3. Mose 14:7 - O Debleskro Lab 2024 (Sinte-Manouche)

⁷ oun vitsrell ko ratlo panyestar efta kope ap koleste, kay pale-čiddo his, te vell lo erligo. Oun moukell ko djido čirkles krik te djal.

O Debleskro Drom 2021 (Sinte)

⁷ un witsrell ko ratlo panjestar efta kope ap koleste, kai pale-tchiddo his, te well lo erligo. Un mukell ko djido tchirkles krik te djal.

3. Mose 14:7 Iomraidhean Croise

2. Rajengro liil 5:10

Koy bičras o Elisa yekes pash leste, te penell kova leske: “Dja koy oun thob tout efta kope an o Yordan! Palle djal o nasslepen toutar oun tiro mass vell pale sasto.”

2. Rajengro liil 5:14

Koy djas yob tele pash o pani Yordan oun čivas pes tel o pani efta kope yaake har o Debleskro morsh kova penas. Oun leskro mass vas pale sasto har ko mass i tikno čavestar. Oun yob vas sasto ap peskro tselo mass.

Debleskri gili 51:2

har o Debleskro rakepaskro Natan pash leste vas, pal kova o David i vavareskri romyat, i Batsheba, las.

Debleskri gili 51:7

Doosh hi ap mande, yaake rah har hom ap kay phoub, ninna har boldo vom, his o čilačepen ap mande.

Jesaja 52:15

Oun kanna dikenn boud menshe dran vavar themma bare yakentsa ap leste, oun lengre rayenge ačell o rakepen krik. Kova, hoy lenge gar dren ginlo vas, dikenn le kanna. Oun kolestar yon či shounan, kova dikenn le oun hayvenn les.

Ezekiel 36:25

Me vitsrau djoudjo pani ap t'mende, te venn djoudjo halauterestar, hoy kras t'men pale-čiddo. Ko tselo čilačepen, hoy ap t'mende anan, har mangan i rhorhene deblen an, thovau t'mendar tele.

Daniel 9:24

Efta kope efta-deesh (70) bersha hi ko tsiro, hoy o Devel peske glan čivas, te vell o čilačepen oun i doosh krik lino tire menshendar oun dran o Debleskro foro. Palle vell i phagi krik lino oun ko čačepen vell, hoy hako tsiro ačella. Oun kova, hoy an o dikepen diklo vas, vell čačo, ninna kova, hoy o Debleskre rakepangre glan-vi penan. Oun o Debleskro kheer vell pale neves o Debleste dino.

3. Mose 13:17

Te dikell o rashay, te vas ko lolo mass parno, hi ko mensho bouder gar pale-čiddo. Oun o rashay hounte rakrell vin, te hi lo erligo.

3. Mose 14:51

Palle čivell lo o djido čirkles an ko čaro, kay pani oun o rat o maredo čirklestar dren hi. Khetne leha čivell lo ko cedertikro kasht, kol lole thaba oun kol patria Hysop koy dren, an ko čaro, oun vitsrell ko ratlo panyestar efta kope ap ko kheer,

3. Mose 16:14

Oun yob lell ko ratestar ko gouroumestar, oun vitsrell kova peskro goushteha glan ap o pralstouno kotar. Oun ap koy platsa glan o morhton vitsrell lo peskro goushteha efta kope čomone ko ratestar.

3. Mose 16:19

Oun yob čivell peskro goushto an o rat, oun vitsrell čomone ko ratestar ap i rhačepaskri. Kova krell lo efta kope, te vell i Israelengri doosh oun lengro pale-čiddo koova krik lino, hoy ap i rhačepaskri hi. Oun i rhačepaskri vell pale djoudjo glan o baro Debleskre yaka.

3. Mose 16:22

Kay morsh bouzni hidjrell lengri tseli doosh peha an o divyo moulo them. Oun kote ačell li.

3. Mose 4:17

Yob čivell peskro goushto an ko rat, oun vitsrell efta kope ko ratestar glan o layntikro kotar than, hoy hi glan o Debleskri kouč isema, kay o baro Devel djivell.

3. Mose 4:6

Yob čivell peskro goushto an ko rat, oun vitsrell efta kope ko ratestar glan o layntikro kotar than, hoy hi glan o Debleskri kouč isema.

3. Mose 8:11

Efta kope vitsras lo ko djetestar čomone ap i rhačepaskri oun kol tsele koola, kolentsa boudrenn le, ninna ap o panyeskro čaro oun ap kol herya koy tel, te vell kova lauter o baro Debleske.

Micha 7:19

Ava, tou kreh tiro dji pale menge pre oun stakreh mari doosh tel tire pire. O tselo čilačepen, hoy kram, vitsreh tou dour an o baro pani.

4. Mose 19:12

Yob hounte thovell pes ap o triinto dives oun ap o eftato dives ko panyeha, hoy lell i pale-čiddo koova i menshestar krik. Palle vell lo djoudjo oun erligo. Te thovell lo pes gar yaake ap o triinto dives oun ap o eftato dives, ačell lo pale-čiddo.

Johanni 19:34

Yek kol lourdendar das les peskro rhareha an i rig čourye. Koy vas pani oun rat vin.

Hebrearja 10:22

Leskro rat thovas mari doosh mendar, oun kras mare djia djoudjo. Oun mer vam an o djoudjo pani tele thodo. Doleske djas kanna o lačo oun čačo djiyeha glan o Debleste an i zorelo patsepen!

Hebrearja 12:24

Kote hi ninna o Yezous, maro rakepaskro, kay kras menge o nevo drom, te djivas khetne o Debleha. Yob meras menge, oun leskro rat las mari doosh mendar. O Yezouseskro rat hi feteder har o Abeleskro rat. Har o Abel maredo vas, das leskro rat gole pal i phagi pral o Kayn. O Yezouseskro rat lell mari doosh mendar.

Hebrearja 9:13

An o phouro tsiro čoras o rashay o bakrengro rat, oun o groumyengro rat, oun o yagakri čik i rhačedi groumyatar ap kolende, kay hi pale-čiddo glan o Debleste, te venn le pale erligo kerdo. Te hi o firheskro rat yaake zorelo,

Hebrearja 9:19

Kova lauter djas yaake: O Mose penas i menshenge kol laba, hoy an ko liil tardo hi, kay činlo hi, har te djivenn le. Palle las lo i groumyengro rat oun i bakrengro rat, das pani pashel, oun las i kasht, hoy kharella Hysop, pandas lole bakrengre balla pral pre, oun čivas ko kasht i ballentsa an o rat, oun čoras ko rat ap ko liil oun ap kol menshende,

Hebrearja 9:21

Oun ap o Debleskro tikno kheer čoras lo ninna o rat, ninna ap i tsele čare oun khore, kay kote dren hi.

Hebrearja 9:26

Te vals kova gar yaake, hounte merals lo boud kope yaake rah, har i phoub koy hi. Yob vas kanna an kava tsiro, kay mer djivah, te merell lo, oun te lell lo yek kopo hako tsireske i doosh i menshendar.

1. Petro 1:2

O Devel, maro dad an o bolepen, rodas t'men vin, oun das t'men peskro Dourho, te venn t'mer o Debleskre čave, oun krenn, hoy o Yezous Kristo t'mendar kamella. Oun yob thovas t'mari doosh peskro rateha t'mendar tele. Mou vell t'men boud lačepen oun barht an o dji!

1. Johanni 5:6

O Yezous Kristo vas pash mende. Yob vas taufedo an o pani oun meras ap o troushel. Har meras lo, ratas lo peskro rat. Hi gar kokres leskro thopen an o pani, na-a, ninna leskro rat sikrell mende, kay yob o Debleskro čavo hi. Oun o Debleskro Dourho penell menge kova ninna. Oun o Debleskro Dourho penell o čačepen.