3. Mose 15:5 - O Debleskro Lab 2024 (Sinte-Manouche)

⁵ Koon koleskro čiben an-tapras, hounte thovell pes oun peskre koola, oun hi pale-čiddo bis te vell rati.

O Debleskro Drom 2021 (Sinte)

⁵ Koon koleskro tchiben an-tapras, hunte thowell pes un peskre koola, un hi pale-tchiddo bis te well rati.

3. Mose 15:5 Iomraidhean Croise

Debleskri gili 26:6

Me thovau mire vasta, te sikrap, kay hi kek doosh ap mande, oun djau kote, kay venn firhe touke rhačedo,

Debleskri gili 51:2

har o Debleskro rakepaskro Natan pash leste vas, pal kova o David i vavareskri romyat, i Batsheba, las.

Debleskri gili 51:7

Doosh hi ap mande, yaake rah har hom ap kay phoub, ninna har boldo vom, his o čilačepen ap mande.

2. Mose 19:10

Oun o baro Devel penas ap o Mose: “Dja pash lende oun pen lenge, te krenn le pen djoudjo mange kava dives oun taysar, te thovenn le pengre koola.

Jesaja 1:16

Thovenn t'men, krenn t'men djoudjo! Anenn t'maro čilačo koova, hoy kran, dran mire yaka krik. Moukenn o čilačepen!

Jesaja 22:14

Ap mande penas o baro Devel, ko ray pral o bolepen oun i phoub: “Kaya doosh vell lendar gar krik lino yaake rah har djivenn le.”

Ezekiel 36:25

Me vitsrau djoudjo pani ap t'mende, te venn djoudjo halauterestar, hoy kras t'men pale-čiddo. Ko tselo čilačepen, hoy ap t'mende anan, har mangan i rhorhene deblen an, thovau t'mendar tele.

Ezekiel 36:29

Oun me lau t'men vin dran ko tselo koova, hoy kras t'men pale-čiddo. Oun o djob moukau pale bares oun boud te vell, oun moukau bouder kek bok pral t'mende te vell.

3. Mose 11:24

Kalla hi kol firhe, kay hounte taprenn len gar an, te hi le moule: Hakeno, kay taprell savo moulo firho an, kova hi pale-čiddo bis te vell rati.

3. Mose 11:25

Koon sau moulo firhes hidjrell, hounte thovell peskre koola, oun vell pale-čiddo, bis te vell rati.

3. Mose 11:28

Kova, kay sau moulo firho hidjrell, hounte thovell peskre koola, oun vell pale-čiddo, bis te vell rati. Kal moule firhe hi t'menge pale-čiddo.

3. Mose 11:32

Halauter, ap kova sau moulo firho perell, vell pale-čiddo: hako kashteno koova, ninna ripya, fella oun gone, ninna hako kova, koleha yek i boudi krell. Kova lauter hounte vell an o pani čiddo, oun ačell pale-čiddo, bis te vell rati. Pal kova hi ko koova bouder gar pale-čiddo.

3. Mose 13:34

Te dikell o rashay ap o eftato dives palla, oun ko doukepen vas gar bareder, oun hi gar doureder tele an o mass har i vavar hauta, palle hounte rakrell o rashay vin, te hi ko mensho erligo. Ko mensho hounte thovell peskre koola oun hi erligo.

3. Mose 13:6

Pal kol efta divessa dikell o rashay pale koy kotar hauta an. Te hi kova bouder gar yaake parno oun vas gar bareder, palle hounte rakrell lo vin, te hi ko mensho erligo. Kava hi i nasslepen ap i hauta, hoy gar djoungelo hi. Ko mensho hounte thovell peskre koola oun hi erligo.

3. Mose 14:27

Palle čivell lo peskro čačo goushto an ko djet, hoy an leskro servo vast hi, oun vitsrell ko djetestar efta kope ap o Debleskri rhačepaskri.

3. Mose 15:18

Te sovell i morsh i djouvyah, oun leske djal yek tele, hounte thovenn pen kol douy, oun hi pale-čiddo, bis te vell rati.

3. Mose 15:4

Hako čiben, ap koleste yob čiddo hi, oun haki beshepaskri, ap kolate yob beshdo hi, hi pale-čiddo.

3. Mose 15:6

Koon beshas pes ap čomone, kay ko nasselo beshdo his, kova hounte thovell pes oun peskre koola, oun hi pale-čiddo, bis te vell rati.

3. Mose 16:26

Ko morsh, kay tradas koy morsh bouzni an o moulo divyo them, hounte thovell pes oun peskre koola, glan te nay djal lo pale ap i platsa, kay i menshe djivenn.

3. Mose 16:28

Ko morsh, kay kova lauter rhačras, kova hounte thovell pes oun peskre koola. Pal kova nay vell lo pale ap i platsa, kay i menshe djivenn.

3. Mose 17:15

Hakeno, kay rhal i firho, hoy meras oder moulo dandedo vas, kova hounte thovell pes oun peskre koola, oun ačell pale-čiddo, bis te vell rati. Koy pal hi lo pale erligo. Hi yek, te hi kova i Israelitari oder i vi-themari.

4. Mose 19:10

Oun ko morsh, kay koy yagakri čik koy groumyatar khetne las, hounte thovell peskre koola, oun ačell pale-čiddo bis ap i rati. Kova, hoy kanna penau, ačell yaake t'menge, i Israelitarya, oun ninna i vavar menshenge, kay mank t'mende djivenna, hako tsireske:

4. Mose 19:22

Oun halauter, hoy ko pale-čiddo an-tapella, vell pale-čiddo. Oun koon koles an-tapella, kay pale-čiddo hi, hounte vell pale-čiddo bis ap i rati.

Hebrearja 10:22

Leskro rat thovas mari doosh mendar, oun kras mare djia djoudjo. Oun mer vam an o djoudjo pani tele thodo. Doleske djas kanna o lačo oun čačo djiyeha glan o Debleste an i zorelo patsepen!

Hebrearja 9:14

kitse zorleder hi o Yezous Kristeskro rat. O Debleskro Dourho, kay djivella hako tsiro, das o Yezous Kristeste i zoor, te nay das lo peskro djipen an o merepen. Oun yob meras o Debleske yaake har i bakro, ap koleste kek doosh hi. Kova kras lo, te lell lo mari doosh mendar, yaake te djivas mer bouder gar pal kol laba, hoy či moldo hi oun i menshe an o merepen anenna. Kanna hi maro dji djoudjo, oun mer nay vah čačepah o djido Debleske koy.

Hebrearja 9:26

Te vals kova gar yaake, hounte merals lo boud kope yaake rah, har i phoub koy hi. Yob vas kanna an kava tsiro, kay mer djivah, te merell lo, oun te lell lo yek kopo hako tsireske i doosh i menshendar.

Jakobo 4:8

Avenn pash o Debleste! Yaake vell yob ninna pash t'mende. Ap t'mende, kay kran čilačo koova, penau me: Krenn t'mare vasta djoudjo! Ap t'mende, kay djan ap douy dromma, penau me: Moukenn ko čilačo drom, oun djan ap o Debleskro drom!

Debleskro tsiro 7:14

Oun me penom ap leste: “Miro ray, tou djineh les.” Oun yob penas ap mande: “Kolla van zoreles palla lino, oun van vin dran ko pharo tsiro. Oun yon thovan pengre ripya, oun kran len parno an o terno bakreskro rat.”

1. Samuel 20:26

O Saul penas ap ko dives či. An peskro shero penas lo peske: Nay vas leske čomone, hoy kras les pale-čiddo yek diveske. Doleske hi lo gar kay.