3. Mose 16:2 - O Debleskro Lab 2024 (Sinte-Manouche)

² Pen tiro phraleske, o Aroneske, te djal lo gar hako tsireske an o kouč isema an o Debleskro kheer, te merell lo gar. An koy isema, hoy pal ko kotar than hi, sikrau me man an i folka pral ko sonakaskro pralstouno kotar, hoy ap o morhton čiddo hi, kay mire deesh laba dren hi.

O Debleskro Drom 2021 (Sinte)

² Pen tiro phraleske, o Aroneske, te djal lo gar hako tsireske an o kutch isema an o Debleskro kheer, te merell lo gar. An koi isema, hoi pal ko kotar than hi, sikrau me man an i wolka pral ko sonakaskro pralstuno kotar, hoi ap o mochton tchiddo hi, kai mire deesh laba dren hi.

3. Mose 16:2 Iomraidhean Croise

1. Rajengro liil 6:16

Oun deesh metarya glan i palstouni massouri kras yob i vavar massouri dran cedertikre kashta. Kay massouri djas foun tel bis pral. Yaake kras lo an o kheer i kouč isema o baro Debleske, hoy leske kokres his.

1. Rajengro liil 8:6

Oun i rashaya anan o morhton o Debleskre deesh labentsa ap peskri platsa an koy palstouni isema, hoy kharell Debleskri kouč isema. Yon čivan o morhton tel kol douy bolepangre figure, kay kharenn Keroubim, tel lengre čirklengre moussya.

2. Familjakro liil 5:14

An koy folka his o Debleskro raylepen. O tselo kheer his pherdo o raylepen o baro Deblestar. Doleske nay ačan i rashaya gar koy, te krenn le pengri boudi.

2. Mose 30:10

Yek kopo an o bersh lell o Aron o rat o bakrestar, hoy maredo vas, te lell lo i doosh krik, oun djal pash o Debleskro sonakaskro bob oun makell ko rat ap i shinga, hoy pral ap o bob hi. Kova krell lo, te vell i doosh krik lino, hoy ap o bob hi. Ninna pash t'mare čavende oun kolende, kay pal lende venna, vell kova hako bersh yek kopo yaake kerdo. O sonakaskro bob hi o baro Debleske kokres.

3. Mose 16:13

Kote čivell lo ko soungepaskro koova ap i yag, te djal i yagakro dourho vin oun čakrell ko pralstouno kotar ap ko morhton, kay o Debleskre deesh laba dren hi. Kova hounte krell lo doleske, te merell lo gar.

3. Mose 16:34

Yek kopo an o bersh hounte vell kova yaake kerdo, te vell i tseli doosh oun o tselo pale-čiddo koova i Israelendar krik lino. Ap kava lab hounte rikrenn t'men hako tsireske. Oun o Aron kras halauter yaake, har o baro Devel kova o Moseske penas.

3. Mose 23:27

O deshto dives an kava eftato čon hi o dives, kay vell halauter krik lino, hoy mank t'mende oun o baro Debleste tardo hi. Ap ko dives rhan či oun avenn khetne glan leste oun anenn leske firhen oun rhapen, hoy venn leske rhačedo.

3. Mose 8:35

Efta divessa oun ratsya hounte ačenn t'mer glan o voudar o baro Debleskro plarhteno kherestar. Krenn, hoy yob penas, te merenn gar! Yaake penas lo kova mange.

4. Mose 17:10

“Djan vin kol menshendar. Me kamau len ap yek kopo te marell.” Oun kol douy vitsran pen ap pengro mouy.

4. Mose 18:7

Tou oun tire čave, t'mer han mire rashaya, te krenn t'mari boudi pash o Debleskri rhačepaskri oun dren an o kouč isema, hoy pal o voudar dran o kouč kotar than hi. Kay boudi dom me t'men. Te vell yek vavar pash o Debleskro koova, hoy koy dren hi, hounte merell lo.

4. Mose 4:19

oun merenna gar ap ko tsiro, kay djan yon pash o Debleskro koova! Doleske krenn yaake: O Aron oun leskre čave djan glan lende an o Debleskro kheer dren oun sikrenn hakeneste, hoy yob hounte hidjrella.

4. Mose 4:5

Ap ko tsiro, kay stenn i Israelitarya pre, te djan le doureder, djal o Aron peskre čaventsa an o Debleskro kheer, oun yon lenn ko kouč kotar than tele, hoy an o voudar glan o kouč isema hi. Ko kotar than čivenn le troul o sonakaskro morhton, kay o Debleskre deesh laba dren hi.

Mateo 27:51

Oun ko voudar an o Debleskro baro kheer, hoy his kerdo dran kouč pesso than, kova djas paash an douy kotya foun pral bis tele. Oun i phoub vas trisslemen. Oun i bare barra phagan an kotya.

Hebrearja 6:19

Kava patsepen rikrell maro djipen, yaake har rikrell i zorelo saster i shiffo, te djal lo gar ap o pani nashedo. Oun kova, ap koleste patsah oun dikah, kova hi o Yezous. Yob djas glan mende pash o Debleste an o bolepen, yaake har djas o baro rashay an o phouro tsiro an o Debleskro kheer. Oun yaake vas o Yezous hako tsireske savo baro rashay, har glan i rah tsiro o Melkisedek his.

Hebrearja 9:25

O menshengro baro rashay djal hako bersh o firhengro rateha an o Debleskro kouč isema. O Yezous Kristo meras yek kopo, oun anas peskro rat yek kopo glan o Debleste, oun gar boud kope.

Hebrearja 9:5

Pral pre ap o sonakaskro morhton his douy rayle bolepangre dran sonakay tardo. Kolen his moussya har bare čirklen hi. Pengre moussya rikran le pral o sonakaskro morhton. Kote vell i menshengri doosh krik lino. Kanna kamah gar te rakras pral hako tikno koova an o Debleskro tikno kheer.

Debleskro tsiro 15:8

Oun o Debleskro kheer his pherdo tampa, hoy vas dran o Debleskro raylepen oun zoor. Oun kek nay djas kote an o Debleskro kheer dren, bis te anan kol efta bolepangre efta kope i bari phagi pral i phoub.