3. Mose 16:22 - O Debleskro Lab 2024 (Sinte-Manouche)

²² Kay morsh bouzni hidjrell lengri tseli doosh peha an o divyo moulo them. Oun kote ačell li.

O Debleskro Drom 2021 (Sinte)

²² Kai mursh busni hidjrell lengri tseli doosh peha an o diwjo mulo them. Un kote atchell li.

3. Mose 16:22 Iomraidhean Croise

Debleskri gili 103:10

Yob dell men gar i phagi pal kova, hoy kram, oun dell men maro čilačepen gar pale.

Debleskri gili 103:12

Koy rig, kay o kham pre djal, hi dour krik kolatar, kay lo tele djal. Yaake dour har kay yek rig hi koy vavaratar, yaake dour čivas yob mari doosh mendar krik.

Ezekiel 18:22

Ko tselo čilačo koova, hoy lo kras, vell bistedo! Dran ko lačo oun čačo koova, hoy lo kanna krell, ačell lo djido.

Ezekiel 4:4

Oun tou čip tout ap tiri servi rig, oun me čivau i doosh o kherestar Israel ap toute pre. 390 (triin-sheel-te-enya-deesh) divessa hounte vess koy čiddo ap i phoub, oun hounte hidjress lengri doosh. Yaake boud bersha anas o Israel doosh ap peste. Yek dives hako bersheske hounte hidjress lengri doosh.

3. Mose 14:7

oun vitsrell ko ratlo panyestar efta kope ap koleste, kay pale-čiddo his, te vell lo erligo. Oun moukell ko djido čirkles krik te djal.

3. Mose 16:21

oun čivell peskre douy vasta ap lakro shero, oun penell haki doosh oun hako čilačepen, hoy i Israelitarya kran. Yaake čivell lo kova lauter ap i bouzyakro shero. Palle moukell lo lat i morshestar, kay koleske koy tardo hi, krik te tradell an o moulo tato them.

3. Mose 16:23

Pal kova djal o Aron an o Debleskro plarhteno kheer oun rivell kol layntikre koola vin, hoy yob ap peste rivas, har djas lo an o kheer dren. Oun kote čivell lo len pale tele.

Micha 7:19

Ava, tou kreh tiro dji pale menge pre oun stakreh mari doosh tel tire pire. O tselo čilačepen, hoy kram, vitsreh tou dour an o baro pani.

Johanni 1:29

Ap o vavar dives dikas o Yohanni, kay o Yezous pash leste vella. Oun o Yohanni penas: “Dikenn, kava hi o Debleskro bakro, kay lell i menshengri doosh ap peste.

Galatarja 3:13

Mer nashte rikram kova lauter gar. Oun dran kova vam tel o Debleskro praasepen. Oun o Yezous Kristo las ko praasepen mendar krik, har yob ap o troushel dino vas, oun yaake menge praasedo vas. O Debleskro lab penella: Hakeno, koon ap o troushel dino vella, hi praasedo.

Hebrearja 9:28

yaake hounte meras o Yezous Kristo yek kopo i menshenge, te lell lo i doosh boud lendar ap peste. Ap ko tsiro, kay vell lo i douyto kopo, vell lo gar, te lell lo i doosh i menshendar krik. Na-a. Palle vell lo kolenge, kay čivan pengro dji ap leste, te lell lo len pash peste, oun te dell lo len lauter kova, hoy hi lenge an o bolepen.

1. Petro 2:24

O čilačepen, hoy mer kram, las o Yezous Kristo ap peste, oun hidjras les ap o troushel. Har yob menge meras, hi kova yaake, har te meram mer leha. Kanna hi o čilačepen an mende moulo. Oun mer djivah nay i lačo oun čačo djipen. Kol douka, hoy o Yezous ap peste las, kran maro djipen sasto.