3. Mose 19:10 - O Debleskro Lab 2024 (Sinte-Manouche)

¹⁰ Yaake krenn ninna t'mare drakentsa. Har anan len dren, ma djan i douyto kopo ap ko kotar phoub, te anenn kolla dren, kay pral ačan, vitar gar save, kay tele peran. Kol čorvelenge, oun kolenge dran i vi-them, moukenn len pral! Me, baro Devel, hom t'maro Devel.

O Debleskro Drom 2021 (Sinte)

¹⁰ Jaake krenn ninna tumare drakentsa. Har anan len dren, ma djan i duito kopo ap ko kotar phub, te anenn kolla dren, kai pral atchan, witar gar sawe, kai tele peran. Kol tchorwelenge, un kolenge dran i wi-them, mukenn len pral! Me, baro Dewel, hom tumaro Dewel.

3. Mose 19:10 Iomraidhean Croise

Jesaja 17:6

Kokres i vast pherdo menshe ačenn djido. O Israel hi har i djeteskro rouk, kolestar dan le i djeteskre drake tele. Oun douy te triin drake ačan pral ap i pralstoune kashta, oun star te panč ap i telstoune kashta. Me, o baro Devel, hom o Israeleskro Devel, oun penom kova.

Jesaja 24:13

I menshentsa an i themma djal yaake har an ko tsiro vin dikell, kay van i drake i djeteskre roukendar oun i molyakre roukendar tele dino. Oun kokres i vast pherdo ačenn ap i rouka.

Jeremia 49:9

Kolla, kay i drake tele lenna, venna pral lende. Či moukenn le pral! Čorepangre venn rati pral lende, oun čorenn len vin, har lengro dji les lenge penella!

3. Mose 11:44

Me, o baro Devel, hom t'maro Devel. Kek vavar hi har me. An mande hi kek čilačepen. Oun t'mer hounte djivenn yaake, te vell či tardo mank mande oun t'mende. Ma krenn t'men pale-čiddo ap i tikno firho, hoy djal pral i phoub.

3. Mose 19:11

Ma čorenn! Ma rakrenn rhorhepen! Ma krenn rhorheno koova yek o vavareske!

3. Mose 19:25

An o pančto bersh rhan t'mer kova, hoy kol rouka hidjrenn. Te krenn t'mer kova yaake, palle vell kova hoy t'men dren lenn, boudeder oun boudeder. Me, o baro Devel, hom t'maro Devel.

3. Mose 19:9

Te anenn t'mer o djob dren ap t'maro them, činenn gar o djob ap i tseli kotar phoub tele. Moukenn čomone ap i rigya tardo. Djan vitar gar i douyto kopo pral ko kotar phoub, te hadenn kova pre, hoy tele peras.

3. Mose 23:22

An ko tsiro, kay činenn o djob tele, hoy ap t'maro kotar phoub bares vas, moukenn čomone ap i rigya tardo. Ma djan vitar gar i douyto kopo pral ko kotar phoub, te hadenn kova pre, hoy tele peras. Moukenn kova i čorvelenge oun kolenge dran i vi-them! Me, o baro Devel, hom t'maro Devel.

3. Mose 25:6

Hakeno t'mendar nay lell khetne, hoy lo hatsell ap o them: t'mer oun t'mare boudepangre, morsha har djouvya, ninna kolla, kay boudrenn hako kopo yek dives pash t'mende, oun kolla, kay yek tsiro pash t'mende djivenn.

Obadja 1:5

Čorepangre venn rati pral toute oun čorenn tout vin, bis te hi le doha! Hoy ačell touke palle? Ninna kolla venna pral toute, kay i drake tele lenna. Touke moukenn le či pral!

Micha 7:1

Me bibarhtelo, mange hi har yekeske, kay bokella, oun hatsell kek phabya ap o rouk, oun kek drake ap i drakengro rouk. Kol tsele lače phabya oun goudle drake hi krik.

5. Mose 24:19

Te bistral i pandepen nevo djob ap tiro harhetikri phoub an ko tsiro, kay aneh tiro djob dren, palle djas tou gar pale, te aness les. Mouk les kolenge, kay dran i vavar them pash t'mende djivenn, ninna kol čavenge, kolengro dad meras, oun kol djouvyenge, kolengro rom meras. Koleske dell tout tiro baro Devel barht an halauter, hoy tire vasta an-taprenn.

5. Mose 24:20

Te lal tou i drake tele tiro djeteskre roukendar, palle djas tou gar pale pash kol rouka, oun rodess len tele pal vavar drake. Mouk len kolenge, kay dran i vavar them pash t'mende djivenn, ninna kol čavenge, kolengro dad meras, oun kol djouvyenge, kolengro rom meras.

5. Mose 24:21

Te lal tou i drake dren tiri molyakre roukendar, palle djas tou gar pale pash kol rouka, oun rodess len tele pal vavar drake. Mouk len kolenge, kay dran i vavar them pash t'mende djivenn, ninna kol čavenge, kolengro dad meras, oun kol djouvyenge, kolengro rom meras.

Čačepangre 8:2

Oun yob penas ap lende: “Kova, hoy t'mer kran, hi boud bareder har kova hoy me krom. Kova hi yaake har an ko tsiro, kay i drake dren anlo venna: Kol palstoune drake hi feteder har i tsele vavar. Yaake hi kova, hoy o Efrayim kras, feteder har kova, hoy mire tsele menshe khetne kran.

Ruth 2:2

His i dives, koy penas i Ruth ap i Naomi: “Me kamau ap i harhetikri phoub te djal oun djob pre te hadell, hoy čiddo ačas. Djau pash yekeste, kay lačo hi ap mande oun moukell man kova te krell.” Oun i Naomi penas: “Dja miri čay!”