3. Mose 14:10 - O Debleskro Lab 2024 (Sinte-Manouche)

¹⁰ Ap o orhtato dives anell lo douy terne bakre, hoy morsha hi oun sasto, oun yek bakri, hoy yek bersh phouro oun sasto hi. Ninna anell lo triin kilogramme lačo yarro, kay djet dren hi, te vell kova glan o baro Debleste anlo. Koy pashel anell lo i khoro djet.

O Debleskro Drom 2021 (Sinte)

¹⁰ Ap o ochtato diwes anell lo dui terne bakre, hoi mursha hi un sasto, un jek bakri, hoi jek bersh phuro un sasto hi. Ninna anell lo triin kilogramme latcho jarro, kai djet dren hi, te well kowa glan o baro Debleste anlo. Koi pashel anell lo i khoro djet.

3. Mose 14:10 Iomraidhean Croise

2. Mose 29:40

Le ninna i khoro lačo yarro oun yek litari olivtikro djet, oun čore o djet an o yarro, oun kre les khetne, oun čip kova pash ko bakro pashel! Oun le yek litari mool oun čore les vin glan o Debleste!

3. Mose 1:10

Te kamell yek i bakro oder i bouzni o baro Debleske te anell, te vell ko firho tseles leske rhačedo, palle anell lo i morshkano firho, hoy gar nasselo hi.

3. Mose 1:3

Te kamell lo leske i groumni te anell, te vell li leske tseles rhačedo, palle hounte lell lo i morshkani groumni, hoy gar nasselo hi. Oun yob anell lat glan o voudar o Debleskro plarhteno kherestar, te dikell o baro Devel lačes ap leste.

3. Mose 14:11

Ko rashay anell koles, kay sasto vas, oun kava tselo koova glan o baro Debleste, glan o voudar koleskro plarhteno kherestar.

3. Mose 14:12

O rashay lell ko yek terno bakro oun ko yek-paash litari djet, oun hadell kova pre glan o baro Debleste, te vell ko mensho pale erligo kerdo glan o Debleste.

3. Mose 14:15

O rashay lell ko khoro djet oun čorell čomone kolestar an peskro servo vast.

3. Mose 14:21

Te hi lo čorvelo oun nay anell gar yaake boud, palle lell lo i terno bakro, hoy maredo vell, te vell o mensho pale erligo. Kava bakro vell pre hadedo glan o baro Debleste, te vell i pale-čiddo koova krik lino. Koy pashel lell lo yek kilogrammi yarro, kay djet dren hi, te vell kova ninna glan o baro Debleste anlo. Ninna anell lo yek khoro djet,

3. Mose 2:1

Te kamell yek i rhapen dran djob glan o baro Debleste te anell, palle anell lo lačo yarro oun čorell djet pral vergel oun čivell soungepaskro koova koy pral.

3. Mose 2:11

Ko tselo rhapen dran djob, hoy yek o baro Debleske anell, an koleste hounte vell kek shoutlo yarro. T'mer hounte denn kek shoutlo yarro, vitar kek gvin an ko rhapen, hoy rhačrenn o baro Debleske.

3. Mose 2:13

Ko tselo rhapen, hoy tou o baro Debleske aneh, hounte vell londo. Ko loon hi i sikepen, kay kova, hoy o Devel t'mentsa vin kras, hako tsiro ačell. Doleske aneh leske kek rhapen dran djob, vitar kek firhen, kay kek loon pashel kerdo vas.

3. Mose 23:13

Koy pashel anenn glan leste douy-te-paash kilogramme lačo yarro, kay djet dren hi. Kava rhapen vell leske rhačedo. Oun ko lačo soungepen, hoy vell vin, soungella mishto o baro Debleske. Koy pashel anenn yek litari mool, hoy vell vin čoredo glan leste.

3. Mose 4:32

Te kamell yek i bakro o Debleske te anell, te vell leskri doosh krik lino, palle anell lo i bakri, hoy gar nasselo hi,

3. Mose 9:1

Har o orhtato dives vas, kharas o Mose o Arones oun leskre morsh čaven oun i phoureder dran Israel pash peste,

4. Mose 28:20

Koy pashel ko rhapen dran lačo yarro djeteha: triin kilogramme haki terni morsh groumyake oun douy kilogramme hako morsh bakreske,

4. Mose 6:14

Oun yob hounte dell o baro Debles i bakro, yek bersh phouro oun sasto, te vell kova tseles rhačedo o Debleske. Ninna dell yob o Debles i bakri, yek bersh phouro oun sasto, te vell leskri doosh krik lino. Oun pale anell lo leske i vavar sasto morsh bakro, hoy rhan le khetne glan o Debleste.

Mateo 8:4

Oun o Yezous penas ap leste: “Shoun, pen kekeske, hoy me touke krom! Dja an o Debleskro baro kheer pash o rashayeste oun sike leste, kay tiro nasslepen toutar djas! Oun an kova glan o Debleste, hoy o Mose penas, te djinenn i menshe, kay tou sasto val.”

Markus 1:44

“Shoun, pen kekeske, hoy me krom touke! Dja pash o rashayeste oun sike leste, kay tou sasto val! Oun an kova glan o Debleste, hoy o Mose penas, te vess erligo kerdo. Kre kova, te djinenn i menshe, kay tou sasto val.”

Louka 5:14

Oun o Yezous penas leske: “De yak, te peness kekeske, hoy me touke krom! Dja pash o rashayeste oun sike leste, kay tiro nasslepen toutar djas. Oun an kova glan o Debleste, hoy o Mose penas, te djinenn i menshe, kay tou sasto val!”

Johanni 1:29

Ap o vavar dives dikas o Yohanni, kay o Yezous pash leste vella. Oun o Yohanni penas: “Dikenn, kava hi o Debleskro bakro, kay lell i menshengri doosh ap peste.

Johanni 6:33

O Debleskro maro hi kova, kay vas dran o bolepen, oun dell i menshen o djipen.”

Johanni 6:51

Me hom ko maro, hoy dell o djipen, oun hoy vas dran o bolepen. Hakeno, koon rhala kava maro, lell o djipen, hoy gar pre-herella. Oun ko maro hi miro mass. Me dau les i menshenge, te lenn le ko djipen.”

1. Petro 1:19

Yob playsras peskro kouč rateha, hoy yob ratas, har meras lo ap o troushel. O Yezous Kristo his har i bakro, hoy maredo vas o Debleske. Ap leste his kek doosh oun kek čilačepen.