3. Mose 10:14 - O Debleskro Lab 2024 (Sinte-Manouche)

¹⁴ Ko beč oun koy čači palstouni heri, hoy pre hadedo van glan o baro Debleste, hi ninna t'menge. Rhan len khetne t'mare čaventsa oun čentsa ap i vavar platsa, hoy djoudjo hi o Debleske. Kal kotya mass hi tiro kotar oun tire čavengro kotar kol firhendar, hoy i Israelitarya o baro Debleske anan, te rhan le len khetne glan leste.

O Debleskro Drom 2021 (Sinte)

¹⁴ Ko betch un koi tchatchi palstuni heri, hoi pre hadedo wan glan o baro Debleste, hi ninna tumenge. Chan len khetne tumare tchawentsa un tchentsa ap i wawar platsa, hoi djudjo hi o Debleske. Kal kotja mass hi tiro kotar un tire tchawengro kotar kol viechendar, hoi i Israelitarja o baro Debleske anan, te chan le len khetne glan leste.

3. Mose 10:14 Iomraidhean Croise

2. Mose 29:33

Yon kokres rhan kol kotya mass ko firhestar, hoy maredo vas, te vell lengri doosh krik lino, te nay venn le o Debleskre rashaya. Kek vavar nay rhal ko mass, – kova hi o Debleskro rhapen.

Ezekiel 42:13

O morsh penas ap mande: Kal isema, kolla ap i nordetikri rig, oun kolla ap koy rig, kay o kham pralstounes tardo hi, hoy pash koy platsa čiddo hi, hoy pal o Debleskro kheer hi, kolla hi kolenge, kay boudrenn o Debleske. I rashaya, kay glan o baro Debleste pengri boudi krenn, nay rhan kote pengro kotar kolestar, hoy o Debleske anlo vas, oun hoy kokres i rashaya nay rhan. An kal iseme čivenn le kova, hoy o Debleske anlo vas: ko djob, oun ko mass kol firhendar, hoy i doshake maredo van oun doleske, te vell lauter pale mishto. Kal iseme hi koleske, hoy o Debleske hi.

3. Mose 10:13

Kava rhapen hi tiro oun tire čavengro kotar kolestar, hoy o baro Debleste rhačedo vell. Doleske rhan les ap i Debleskri platsa. Yaake penas kova mange o baro Devel.

3. Mose 22:13

Te meras lakro rom oder moukas lat, oun lat hi kek čave, oun yoy djal pale an peskro dadeskro kheer, palle nay rhal li foun peskro dadeskro rhapen yaake har kras li, har li terni his. Kokres kolla dran o rashayeskri familya nay rhan foun ko rhapen, hoy o baro Debleske anlo vas.

3. Mose 9:21

Kol bečeskre kotya oun i čače palstoune herya hadas o Aron glan o baro Debleste pre, te sikrell lo, kay kal tsele firhe o baro Debleske his. Yaake penas kova o baro Devel o Moseske.

4. Mose 18:11

Ninna ko vavar koova, hoy i Israelitarya mange anenn, dau me toute oun tire čavende oun čende, hako tsireske. Koon gar pale-čiddo hi an tiro kheer nay rhal kolestar.

4. Mose 5:9

Ninna ko vavar koova, hoy i Israelitarya o baro Debleste denn, hi i rashayenge.

Johanni 4:34

Penas o Yezous lenge: “Me djivau kolestar, te krap, hoy o Devel mandar kamella. Oun leskri boudi krau yaake rah, har yob kamella. Doleske bičras man lo ap i phoub.