3. Mose 18:25 - O Debleskro Lab 2024 (Sinte-Manouche)

²⁵ O tselo them vas koleha pale-čiddo kerdo. Me anau lengri doosh ap lende pale, oun krau, te venn kol menshe vin tradedo dran ko them, kay le djivenn.

O Debleskro Drom 2021 (Sinte)

²⁵ O tselo them was koleha pale-tchiddo kerdo. Me anau lengri doosh ap lende pale, un krau, te wenn kol menshe win tradedo dran ko them, kai le djiwenn.

3. Mose 18:25 Iomraidhean Croise

1. Rajengro liil 21:26

Leskro djoungleder koova his, te nashas lo i moule deblenge palla, yaake har kran kova i Amorarya, kolen tradas o baro Devel glan i Israelitaryen krik.

Esra 9:11

kay tou kolenge penal, kay tire boudepangre, tire rakepangre his, te penenn le kova menge doureder. Tou penal menge: Ko them, kay t'mer koy venna, te lenn les t'menge, hi i pale-čiddo them. I menshe, kay kote djivenn, kran les pale-čiddo ko tselo djoungelo koveha, hoy le kran, har mangan le vavar deblen an. Lengre moule debla hi an o tselo them yek rigyatar bis ap i vavar.

Debleskri gili 106:38

Ava, yon dan pengre čaven oun čen moulo, kay kek doosh ap pende anan, oun dan len kol moule deblen, kolen i Kanaanitarya an-mangan. Yaake anan le rateskri doosh ap o them Kanaan,

Debleskri gili 89:32

oun krenn gar, hoy lendar kamau, oun rikrenn pen gar ap mire laba,

Jesaja 24:5

I menshe ap i phoub moukan o Debleskro drom, oun rikran pen gar ap leskre laba, oun djivan gar yaake, har lo lentsa vin kras, oun hoy hako tsireske čačo hi. Yaake kran le i phoub pale-čiddo.

Jesaja 26:21

O baro Devel vell dran peskro kheer vin, te anell lo o čilačepen pale ap i sherya kolendar, kay o čilačepen kran. Palle vell o rat kolendar diklo, kay maredo van. Oun i phoub khatrell len bouder gar.

Jeremia 14:10

Yaake penas o baro Devel kal menshendar: Yon nashenn yek rigyatar ap i vavar, yaake har kamenn le. Doleske dikell o baro Devel gar lačes ap lende. Leske vell an o shero, havo čilačo koova yon kran. Oun lengri doshake dell yob len i phagi.

Jeremia 16:18

Yon lenn mandar pengri tseli phagi lengri doshake oun ko čilačepaske, hoy yon kran. Me moukau lenge či. Yon kran miro them pengre moule deblentsa pale-čiddo. Ko them, hoy mange vin rodom, hi pherdo ko koveha, hoy djoungelo glan mire yaka hi.

Jeremia 2:7

Oun me anom t'men an i lačo them, kay boud rhapen hi, te rhan ko tselo lačo koova, hoy kote baro vella. Oun har t'mer an ko them djan, kran les t'mer pale-čiddo. Oun miro them vas djoungeles glan mire yaka.

Jeremia 23:2

Doleske penell o baro Devel, ko Devel pral o Israel, ap i pralstunende, kay hounte dans garda ap leskre menshende: T'mer rikran mire menshen gar khetne. Yon hi har bakre, kay van kate te kote tradedo. T'mer dan gar garda ap lende. Kanna dau me garda, te lenn t'mer t'mari phagi ko čilačepaske, hoy kran.

Jeremia 5:29

Moukap me len kova te krell oun penap či koy pre, penell o baro Devel. Dap me save menshen kek phagi?

Jeremia 5:9

Oun me hounte dap len kek phagi? penell o baro Devel, oun dap have menshen har kalla gar pale, hoy yon kran?

Jeremia 9:9

Me kamau pral kava them an i berge rovell, oun pral ko zenelo pralstouno them i ropaskri gili te givell. Lauter hi pre-rhačedo. Kek mensho djal koy trouyel. Kek groumya oun bakre denn kote gole. Ninna kol čirkle oun i divye firhe nashan penge, oun moukenn pen bouder gar te dikell.

Hosea 2:13

Me krau, te venn i Israelitarya bouder gar barhteles khetne ap kol bare divessa. Ap kek Debleskro dives, ap kek dives, kay vell o nevo čon diklo, oun ap kek vavar baro dives venn le bouder khetne.

Hosea 8:13

Yon anenn mange firhen, oun rhan pen čalo ap ko mass. Me, o baro Devel, dikau gar lačes koy pre. Lengri doosh bistrau me gar, oun lengro čilačepen vell pral lende: Yon hounte djan pale an o them Egiptia pale.

Hosea 9:9

T'maro čilačo koova, hoy krenn, hi yaake djoungelo har kova, hoy vas kerdo an o foro Gibea glan i rah tsiro. Doleske bistrell o baro Devel gar t'mari doosh oun dell t'men t'mari phagi.

3. Mose 18:26

Doleske krenn kova, hoy me t'mendar kamau, oun djivenn pal miro čačepen, t'mer oun ninna ko vi-themari, kay mank t'mende djivell! Krenn kek savo pale-čiddo koova,

3. Mose 18:28

Te krenn t'mer kava them ninna pale-čiddo, venn t'mer dran kava them vin tradedo har kol vavar menshe, kay glan t'mende kay his.

Remarja 8:22

Mer djinah, halauter, hoy o Devel kras, rovell oun dell gole i doukatar bis kava dives.

5. Mose 18:12

Koon savo koova krella, hi pale-čiddo glan o baro Debleskre yaka. Dran savo djoungelo pale-čiddo koova tradell t'maro baro Devel kol vavar menshen dran o them vin glan t'mende.

5. Mose 21:23

palle ačell ko moulo gar pral i rat ap ko kashteste. Na-a, yob hounte vell paskedo ap ko emligo dives, te vell ko them gar pale-čiddo, hoy t'maro baro Devel t'men dell. Pash leste hi kova praasedo, kay hi pre-pandlo ap i kasht.

5. Mose 9:5

Hi gar doleske, te vans lače menshe oun t'men vals i djoudjo dji, te venn t'mer an ko them, te lenn les t'menge dren. Na-a, t'maro baro Devel tradell kol menshen vin ko čilačepaske, hoy le kran, te rikrell yob koy sovel dren, hoy lo t'mare phourende, o Abrahames oun o Isaakes oun o Yakobes, das.