3. Mose 17:11 - O Debleskro Lab 2024 (Sinte-Manouche)

¹¹ An o rat hi o djipen. Oun me kamau, te vell lo ap i rhačepaskri anlo, te vell i doosh oun o pale-čiddo koova t'mendar krik lino. An o rat hi o djipen. Doleske lau leha i doosh oun o pale-čiddo krik.

O Debleskro Drom 2021 (Sinte)

¹¹ An o rat hi o djipen. Un me kamau, te well lo ap i chatchepaskri anlo, te well i doosh un o pale-tchiddo koowa tumendar krik lino. An o rat hi o djipen. Doleske lau leha i doosh un o pale-tchiddo krik.

3. Mose 17:11 Iomraidhean Croise

1. Mose 9:4

Kokres o mass, kay hi gomme rat dren, kova hounte rhan gar; an o rat hi o djipen.

3. Mose 1:5

Palle marell lo kay groumni glan o baro Debleskro kheer. Oun kol rashaya dran o kheer Aron lenn o rat oun čorenn les troul o Debleskri rhačepaskri ap leskre star rigya. Kay rhačepaskri hi tardo glan o voudar o plarhteno kherestar.

3. Mose 16:11

O Aron marell ko gouroum, te vell i doosh oun o pale-čiddo koova lestar oun leskri familyatar krik lino, oun yon čačo oun erligo tardo hi glan o baro Debleste.

3. Mose 17:12

Doleske penom me ap i Israelitarya: Kek t'mendar rhal rat. Vitar kek vi-themari, kay mank t'mende djivell, rhal rat.

3. Mose 17:14

An o rat hi o djipen. Doleske penom me ap i Israelitarya: Ma rhan rat! Koon les rhal, vell pale-čiddo oun nay djivell bouder gar mank peskre menshende!

3. Mose 4:25

Oun o rashay lell peskro goushteha ko ratestar oun makell les ap i shinga, hoy ap i star ekke pral ap koy rhačepaskri hi, kay i firhe rhačedo venna. O tselo vavar rat čorell lo vin tella pash i rhačepaskri.

3. Mose 4:26

Oun o tselo thulepen rhačrell lo ap i rhačepaskri yaake, har rhačrell lo o thulepen ko firhestar, hoy yek o Debleske anell, te rhan le les khetne glan leste. Yaake krell o rashay, te vell lauter pale mishto mank o pralstuneste oun o baro Debleste. Oun o baro Devel bistrell leskri doosh.

3. Mose 8:15

Oun o Mose maras les kote, oun las čomone ko ratestar, oun makas peskro goushteha ko rat ap i shinga, hoy pral ap i star ekke ap i rhačepaskri hi. Ko tselo vavar rat čoras lo tella pash i rhačepaskri vin. Yaake las lo koy tseli doosh oun ko tselo pale-čiddo koova krik, hoy ap koy rhačepaskri his, te nay vell li o Debleske dino.

Mateo 20:28

Ninna o Mensheskro Čavo vas gar ap i phoub, te boudrenn i menshen leske. Na-a. Yob vas ap i phoub, te vell lo lenge koy, oun te merell lo boudenge. Oun yaake lell lo len dran o čilačepen oun o merepen vin.”

Mateo 26:28

Kay mool hi miro rat, hoy me ratau boudenge, te lap lengri doosh lendar. Yaake krau i drom, kay o Devel oun i menshe mala venna.

Markus 14:24

Oun yob penas ap lende: “Kay mool hi miro rat, hoy me ratau boudenge. Yaake krau i drom, kay o Devel oun i menshe mala venna.

Remarja 3:25

O Devel bičras les, te merell lo ap o troushel kolenge, kay ap leste patsenna. Leskro rateha, hoy yob ap o troushel ratas, thovas o Devel mari doosh mendar krik. Yaake dikah, o Devel hi lačo oun čačo oun lell i menshendar lengri doosh krik.

Remarja 5:9

Leskro rateha kras lo men čačo glan o Debleste. Doleske nay djinah zoreles: O Debleskri rholi vell bouder gar ap mende. O Yezous Kristo kras lauter mishto.

Efesarja 1:7

Har o Yezous Kristo ap o troushel meras, oun peskro rat menge ratas, las lo mari doosh oun phagi mendar. Yaake baro his leskro lačepen ap mende!

5. Mose 12:23

Kokres yek koova rikrenn dren! Ma rhan o mass, kay hi gomme o rat dren! An o rat hi o djipen. Oun t'mer hounte rhan gar o djipen khetne o masseha.

Kolossarja 1:14

kay playsras menge peskro rateha, oun las mari doosh mendar krik.

Kolossarja 1:20

Oun o Yezous Kristo hi ko drom, kay o Devel oun i menshe pale mala venna. Har yob ap o troushel meras, oun peskro rat ratas, anas o Devel lauteren pash peste khetne, hoy hi an o bolepen oun ap i phoub.

Hebrearja 13:12

Yaake meras o Yezous ninna vin glan o foro, te krell lo peskro rateha i menshen erligo glan o Debleste.

Hebrearja 9:22

Hi gar boud koova, hoy vell gar o rateha djoudjo oun erligo kerdo. Yaake hi an o Moseskre lila činlo. Oun te vell kek rat vin čoredo, nay vell kek doosh krik lino.

1. Petro 1:2

O Devel, maro dad an o bolepen, rodas t'men vin, oun das t'men peskro Dourho, te venn t'mer o Debleskre čave, oun krenn, hoy o Yezous Kristo t'mendar kamella. Oun yob thovas t'mari doosh peskro rateha t'mendar tele. Mou vell t'men boud lačepen oun barht an o dji!

1. Johanni 1:7

Mer te djivah khetne o Debleha an o čačepen, yaake har o Devel an o čačepen tardo hi, palle nay ham mer ninna lauter khetne an o čačepen. Oun o rat leskro čavestar thovell mari tseli doosh mendar tele.

1. Johanni 2:2

Yob kokres las mari doosh mendar, oun las lat ap peste, har yob menge ap o troushel meras. Gar mari doosh kokres las lo ap peste. Na-a, yob las ninna i doosh i tsele menshendar ap kay phoub ap peste.

Debleskro tsiro 1:5

Lačepen oun barht t'menge! Kova dell t'men o Yezous Kristo! Yob sikrell i menshende o čačo drom pash o Debleste. Oun yob hi o glanstouno lauterendar, kay stenn i moulendar pre oun venn djido. Oun yob hi ninna o ray pral i tsele raya ap kay phoub! Yob kamell men o tselo djiyestar, oun las men dran mari doosh vin, oun playsras menge peskro rateha.