3. Mose 11:47 - O Debleskro Lab 2024 (Sinte-Manouche)

⁴⁷ Yaake nay djinenn t'mer, hoy pale-čiddo hi oun hoy gar pale-čiddo hi, oun havo firho nay rhan t'mer, oun havo firho nay rhan t'mer gar.

O Debleskro Drom 2021 (Sinte)

⁴⁷ Jaake nai djinenn tumer, hoi pale-tchiddo hi un hoi gar pale-tchiddo hi, un hawo viecho nai chan tumer, un hawo viecho nai chan tumer gar.

3. Mose 11:47 Iomraidhean Croise

1. Mose 7:2

Le firhen touha an o panyeskro kheer: Hake firhendar, kay hi gar pale-čiddo, le efta morshen pengre djouvyentsa! Oun hake pale-čidde firhendar le yek morshes oun peskri djouvel.

Ezekiel 22:26

Tire rashaya rissrenn mire laba trouyel. Oun krenn kova pale-čiddo, hoy mange hi. Kova, hoy mange dino vas, hi lenge gar boudeder moldo har hako vavar koova. I vavar menshenge sikrenn le gar, hoy pale-čiddo oun hoy gar pale-čiddo hi. Oun yon pandenn pengre yaka, te venn o Debleskre divessa gar dren rikedo. Yaake krenn le, te vap me bouder gar sharedo.

Ezekiel 44:23

I rashaya hounte sikrenn mire menshende, hoy mange, o Debleske hi, oun kova, hoy i menshenge hi. Oun yon hounte djinenn, hoy pale-čiddo glan mande hi, oun hoy gar pale-čiddo glan mande hi.

Daniel 1:8

O Daniel las peske an peskro dji glan, te rhal lo gar o baro rayeskro rhapen oun piyell gar leskri molyatar, te krell lo pes gar pale-čiddo. Oun yob mangas o pralstunestar pral o rayeskro kheer, te hounte krell lo pes gar pale-čiddo.

3. Mose 10:10

T'mer hounte dikenn dren, hoy o baro Debleske hi, oun hoy gar o baro Debleske hi, oun hoy erligo hi oun hoy pale-čiddo hi glan leste.

3. Mose 11:46

Kava hi hoy glan činlo hi pral i firhende oun pral i čirklende oun pral halauter, hoy djivell an o pani, oun pral kol firhende, kay djan ap o per oder ap tikne herya pral i phoub.

3. Mose 12:1

O baro Devel penas ap o Mose:

Maleachi 3:18

Palle dikenn t'mer pale, kay djal gar emliges kolenge, kay an o čačepen tardo hi oun kolenge, kay krenn o čilačepen. Djal vavarčandes koleske, kay mangell o Debles an, har koleske, kay mangell les gar an.