Biblia Todo Logo
Bìoball air-loidhne

- Sanasan -




3. Mose 13:45 - O Debleskro Lab 2024 (Sinte-Manouche)

45 Ko morsh ap koleste ko djoungelo nasslepen hi, hounte rivell koola, hoy paash hi, oun hounte moukell leskri balla divyes, oun hounte čivell i diklo troul peskri čor, oun dell vin gole: pale-čiddo, pale-čiddo!

Faic an caibideil Dèan lethbhreac

O Debleskro Drom 2021 (Sinte)

45 Ko mursh ap koleste ko djungelo nasslepen hi, hunte riwell koola, hoi paash hi, un hunte mukell leskri balla diwjes, un hunte tchiwell i diklo trul peskri tchor, un dell win gole: pale-tchiddo, pale-tchiddo!

Faic an caibideil Dèan lethbhreac




3. Mose 13:45
24 Iomraidhean Croise  

Har vas o Ruben pale pash i grouba oun dikas, kay o Yosef bouder gar dren his, kras yob peskre ripya paash i doukatar.


Oun yoy rissras o ripen an kotya dran doukatar, vitsras čik ap peskro shero, čivas peskro vast ap o shero, oun djas peske i zorelo ropah.


Glan ko foreskro voudar his star morsha, kolen i djoungelo nasslepen ap pengro mass hi. Oun yek penas ap o vavareste: “Hoske ačas mer kay bis te merah?


Kote stas o Hiob pre, oun zoryah tserdas lo peskre pralstoune koola pestar tele, oun kras len paash, yaake boud doukas leskro dji. Yob činas peskre balla tele, moukas pes ap i phoub te perell oun mangas o Debles an.


Doleske lau pale, hoy rakrom oun hom beshdo an i čik oun an i yagakri čik, te sikrap, kay khaytell man kova, hoy rakrom.


Miro Devel, tou hal yaake lačo, oun tiro kamlepen hi baro! Dik lačes ap mande! Oun le ko čilačo koova, hoy krom, mandar krik!


Ava, djinau, kay anom doosh ap mande. Oun ko čilačo koova, hoy krom, hi man o tselo tsiro glan mire yaka.


Djan vin! Djan vin! Djan kotar vin, oun taprenn či an, hoy pale-čiddo hi! T'mer rashaya, kay hidjrenn o baro Debleskro koova, djan dran Babilonia vin, oun thovenn t'men yaake har glan činlo hi, te han djoudjo glan o Debleste!


Oun me penom: “Kanna hounte merap! Me hom i morsh, dran koleskro mouy savo rakepen djas, te nay vau me gar glan o Debleste. Oun me djivau mank menshende, dran kolengre mouya ninna savo rakepen djal. Oun mire yakentsa dikom o baro rayes, les, o baro Debles, kay hi o ray pral o bolepen oun i phoub.”


Oun koy hi kek, kay tiro lab an-gole dell, kek, kay vell pash toute, te rikrell lo pes ap toute. Čačepah, tou kameh bouder či mendar te djinell, oun moukeh men tapedo an maro čilačepen.


Mer hounte ladjams men, oun mari ladj hounte čakrals men har i plarhta! Maro tselo djipen djivam yaake, har o baro Devel, maro ray, gar kamas. Mer oun mare phoure djivam yaake, oun shounam gar ap kova, hoy yob menge penas, te kras mer.


Kek kolendar, kay shounan kol laba, las traash oun sikras, kay kol laba leske an o dji djan, gar o baro ray oun vitar gar kol pralstoune pash leste.


“Djan t'menge, t'mer pale-čidde”, dan le lenge gole. “Djan t'menge, djan t'menge! Ma taprenn ap čomone!” Yaake nashan le penge, oun djinan gar, kay te djan. An i vavar themma vas lenge penlo: “Pash mende nay ačenn gar!”


Čorrhanes nay leh phares dourho. Ma rob i bari golyah har yek pral yekeste rovell, kay meras! Rike tiro diklo troul tiro shero, oun ma rib tire kirrha vin! Ma čake tiri čor tele! Oun ma rha ko maro, hoy kolenge anlo vell, kay rovenn pral i mensheste, kay meras.


Palle krenn t'mer har me, o Ezekiel, krom: T'mare čora čakrenn gar tele, oun t'mer rhan kek maro, har kolla rhan, kay pral i mouleste rovenn.


Tserdenn t'mare djia an kotya oun gar t'mare ripya!” Oun djan pale pash t'maro baro Debleste! Les hi i baro dji, pherdo kamlepen. Yob vell gar sik rhoyedo. Leskro lačepen hi baro. Oun koy phagi, hoy kamas lo te dell, lell lo pale.


O Mose penas ap o Aron oun koleskre vavar douy čavende, o Elazar oun o Itamar: “Moukenn t'mare phralen, kol vavar Israelitaryen, te rovenn le kolenge, kay o baro Devel koy yagah maras. T'mer hounte moukenn gar t'mare balla ap t'maro shero divyes trouyel čiddo, oun hounte tserdenn gar t'mare koola an kotya, te sikrenn, har phares t'mare djia hi. Te krenn kova, hounte merenn. Oun o baro Debleskri rholi vell pral o tselo kheer Israel.


palle hi les čačepah kava djoungelo nasslepen ap peskro shero. Pale-čiddo hi lo. Oun o rashay rakrell vin, te hi lo pale-čiddo.


O pralstouno rashay, ap koleskro shero o djet čoredo vas, har vas lo an peskri boudi dren čiddo, oun ap koleste i rashayengre koola hi, kova moukell peskro shero gar divyes vin dikell. Oun kol koola, hoy lo ap peste hi, tserdell lo gar an kotya, ap ko tsiro, kay rovell leskro dji pral i mouleste.


Oun i dikepangre hounte ladjenn pen, oun i dourkepangre venn sapaske. Kek lab o Deblestar hi pash lende. I ladjatar hounte rikrenn le halauter i diklo glan pengro mouy.


Pen ap kol Israelitarya: “Bičrenn hakenes vin glan t'mari platsa, kay yaake nasselo ap peskro mass hi, te merell leskro mass tele! Bičrenn ninna halauteren vin, kay nashell doukepaskro pani dran lende vin, oun kolen, kay kran pen pale-čiddo ap kolende, kay moulo hi!


Oun yob djas an i gab. Oun kote van deesh nassele morsha pash leste. Kolen his i djoungelo nasslepen, kay lengro mass tele merella. Yon his lestar doha dour krik tardo,


Har o Simon Petro kova dikas, peras lo glan o Yezouseste tele ap i phoub, oun penas: “Dja touke mandar, miro ray! Me hom i morsh, ap kaleste doosh hi.”


Lean sinn:

Sanasan


Sanasan