3. Mose 11:8 - O Debleskro Lab 2024 (Sinte-Manouche)

⁸ O mass kek kal firhendar hounte rhan. Vitar gar taprenn len an, te hi le moulo. Pale-čiddo venn le t'menge.

O Debleskro Drom 2021 (Sinte)

⁸ O mass kek kal viechendar hunte chan. Witar gar taprenn len an, te hi le mulo. Pale-tchiddo wenn le tumenge.

3. Mose 11:8 Iomraidhean Croise

Jesaja 52:11

Djan vin! Djan vin! Djan kotar vin, oun taprenn či an, hoy pale-čiddo hi! T'mer rashaya, kay hidjrenn o baro Debleskro koova, djan dran Babilonia vin, oun thovenn t'men yaake har glan činlo hi, te han djoudjo glan o Debleste!

Hosea 9:3

T'mer ačenn gar an o them, hoy o baro Devel t'men das. I menshe dran o them Efrayim hounte djan pale an o them Egiptia, ninna an o them Assour. Kote hounte rhan le savo koova, hoy pale-čiddo hi.

3. Mose 11:7

Oun o bales hounte rhan gar, ninna te hi les pre-phagede pire. O balo rhal o rhapen gar douy kope. Pale-čiddo vell lo t'menge.

3. Mose 11:9

Kalla hi i firhe, hoy nay rhan t'mer kolendar, kay djivenn an o pani: Halauter, hoy les flosse oun shouppe hi, oun djivell an o baro pani oun an i lengste panya, kova nay rhan t'mer.

3. Mose 5:2

Te taprell yek čomone an, hoy pale-čiddo hi, nay vell i moulo divyo firho, nay vell i vavar moulo firho, ninna i tikno moulo firho, hoy djal pral i phoub, palle hi lo pale-čiddo, oun anas doosh ap peste, ninna te hayvas lo gar, hoy lo kras.

Mateo 15:11

O rhapen oun o pipen, hoy i mensho an peskro mouy čivella, kova krell les gar pale-čiddo. Kol čilače laba, hoy i mensho rakrella, kolla krenn les pale-čiddo.”

Mateo 15:20

Kova lauter krell i menshes pale-čiddo. Yob te thovell gar peskre vasta glan o rhapen, krell les kova gar pale-čiddo.

Markus 7:15

Či, hoy an o mensheskro mouy dren vella, krell les pale-čiddo. Kova, hoy dran leskro dji vin vella, kova krell les pale-čiddo.

Markus 7:18

Oun yob penas ap lende: “Hayvan t'mer vitar gar? Hayvan t'mer gar, kay lauter, hoy an o mensheskro mouy dren vella, kova nashte krell les gar pale-čiddo.

Markus 7:2

Oun yon dikan, har mank leskre malende save hi, kay thovan gar pengre vasta glan o rhapen.

Bičepangre 10:28

Oun o Petro penas ap lende: “T'mer djinenna, te hi kova i biboldeske pale-čiddo, te djal lo an o kheer dren, hoy gar i biboldeskro hi. Oun kek vi-themari vell pash i biboldeste an o kheer dren. Mande sikras o Devel, te rikrap kekes pale-čiddo.

Bičepangre 15:29

Rhan kek mass, hoy vas glan i figura anlo, hoy i menshe an-mangenn, har te vals li o Devel. Piyenn kek rat! Rhan kek mass i firhestar, kay o rat gar vin nashas! I morshenge penah, te sovenn le gar vavar djouvyentsa. Oun i djouvyenge penah, te sovenn le gar vavar morshentsa. Te rikrenn t'men ap kova, hi kova mishto. Ačenn o Debleha!”

Remarja 14:21

Hi feteder, te rhah tou kek mass oun te piyeh tou kek mool oun kreh či, hoy anell tiro phrales o Debleskro dromestar tele.

1. Korintarja 8:8

Kolenge penau me: O rhapen krell men gar pale-čiddo glan o Debleste. Te ham dareno, te rhas yek rhapen, ham gar tikneder glan o Debleste. Te ham gar dareno, te rhas kova, ham gar feteder glan leste.

2. Korintarja 6:17

Doleske penell o Devel: Djan kolendar krik, kay sharenn vavar koova! Ma avenn lentsa khetne! Lenn či an t'mare vasta, hoy hi pale-čiddo glan mire yaka! Palle lau t'men kamles pash mande pre.

Efesarja 5:11

Ma djan ap o čilačo drom kolentsa, kay krenna, hoy či moldo oun čilačo hi! Sike lende, har čilačo kova hi!

Efesarja 5:7

Rikrenn t'men kolendar pale, kay kova lauter krenna!

Kolossarja 2:16

Ma shounenn ap kolende, kay penenn t'menge: “Hi gar mishto, te rhan oun piyenn t'mer kava te kova!” Ma shounenn ap lende, te penenn le t'menge, te denn yak ap bare divessa an o čon oun an o bersh, ninna ap o dives, kay i bibolde gar boudrenna.

Hebrearja 9:10

Ninna rikrenn pen i menshe ap laba, kay penenna, hoy te rhan le gar, oun hoy te piyenn le gar, oun har te thovenn le pen. Kol laba hi menshengre laba. Kova lauter his mishto yaake rah, har sikras len o Devel gomme gar o feteder drom, te nay venn yon pash leste.