3. Mose 10:6 - O Debleskro Lab 2024 (Sinte-Manouche)

⁶ O Mose penas ap o Aron oun koleskre vavar douy čavende, o Elazar oun o Itamar: “Moukenn t'mare phralen, kol vavar Israelitaryen, te rovenn le kolenge, kay o baro Devel koy yagah maras. T'mer hounte moukenn gar t'mare balla ap t'maro shero divyes trouyel čiddo, oun hounte tserdenn gar t'mare koola an kotya, te sikrenn, har phares t'mare djia hi. Te krenn kova, hounte merenn. Oun o baro Debleskri rholi vell pral o tselo kheer Israel.

O Debleskro Drom 2021 (Sinte)

⁶ O Mose penas ap o Aron un koleskre wawar dui tchawende, o Eleasar un o Itamar: “Mukenn tumare phralen, kol wawar Israelitarjen, te rowenn le kolenge, kai o baro Dewel koi jagah maras. Tumer hunte mukenn gar tumare balla ap tumaro shero diwjes trujel tchiddo, un hunte tserdenn gar tumare koola an kotja, te sikrenn, har phares tumare djia hi. Te krenn kowa, hunte merenn. Un o baro Debleskri choli well pral o tselo kheer Israel.

3. Mose 10:6 Iomraidhean Croise

2. Samuel 24:1

Oun o baro Devel vas pale rhoyedo ap o Israel. Oun yob kras, te anell o David bibarht ap kol menshende an Israel, oun penas leske: “Dja koy oun hatse vin, har boud morsha hi an Israel oun an Youda!”

Esra 7:5

koleskro dad o Abishoua, koleskro dad o Pinhas, koleskro dad o Elazar, koleskro dad o Aron, ko baro rashay.

2. Mose 33:5

Yaake kran le, hoy o baro Devel o Moseske penas. Leske penas lo: “Pen ap i Israelitarya: T'mer djivenn pal t'maro shero oun kamenn gar te shounell. Te voms me t'mentsa i tikno tsiro ap o drom, doms me t'men moulo. Čivenn kanna t'maro sonakay oun roup tele! Pal kova kamau me dikell, hoy t'mentsa krau.”

2. Mose 6:23

O Aron las peske i romni: i Elisheba. Lakro dad hi o Amminadab. Oun lakro phraal hi o Nashon. Oun yoy las čave: o Nadab, oun o Abihu, o Elazar oun o Itamar.

Jeremia 7:29

Čin tire lengste balla tele, oun vitse len toutar krik! Gib i ropaskri gili ap i berge! O baro Devel hi rhoyedo pral kal menshende, oun tradell len pendar krik, oun kamell lendar či te djinell.

3. Mose 13:45

Ko morsh ap koleste ko djoungelo nasslepen hi, hounte rivell koola, hoy paash hi, oun hounte moukell leskri balla divyes, oun hounte čivell i diklo troul peskri čor, oun dell vin gole: pale-čiddo, pale-čiddo!

Micha 1:16

Tou, Youda, mouk touke i balla tele te činell, te ačenn touke kek balla ap o shero. Tire čave, kolen tou yaake kameh, venn pandlo oun toutar krik anlo.

4. Mose 1:53

Kol Levitarya hounte čivenn pengre plarhtene khera troul o Debleskro plarhteno kheer, kay o Debleskre deesh laba dren hi, te denn le garda, te vell kek pash o kheer, yaake te vell gar miri rholi pral i Israelitarya.

4. Mose 14:6

Oun o Yosua, koleskro dad o Noun his, oun o Kaleb, koleskro dad o Yefunne his, his douy kolendar, kay pen an o them trouyel dikan. Yon kran pengre koola an kotya i rholyatar,

4. Mose 16:22

Kol douy moukan pen ap pengro mouy te perell, oun penan: “Ah Devel, tou hal o Devel, kay das hakenes o djipen! Te kras yek morsh i čilačo koova, kameh tou doleske tiri rholi pral i tsele menshende te čivell?”

4. Mose 18:5

Yaake har kanna penom, krenn koy boudi an o Debleskro kheer, oun koy boudi ap o Debleskri rhačepaskri, te vell bouder gar miri rholi pral kol Israelitarya!

4. Mose 20:25

Le o Arones oun leskro čaves Elazar, oun an len ap koy berga Hor,

4. Mose 5:18

Oun yob hounte anell koy djouvyat glan o baro Debleste, oun krell lakre balla pre, oun čivell ko yarro an lakro vast, te vell diklo, rhorhras li peskro romes, rhorhras li les gar. Oun an peskro vast lell ko rashay ko djoungelo nasselo pani.

5. Mose 33:9

Yon rikran boudeder ap toute har ap pengre dadende oun dayende, pengre phralende oun čavende. Oun dan yak ap tiro lab, oun rikran pen ap koy sovel, hoy tou lentsa dren djal.

Josua 22:18

Oun t'mer rissrenn t'men kava dives o baro Deblestar tele. Dikenn t'mer gar, hoy vella? Kava dives hadenn t'men pral o baro Debleste. Oun taysar vell leskri rholi pral i tsele menshende Israel.

Josua 22:20

His gar yaake, har o Akan, koleskro dad o Zera his, peske kolestar las, hoy o baro Debleske kokres his, te vas o baro Debleskri rholi pral i tsele Israelitaryen, ninna te kras yek morsh kokres ko čilačepen. Oun yob hounte meras koleske, hoy lo kras.”

Josua 7:1

I Israelitarya rikran pen gar ap o Debleskro lab, hoy yob penas, te vell halauter an o foro Yericho leskro. Yek lendar, o Akan, las čomone peske. O Akaneskro dad his o Karmi, koleskro dad his o Sabdi, oun koleskro dad his o Zera. Oun kolla his morsha dran o kheer Youda. Har o Akan kova kras, las o baro Devel i bari rholi pral i Israelitarya.

Josua 7:11

O Israel anas bari doosh ap peste! Yon rikran pen gar ap mire laba, hoy lenge penom, te hounte rikrenn le. Oun yon lan kolestar, hoy mange his oun čoran les oun čivan les čorrhanes pash pengro koova pashel.