3. Mose 16:5 - O Debleskro Lab 2024 (Sinte-Manouche)

⁵ I Israelitarya anenn leske douy morsh bouzya oun yek bakro. I bouzya venn maredo, te vell i doosh oun o pale-čiddo koova krik lino. Oun o bakro vell maredo, te vell leskro tselo mass rhačedo o Debleske.

O Debleskro Drom 2021 (Sinte)

⁵ I Israelitarja anenn leske dui mursh busja un jek bakro. I busja wenn maredo, te well i doosh un o pale-tchiddo koowa krik lino. Un o bakro well maredo, te well leskro tselo mass chatchedo o Debleske.

3. Mose 16:5 Iomraidhean Croise

2. Familjakro liil 29:21

Oun yon anan efta terne gourma, oun efta morsh bakre oun efta terne bakre oun efta morsh bouzya, te marenn oun rhačrenn le len o baro Debleske, te nay vell i doosh krik lino o rayeskro kherestar, oun o Debleskro kherestar oun i tsele menshendar an o them Youda. Oun o Hiskiya penas ap i rashayende dran o kheer Aron, te rhačrenn le i firhen ap i rhačepaskri o baro Debleske.

Esra 6:17

Koleske anan le an o Debleskro kheer 100 (sheel) gourma, 200 (douy-sheel) bakre, oun star-sheel (400) terne bakre, te venn le maredo o Debleske, ninna deesh-te-douy morsh bouzya, yek haki bari familyake, hoy vell o deesh-te-douy Israeleskre čavendar. Kol bouzya van rhačedo o Debleske, te vell i doosh i Israelendar krik lino.

3. Mose 1:10

Te kamell yek i bakro oder i bouzni o baro Debleske te anell, te vell ko firho tseles leske rhačedo, palle anell lo i morshkano firho, hoy gar nasselo hi.

3. Mose 4:3

Te hi kova o pralstouno rashay, kay rikras pes gar ap o Debleskro lab, oun anas yaake doosh ap i tsele Israelitaryen, palle lell lo i terno gouroum, hoy gar nasselo hi, oun anell les o baro Debleske, te vell leskri doosh, hoy lo ap peste anas, krik lino.

3. Mose 8:14

Yob moukas o terno gouroum te anell, hoy i doshake maredo vell. O Aron oun leskre čave čivan pengre vasta ap o shero ko terno firhestar.

3. Mose 8:2

Le o Arones oun leskre morsh čaven touha, oun i rashayengre koola, oun o djet oun ko terno gouroum, hoy i doshake maredo vell, oun kol douy morsh bakre oun koy korba, kay i mare dren hi, kay kek shoutlo yarro dren hi.

3. Mose 9:2

oun penas ap o Aron: “Le touke i terno gouroum oun i morsh bakro, ko gouroum, te vell lo maredo, te vell i doosh krik lino, oun ko bakro, te vell lo maredo, oun leskro tselo mass o baro Debleske rhačedo. Kal douy hounte venn sasto. Kolla an glan o baro Debleste:

4. Mose 29:11

Koy pashel hounte anenn i morsh bouzni o baro Debleske, te vell t'mari doosh krik lino. Kova halauter vell pash kova pashel, hoy denn o Debleste ap ko dives: i morsh bouzni i doshake, oun kol firhe, hoy venn leske hako dives rhačedo, khetne ko rhapen dran yarro oun koy mool, hoy vell leske vin čoredo.

Remarja 8:3

O Moseskre laba nay dan ko djipen gar. I menshe nay kran kova gar, hoy an o Moseskre lila činlo hi. Ko čilačepen, hoy an lende his, moukas len gar te krell, hoy o Devel lendar kamas. Doleske penas o Devel: “O čilačepen hounte merell.” Oun yob bičras peskro čaves, te vell lo i mensho har mer, kay čilačo ham. Yob las maro čilačepen ap peste oun meras. Oun yaake meras o čilačepen leha oun nashras peskri zoor pral mende.