3. Mose 11:44 - O Debleskro Lab 2024 (Sinte-Manouche)

⁴⁴ Me, o baro Devel, hom t'maro Devel. Kek vavar hi har me. An mande hi kek čilačepen. Oun t'mer hounte djivenn yaake, te vell či tardo mank mande oun t'mende. Ma krenn t'men pale-čiddo ap i tikno firho, hoy djal pral i phoub.

O Debleskro Drom 2021 (Sinte)

⁴⁴ Me, o baro Dewel, hom tumaro Dewel. Kek wawar hi har me. An mande hi kek tchilatchepen. Un tumer hunte djiwenn jaake, te well tchi tardo mank mande un tumende. Ma krenn tumen pale-tchiddo ap i tikno viecho, hoi djal pral i phub.

3. Mose 11:44 Iomraidhean Croise

Debleskri gili 99:5

Hadenn maro baro Debles! Oun perenn ap i phoub glan i beshepaskri, kay yob peskre herya pre čivella. O baro Devel kokres hi o čačo Devel.

Debleskri gili 99:9

Hadenn maro baro Debles! Mangenn les an ap leskri berga, kay yob djivella. Maro baro Devel kokres hi o čačo Devel.

2. Mose 16:12

“Me shounom, har rhoyedo i Israelitarya his. Rake ap lende oun pen: An i rat rhan t'mer mass. Oun taysarlakro rhan t'mer t'men čalo ap o maro, te dikenn, te hom me t'maro baro Devel.”

2. Mose 19:10

Oun o baro Devel penas ap o Mose: “Dja pash lende oun pen lenge, te krenn le pen djoudjo mange kava dives oun taysar, te thovenn le pengre koola.

2. Mose 19:6

oun han vi-rodedo, te venn bare raya oun rashaya, kay hi mange koy. Kal laba peness tou ap i tsele Israelitarya.”

2. Mose 20:2

Me, o baro Devel, hom tiro Devel, koon tout vin las dran o them Egiptia, kay tou i pandlo boudepaskro hals.

2. Mose 22:30

T'mer han mire vi-rodede menshe. Doleske ma rhan o mass kol firhendar, hoy van moulo dandedo divye firhendar. Denn ko moulo firhes t'mare djouklen!

2. Mose 23:25

Mangenn man, t'maro baro Debles, kokres an! Palle krau, te hi t'men doha maro oun boud pani. Oun me lau hako nasslepen, hoy mashkral t'mende hi, t'mendar krik.

2. Mose 6:7

Kamau, te venn t'mer mire menshe, oun me kamau t'maro Devel te vell. Oun t'mer dikenn oun hayvenn, te hom me, o baro Devel, t'maro Devel, kay las t'men vin dran i phari boudi, hoy i Egiptarya ap t'mende čivan.

Jesaja 43:3

Me, o baro Devel, hom tiro Devel. Me, o Israeleskro Devel lau tout vin dran o merepen. Me dau lenge o them Egiptia, te ginap tout vin. I themma Etiopia oun Seba dau koy pashel.

Jesaja 51:15

Me hom o baro Devel, tiro Devel, kova, kay o baro pani divyo krell, oun moukell i baro phourdepen pral leste te djal. Miro lab hi baro Devel, ray pral o bolepen oun i phoub.

3. Mose 10:3

O Mose penas ap o Aron: Kava hi, hoy o baro Devel rakras, har penas lo: Kamau, te dikenn kolla, kay venn glan mande, te hom me kokres o čačo Devel. Glan i tsele menshende kamau te vap sharedo. O Aron penas kek lab.

3. Mose 11:43

Ma krenn t'men pale-čiddo sau tikno firheha, hoy rhan.

3. Mose 18:2

Pen ap i Israelitarya: Me, o baro Devel, hom t'maro Devel.

3. Mose 19:10

Yaake krenn ninna t'mare drakentsa. Har anan len dren, ma djan i douyto kopo ap ko kotar phoub, te anenn kolla dren, kay pral ačan, vitar gar save, kay tele peran. Kol čorvelenge, oun kolenge dran i vi-them, moukenn len pral! Me, baro Devel, hom t'maro Devel.

3. Mose 19:2

Pen ap i tsele Israelitarya: Me, o baro Devel, hom t'maro Devel. Kek vavar hi har me. An mande hi kek čilačepen. Oun t'mer hounte djivenn yaake har i Debleskre menshe djivenn.

3. Mose 19:3

Hakeno t'mendar hounte dikell pre ap peskri date oun ap peskro dadeste, oun hounte rikrell o Debleskro dives! Me, o baro Devel, hom t'maro Devel.

3. Mose 19:4

Ma nashenn i rhorhene deblen palla! Krenn t'men kek debla t'mare vastentsa! Me, o baro Devel, hom t'maro Devel.

3. Mose 20:26

Me hom o baro Devel. Kek vavar hi har me. An mande hi kek čilačepen. Oun t'men rodom vin dran i vavar themma, te venn t'mer miro. Doleske hounte venn kokres mange oun djivenn har i Debleskre menshe djivenn.

3. Mose 20:7

Me, o baro Devel, hom t'maro Devel. Doleske avenn mange kokres koy. Či hounte vell tardo mank mande oun t'mende!

3. Mose 21:8

T'mer Israelitarya, i rashay hi t'menge i Debleskro morsh! Yob rhačrell glan mande o rhapen, hoy mange anlo vell. Doleske vell lo t'menge i morsh, koles vi-rodom, te boudrell lo mange. Me hom o baro Devel. Kek vavar hi har me. Oun t'men rodom mange vin, te venn mire menshe.

Amos 3:3

O Amos penas: Nay denn pen douy morsha khetne ap i drom, oun kran gar vin, kay te taprenn le pen? Na-a!

4. Mose 15:40

T'menge hounte vell halauter pale an o shero, hoy me penom. Oun kova krenna! Palle han mire menshe, kolla mange kokres koy hi.

Mateo 5:48

T'mer hounte venn yaake lačes ap i menshende, har t'maro dad an o bolepen hi lačes ap i menshende.

5. Mose 14:2

T'mer han o baro Debleskre menshe. Yob hi t'maro Devel. T'men rodas lo vin dran i tsele themma ap i phoub, te venn i natsyona, hoy leske hi.

1. Tessalonikarja 4:7

O Devel das men gole, te djivas i djoudjo djipen. Yob das men gar gole, te kras djoungelo koova.

Josua 24:19

Kote penas o Yosua ap i tsele menshende: “Kova nay vals t'menge phares, o baro Debleske koy te vell. Kek vavar devel hi har yob hi. Oun yob kamell t'mendar, te mangenn les kokres an. Te djan t'mer leskro dromestar tele oun hadenn t'men pral leste, bistrell lo kova gar.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.

Debleskro tsiro 22:11

Koon čilačo koova krella, kova krell kova. Oun koon djoungelo koova krella, kova krell kova. Oun koon an o čačepen djivella, ačell an o čačepen! Oun koon o Debleha djivella, kova ačell o Debleha!

1. Samuel 2:2

Kek hi yaake baro oun čačo har o baro Devel. Dell kek vavar Devel har yob. Ap kekeste nay rikrah men har ap maro Debleste.

1. Samuel 6:20

Oun i morsha an Bet-Shemesh penan: “Koon nay ačell djido glan o baro Debleste, kay yaake hi har kek vavar? Pash koneste nay bičrah ko morhton? Kate nay ačell lo gar.”