3. Mose 16:7 - O Debleskro Lab 2024 (Sinte-Manouche)

⁷ Palle lell yob kol douy morsh bouzya oun anell len pash o baro Debleste glan o voudar leskro plarhteno kherestar.

O Debleskro Drom 2021 (Sinte)

⁷ Palle lell job kol dui mursh busja un anell len pash o baro Debleste glan o wudar leskro plachteno kherestar.

3. Mose 16:7 Iomraidhean Croise

3. Mose 1:3

Te kamell lo leske i groumni te anell, te vell li leske tseles rhačedo, palle hounte lell lo i morshkani groumni, hoy gar nasselo hi. Oun yob anell lat glan o voudar o Debleskro plarhteno kherestar, te dikell o baro Devel lačes ap leste.

3. Mose 16:6

O Aron anell peske oun peskri familyake i gouroum, te vell lo maredo, te vell lengri doosh oun lengro pale-čiddo koova krik lino, oun lauter pale mishto mank o baro Debleste oun lende.

3. Mose 16:8

O Aron vitsrell douy tikne barra, te sikrenn le, havi bouzni o baro Debleske hi, oun havi bouzni an o moulo tato them tradedo vell.

3. Mose 4:4

Oun yob anell ko gouroum glan o baro Debleste, pash o voudar glan o Debleskro kheer, oun čivell peskro vast ap o firheskro shero oun marell les kote glan o baro Debleste.

Mateo 16:21

Oun ap ko tsiro penas o Yezous peskre malenge, te hounte djal lo an o foro Yerusalem. Oun yob penas lenge: “Me hounte lap boud douka ap mande. I bare rashaya, oun i biboldengre phoureder oun čačepangre, kolla marenn man. Oun pal triin divessa krell man o Devel djido.”

Remarja 12:1

Mire phrala, o Devel hi kamlo ap t'mende. Doleske mangau t'men o tselo djiyestar: Djivenn t'maro djipen o Debleske, oun venn leske kokres koy, yaake te vell o Devel barhtelo pral t'mende. Te djivenn t'mer yaake, sharenn t'mer les. Oun kova hi t'mari boudi.