3. Mose 12:6 - O Debleskro Lab 2024 (Sinte-Manouche)

⁶ Pal kal divessa, kay his li pale-čiddo, anell li o rashayeske i bakro, hoy yek bersh hi glan o voudar o Debleskro kherestar. Ninna anell li leske i terni tauba oder i divyi tauba. O bakro vell maredo oun leskro tselo mass vell rhačedo o baro Debleske. Oun i tauba vell maredo, te vell o pale-čiddo koova krik lino.

O Debleskro Drom 2021 (Sinte)

⁶ Pal kal diwessa, kai his li pale-tchiddo, anell li o rashajeske i bakro, hoi jek bersh hi glan o wudar o Debleskro kherestar. Ninna anell li leske i terni tauba oder i diwji tauba. O bakro well maredo un leskro tselo mass well chatchedo o baro Debleske. Un i tauba well maredo, te well o pale-tchiddo koowa krik lino.

3. Mose 12:6 Iomraidhean Croise

1. Mose 15:9

Koy penas o Devel ap leste: “An mange i terni groumni – triin bersh phouro, i bouzni – triin bersh phouro oun i bakro – triin bersh phouro, i divyi tauba oun i vavar tauba!”

3. Mose 12:2

Pen ap i Israelitarya: Te anell i djouvel i morsh čaves ap i phoub, palle vell li efta divessa pale-čiddo, har an kol divessa, kay lat i djouvyakro koova hi.

3. Mose 12:5

Te vell lake i čay boldo, palle vell li douy kourke pale-čiddo, har te vals lat peskri djouvyakro koova. Oun 66 (shob-deesh-te-shob) divessa ačell li khere, bis te vell li pale erligo.

3. Mose 12:7

O rashay rhačrell kol firhe glan o baro Debleste, te vell koy djouvel pale erligo. Yaake vell o pale-čiddo koova krik lino, hoy ap koy djouvyate his. Yaake hounte krenn i djouvya, kay anan i morsh čaves oder i čay ap i phoub.

3. Mose 14:22

douy divye taube oder douy vavar taube. Koy yek vell maredo, te vell o pale-čiddo koova krik lino, koy vavar, te vell li tseles rhačedo o baro Debleske.

3. Mose 15:14

Ap o orhtato dives anell lo douy divye taube oder douy vavar taube pash o rashayeste glan o voudar o plarhteno kherestar, kay o baro Devel djivell.

3. Mose 15:29

Ap o orhtato dives anell li douy divye taube oder douy vavar taube pash o rashayeste glan o voudar o Debleskro plarhteno kherestar.

4. Mose 6:10

Oun ap o orhtato dives hounte lell yob douy divye taube oder douy vavar taube oun anell kolen pash o rashayeste pash o voudar glan o Debleskro plarhteno kheer.

Louka 2:22

Star-deesh divessa his i Maria pale-čiddo, yaake har o Mose kova an peskro liil činas. Pal kova anan o Yosef oun i Maria kol ternepas an o Debleskro baro kheer an o foro Yerusalem, te denn le les an o Debleskro vast.

Johanni 1:29

Ap o vavar dives dikas o Yohanni, kay o Yezous pash leste vella. Oun o Yohanni penas: “Dikenn, kava hi o Debleskro bakro, kay lell i menshengri doosh ap peste.

2. Korintarja 5:21

O Devel čivas mari tseli doosh ap maro rayeste, o Yezous Kristeste, kay yob kek čilačepen kras, te vas mer čačo oun erligo glan o Debleskre yaka.

Hebrearja 7:26

O Yezous hi o baro rashay, kay hounte vell men. Yob hi lačo glan o Debleskre yaka. Kek čilačepen, vitar kek doosh hi ap leste. Na-a, yob hi gar yaake har mer čilače menshe ham, kay ham pale-čiddo glan o Debleste. Oun o Devel kras les bareder har hako vavar an o bolepen.