kolla, kay kek bibolde hi vitar gar, oun vitar gar kol patsle, kay venn t'mentsa khetne.

5. Mose 27:18

“Praasedo vell kova, kay anell i koreles ap i rhorheno drom.” Oun i tsele menshe hounte penenn: Amen!

1. Petro 1:17

O Devel hi o čačepaskro ray, kay rakrell o čačepen vin pral hakeneste pal kova, hoy yob kras. Oun o Devel dikell gar koy pre, koon ko mensho hi. Ap leste penenn t'mer: “Tata!” Doleske djivenn yaake, har yob kova kamella, yaake rah har t'mer kate ap i phoub djivenna.

1. Petro 2:17

Avenn lačes ap hako mensheste! Kamenn i patslen o djiyestar! Sharenn o Debles, oun krenn, hoy yob kamella! Shounenn ap o baro rayeste pral o them!

Debleskro tsiro 2:14

I tikno koova pash t'mende hi gar mishto. Mashkral t'mende hi save menshe, kay djan ap ko drom, koles o Bileam glan i rah tsiro i menshende sikras. Yob sikras o baro rayeste pral o them Moab, – leskro lab his Balak, – har te anell lo nay i Israelitarya ap i čilačo drom. Yaake rhan i Israelitarya ko mass kol firhendar, hoy kol vavar menshe glan pengro debleste anan. Ninna djan le pash vavar djouvyende.