3. Mose 13:3 - O Debleskro Lab 2024 (Sinte-Manouche)

³ Oun ko rashay hounte dikell peske koy nasseli kotar hauta an. Te van i balla kote parno, oun koy nasseli kotar hauta hi doureder tele an o mass har koy vavar hauta trouyel, palle hi kova i djoungelo nasslepen. Kova te dikell o rashay ap koleste, palle hounte rakrell lo vin, te hi ko mensho pale-čiddo.

O Debleskro Drom 2021 (Sinte)

³ Un ko rashai hunte dikell peske koi nasseli kotar hauta an. Te wan i balla kote parno, un koi nasseli kotar hauta hi dureder tele an o mass har koi wawar hauta trujel, palle hi kowa i djungelo nasslepen. Kowa te dikell o rashai ap koleste, palle hunte rakrell lo win, te hi ko mensho pale-tchiddo.

3. Mose 13:3 Iomraidhean Croise

1. Mose 13:3

Oun ko themestar Negev djas yob doureder foun yek platsa ap i vavar. Oun vas pash o foro Betel ap koy platsa mank Betel oun Ai, kay leskro plarhteno kheer o ersto kopo tardo his.

Ezekiel 16:30

Har rhačell miri rholi pral toute, te kral tou kova lauter, penell o baro Devel, maro ray. Tou val i bari vi-ladjedi loubni.

Ezekiel 44:23

I rashaya hounte sikrenn mire menshende, hoy mange, o Debleske hi, oun kova, hoy i menshenge hi. Oun yon hounte djinenn, hoy pale-čiddo glan mande hi, oun hoy gar pale-čiddo glan mande hi.

Hosea 7:9

I vavar menshe rhan leskri zoor, oun yob hayvell kova gar. O Efrayim hi har i phouro morsh, koleskre balla parno van. Oun yob hayvell gar, kay leskro tsiro sik trouyel hi.

3. Mose 10:10

T'mer hounte dikenn dren, hoy o baro Debleske hi, oun hoy gar o baro Debleske hi, oun hoy erligo hi oun hoy pale-čiddo hi glan leste.

3. Mose 13:10

Te dikell ko rashay palle, te hi ko doukepen parno oun pesso, oun i balla an ko doukepen van parno, oun ko doukepen hi pre oun lolo,

3. Mose 13:2

Te vell pash i mensheste i kotar hauta pesso oder nasselo oder parno, yaake te darenn le, kay kova i djoungelo nasslepen hi, palle vell ko mensho pash o rashayeste anlo, pash o Aroneste oder pash yekeste leskre morsh čavendar.

3. Mose 13:20

Te dikell o rashay koy kotar hauta, oun kova hi doureder tele an o mass har i vavar hauta trouyel, oun i balla ap ko doukepen van parno, palle hi kova i djoungelo nasslepen, hoy an o doukepen vin phagas. Palle rakrell ko rashay vin, te hi ko mensho pale-čiddo.

3. Mose 13:4

Te hi ko parno kotar ap leskri hauta gar doureder tele an leskro mass har koy vavar hauta, oun i balla van gar parno, palle pandell ko rashay ko menshes efta divessa an i kheer dren.

3. Mose 13:8

Te dikell o rashay palle, kay vas ko nasselo kotar bareder, palle hi kova i djoungelo nasslepen, oun o rashay hounte rakrell vin, te hi ko mensho pale-čiddo.

3. Mose 14:37

Te dikell lo djoungele zenele oder lole kotya ap i barra, oun kova dikell vin, har te rhals pes ko djounglepen an i barra dren,

3. Mose 14:54

Pal kal laba hounte vell kerdo, te hi yekes i nasslepen ap peskri hauta, djoungelo oder gar djoungelo,

3. Mose 5:3

Ninna te taprell lo ap i mensheste, kay hi pale-čiddo, hoy kova ninna hi, palle anas lo doosh ap peste, ninna te hayvas lo gar, hoy lo kras.

Haggai 2:11

Kova penell o baro Devel, ko ray pral o bolepen oun i phoub: Pouč i rashayen, hoy yon penenn an kava koova:

Maleachi 2:7

Kova hi i rashayengri boudi: Yon hounte penenn o Debleskro lab an o čačepen, te nay djan i menshe pash lende, te kamenn le te djinell, hoy o baro Devel lendar kamella. I rashaya hi i bičepangre o baro Deblestar, ko rayestar pral o bolepen oun i phoub.

Mateo 16:19

Me dau tout i klidepaskro, hoy krell o voudar pre, te venn i menshe ap miro drom. Ap koleste, kay tou peneh: O Devel las tiri doosh toutar, kolestar hi li krik lino. Ap koleste, kay tou peneh: Tiri doosh ačell ap toute, ap koleste ačell leskri doosh čiddo.”

Johanni 20:23

Ap koneste t'mer penenna: Tiri doosh hi krik lino, koleske vell li krik lino. Oun ap koneste t'mer penenna: Tiri doosh ačell ap toute, ap koleste ačell li.”

Bičepangre 20:28

Denn garda ap t'mende oun ap kol tsele patslende! Kolen ginas o Devel peskro čaveskro rateha. O Debleskro Dourho das len an t'mare vasta, te denn garda ap lende. T'mer han lengre bakrengre.

Remarja 7:7

Hoy sikras men kova? Hi o Moseskre laba čilačo? Na-a. Kova hi gar yaake. Te vans kol laba gar koy, djinams gar, hoy čilačo hi. Kol laba penenn menge: Tiro dji te djal gar pal kova, hoy o vavareske hi! Te djinoms kol laba gar, djinoms gar, kay kova čilačo hi.

1. Timoteo 1:20

Douy lendar hi o Himeneo oun o Alexandro. Kolen dom an o bengeskro vast, te rakrenn le bouder gar djoungeles pral o Debleste.

2. Timoteo 3:13

Kol čilače menshe oun kol rhorhene, kay krenn yaake, har te vans le patslo, kolentsa vell djoungleder oun djoungleder. Yon peran o Debleskro dromestar tele, oun tserdenn ninna vavaren o Debleskro dromestar tele.

Hebrearja 13:7

Ma bistrenn, har kolla pengro djipen djivan, kay penan t'menge o Debleskro lab, oun sikran t'men leskro drom! Dikenn, har yon djivan oun meran, oun zoreles an o patsepen tardo his! Djan yaake ap o Yezouseskro drom har yon djan!

Debleskro tsiro 2:23

Oun kolakre čaven dau moulo. Palle hayvenn i tsele patsle, te hom me kova, kay halauter prindjrella, hoy i menshen an o shero oun an o dji hi. Oun hakeno, kay čilačo koova kras, kova lell mandar koy phagi pal kova, hoy yob kras.