3. Mose 17:16 - O Debleskro Lab 2024 (Sinte-Manouche)

¹⁶ Te thovell lo pes gar, vitar gar peskre koola, hounte hidjrell lo peskri phagi.

O Debleskro Drom 2021 (Sinte)

¹⁶ Te thowell lo pes gar, witar gar peskre koola, hunte hidjrell lo peskri phagi.

3. Mose 17:16 Iomraidhean Croise

Jesaja 53:11

Yob las yaake boud daar oun douka ap peste, doleske dikell yob ninna i momeli, oun leskro dji vell čalo. Miro boudepaskro hi tardo an o čačepen. Oun dran kova lauter, hoy ap leste vas, nay čivell yob ninna boud menshen an o čačepen. Oun lengri doosh lell yob ap peste.

3. Mose 18:1

O baro Devel penas ap o Mose:

3. Mose 19:8

Oun koon rhal kolestar, hounte hidjrell peskri doosh, hoy yob koleha ap peste las. Yob kras, har te vals ko firho, hoy mange, o baro Debleske, dino vas, gar feteder har hako vavar mass. Savo mensho vell pale-čiddo oun nay djivell bouder gar mank peskre menshende.

3. Mose 20:17

Te sovell i morsh peskri penyah, i čay leskro dadestar oder leskri datar, hi kova i bari ladj. Kol douy hounte venn moulo dino glan i tsele menshende. Ko morsh sovas peskri phenyah, oun hounte hidjrell peskri doosh.

3. Mose 5:1

Te vell yek glan i čačepangre anlo, te penell lo, hoy lo dikas oun shounas, oun yob rikrell kova peske, oun penell či, ninna te dikas oder shounas lo, hoy koy his. Palle anas lo i doosh ap peste oun hounte hidjrell lat.

3. Mose 7:18

Te rhal yek ap o triinto dives gomme ko massestar, palle dikell o baro Devel gar lačes ap kova oun ap koleste, kay anas ko firho glan leste. O mass vas pale-čiddo. Oun koon rhal kolestar, hounte hidjrell peskri doosh, hoy yob koleha ap peste las.

Johanni 13:8

Penas o Petro ap leste: “An kek tsiro kamau me, te thovess mire pire!” “Te thovau tout gar,” penas o Yezous, “hal tou gar miro.”

Hebrearja 9:28

yaake hounte meras o Yezous Kristo yek kopo i menshenge, te lell lo i doosh boud lendar ap peste. Ap ko tsiro, kay vell lo i douyto kopo, vell lo gar, te lell lo i doosh i menshendar krik. Na-a. Palle vell lo kolenge, kay čivan pengro dji ap leste, te lell lo len pash peste, oun te dell lo len lauter kova, hoy hi lenge an o bolepen.

1. Petro 2:24

O čilačepen, hoy mer kram, las o Yezous Kristo ap peste, oun hidjras les ap o troushel. Har yob menge meras, hi kova yaake, har te meram mer leha. Kanna hi o čilačepen an mende moulo. Oun mer djivah nay i lačo oun čačo djipen. Kol douka, hoy o Yezous ap peste las, kran maro djipen sasto.