3. Mose 15:19 - O Debleskro Lab 2024 (Sinte-Manouche)

¹⁹ Te hi i djouvyat peskri djouvyakro koova, palle ačell li efta divessa pale-čiddo. Hakeno, kay lat an-taprell, vell pale-čiddo, bis te vell rati.

O Debleskro Drom 2021 (Sinte)

¹⁹ Te hi i djuwjat peskri djuwjakro koowa, palle atchell li efta diwessa pale-tchiddo. Hakeno, kai lat an-taprell, well pale-tchiddo, bis te well rati.

3. Mose 15:19 Iomraidhean Croise

Ropaskre gilja 1:17

O foro Yerusalem hi har i djouvel, kay rikrell peskre vasta dour pre, oun kek hi koy, kay lake ap i rig vell. O baro Devel kharas haki rigyatar kolen khetne, kay kourenn pen o Yakobeskre čaventsa. O foro Yerusalem hi lenge har i rhačedi djouvel, ap kolate yon tele dikenn.

Ezekiel 36:17

Tou, mensho, har o kheer Israel an peskro them djivas, kran le savo koova, oun djivan yaake, te vas o them pale-čiddo. Lengro djoungelo djipen his mange har ko pale-čiddo tsiro i djouvyatar, kolat pengro koova hi.

3. Mose 12:2

Pen ap i Israelitarya: Te anell i djouvel i morsh čaves ap i phoub, palle vell li efta divessa pale-čiddo, har an kol divessa, kay lat i djouvyakro koova hi.

3. Mose 12:4

Oun yoy ačell 33 (triyanda-te-triin) divessa gomme khere, bis te vell li pale erligo. An kava tsiro taprell li či an, hoy o Debleske hi. Oun an o Debleskro kheer vell li gar, bis te kal divessa trouyel hi.

3. Mose 15:20

Oun halauter, kay li an kava tsiro pre čiddo oder beshdo his, hi pale-čiddo.

3. Mose 20:18

Te sovell i morsh i djouvyah, kolat peskri djouvyakro koova hi, krenn pen kol douy pale-čiddo, oun nay djivenn bouder gar mank pengre menshende.

3. Mose 22:5

kova vell pale-čiddo, bis te vell rati. Kova hi ninna yaake, te tapras lo i tikno pale-čiddo firhes an, hoy djal pral i phoub, oder i menshes, kay pale-čiddo hi, hoy kova ninna hi. Savo ačell pale-čiddo, bis te vell rati, oun nay rhal gar foun ko rhapen, hoy o baro Debleske anlo vell, bis te thovas lo pes.

Mateo 15:19

Dran o mensheskro dji vell o čilačo koova, hoy an leskro shero trouyel djal. Dran leskro dji vell, te dell lo i vavares moulo. Te rhorhell i morsh peskri romyat, vell kova dran leskro dji. Te rhorhell i djouvel peskro romes, vell kova dran lakro dji. Dran o dji vella o vi-ladjedo koova, o čorepen, o rhorhepen, oun o praasepen.

Markus 5:25

Mank lende his i djouvel. Kolat his i ratlo nasslepen. Deesh-te-douy bersha his li nasseli,