3. Mose 1:4 - O Debleskro Lab 2024 (Sinte-Manouche)

⁴ Oun o morsh čivell peskro vast ap o shero ko firhestar, te dikell o Devel lačes ap leste oun lell leskri doosh, hoy lo ap peste las, krik.

O Debleskro Drom 2021 (Sinte)

⁴ Un o mursh tchiwell peskro wast ap o shero ko viechestar, te dikell o Dewel latches ap leste un lell leskri doosh, hoi lo ap peste las, krik.

3. Mose 1:4 Iomraidhean Croise

2. Mose 28:38

Ko tikno kotar sonakay hidjrell o Aron glan ap peskro shero, te vell lo glan mande. Kova sikrella, te lell o Aron i doosh ap peste, hoy ap ko koova hi, hoy i Israelitarya man dan. Oun me dikau lačes ap lende.

2. Mose 29:10

An ko terno gouroum glan o Debleskro plarhteno kheer. Oun o Aron oun leskre čave čivenn pengre vasta ap leskro shero.

2. Mose 29:15

Palle le ko yek bakro! Oun o Aron oun leskre čave čivenn pengre vasta ap leskro shero.

2. Mose 29:19

Le o douyto bakro! Oun o Aron oun leskre čave čivenn pengre vasta ap leskro shero.

2. Mose 29:33

Yon kokres rhan kol kotya mass ko firhestar, hoy maredo vas, te vell lengri doosh krik lino, te nay venn le o Debleskre rashaya. Kek vavar nay rhal ko mass, – kova hi o Debleskro rhapen.

Jesaja 56:7

kolen anau pash miri berga, kay me djivau, oun krau len barhteles an miro kheer, kay mangenn man i menshe an. Yon nay anenn mange firhen: save, hoy venn mange rhačedo ap miri rhačepaskri, ninna save, hoy rhan le glan mande. Oun me dikau lačes ap kova. Miro kheer vell kharedo: Kheer, kay i menshe dran hake themma o Debles an-mangenn.

Ezekiel 45:15

Te hi yekes douy sheel bakre, hounte anell lo yek lendar. Dran o tselo them Israel hounte anenn i menshe kova, te vell mange rhapen dran djob rhačedo, ninna firhe, hoy tseles rhačedo venn, oun vavar, hoy rhan le khetne glan mande, te vell lauter krik lino, hoy mank mande oun i menshende tardo hi. Kava penell o baro Devel, maro ray.

Daniel 9:24

Efta kope efta-deesh (70) bersha hi ko tsiro, hoy o Devel peske glan čivas, te vell o čilačepen oun i doosh krik lino tire menshendar oun dran o Debleskro foro. Palle vell i phagi krik lino oun ko čačepen vell, hoy hako tsiro ačella. Oun kova, hoy an o dikepen diklo vas, vell čačo, ninna kova, hoy o Debleskre rakepangre glan-vi penan. Oun o Debleskro kheer vell pale neves o Debleste dino.

3. Mose 16:21

oun čivell peskre douy vasta ap lakro shero, oun penell haki doosh oun hako čilačepen, hoy i Israelitarya kran. Yaake čivell lo kova lauter ap i bouzyakro shero. Palle moukell lo lat i morshestar, kay koleske koy tardo hi, krik te tradell an o moulo tato them.

3. Mose 16:24

Palle thovell lo pes ap i Debleskri platsa, oun rivell peskre koola an. Palle djal lo pale vin, marell kol douy bakre, ko yek peske, oun ko vavar i menshenge Israel, oun rhačrell lengro tselo mass o baro Debleske, te vell i doosh oun o pale-čiddo koova krik lino lestar oun kol menshendar Israel.

3. Mose 22:21

Te anell yek i groumyat oder i bakres glan o baro Debleste, hoy rhan i menshe glan leste – nay vell i firho, hoy lo pestar das, nay vell i firho, koleha yob kamell peskri sovel, hoy yob das, dren rikrell – palle hounte vell ko firho sasto, te dikell o baro Devel lačes ap leste.

3. Mose 22:27

Te vell i tikni groumni, i tikno bakro oder i tikni bouzni boldo, palle vell kava ternepen efta divessa pash peskri date. Pal o orhtato dives nay aneh les o baro Debleske, te vell les leske maredo. Palle dikell lo lačes ap leste.

3. Mose 3:13

palle čivell yob peskro vast ap lakro shero oun marell lat glan o Debleskro plarhteno kheer. Oun i rashaya lenn o rat oun čorenn les troul o Debleskri rhačepaskri ap leskre star rigya.

3. Mose 3:2

Yob čivell peskro vast ap o firheskro shero oun marell les glan o voudar o Debleskro plarhteno kherestar. Oun i rashaya dran o kheer Aron lenn o rat oun čorenn les troul o Debleskri rhačepaskri ap leskre star rigya.

3. Mose 3:8

palle čivell yob peskro vast ap leskro shero oun marell les glan o Debleskro plarhteno kheer. Oun i rashaya lenn o rat oun čorenn les troul o Debleskri rhačepaskri vin.

3. Mose 4:15

Oun i phoureder lendar čivenn pengre vasta ap o firheskro shero oun marenn les kote glan o baro Debleste.

3. Mose 4:20

Oun yob krell kava firheha yaake har yob kova ko firheha kras, hoy yob peskri doshake maras. Yaake krell o rashay, te vell lauter pale mishto mank i Israelitarya oun o baro Debleste. Oun o baro Devel bistrell lengri doosh.

3. Mose 4:24

Oun čivell peskro vast ap o firheskro shero oun marell les glan o baro Debleste, kote kay i firhe maredo venn, hoy o Debleske rhačedo venn. Yaake vell i firheha kerdo, hoy maredo vell, te vell i doosh krik lino.

3. Mose 4:26

Oun o tselo thulepen rhačrell lo ap i rhačepaskri yaake, har rhačrell lo o thulepen ko firhestar, hoy yek o Debleske anell, te rhan le les khetne glan leste. Yaake krell o rashay, te vell lauter pale mishto mank o pralstuneste oun o baro Debleste. Oun o baro Devel bistrell leskri doosh.

3. Mose 4:29

Oun yob hounte čivell peskro vast ap o firheskro shero oun marell les kote kay i firhe maredo venn, hoy rhačedo venn o Debleske.

3. Mose 4:31

Oun o tselo thulepen činell lo tele, yaake har činell lo o thulepen tele ko firhestar, hoy yek o Debleske anell, te rhan le les khetne glan leste. Oun ko rashay rhačrell kal thoulle kotya ap o Debleskri rhačepaskri, te vell i lačo soungepen vin, hoy baro Debleske mishto soungella. Yaake krell o rashay, te vell lauter pale mishto mank ko mensheste oun o baro Debleste. Oun o baro Devel bistrell leskri doosh.

3. Mose 4:33

oun čivell peskro vast ap o firheskro shero, oun marell les kote, kay i firhe maredo venn, hoy o Debleske rhačedo venn. Kova hounte krell lo, te vell leskri doosh krik lino.

3. Mose 4:35

Oun o tselo thulepen činell lo tele yaake har činell lo o thulepen tele ko bakrestar, hoy yek o Debleske anell, te rhan le les khetne glan leste. Oun ko rashay rhačrell kal thoulle kotya ap o Debleskri rhačepaskri khetne ko vavar masseha, hoy o baro Debleske rhačedo vell. Yaake krell o rashay, te vell lauter pale mishto mank o baro Debleste oun ko mensheste, kay doosh ap peste anas. Oun o baro Devel bistrell leskri doosh.

3. Mose 4:4

Oun yob anell ko gouroum glan o baro Debleste, pash o voudar glan o Debleskro kheer, oun čivell peskro vast ap o firheskro shero oun marell les kote glan o baro Debleste.

3. Mose 5:6

Koy doshake hounte anell lo o baro Debleske i bakri oder i bouzni, oun marell lat, te vell leskri doosh krik lino. Oun o rashay lell ko firho oun rhačrell leskro thulepen, oun yaake krell lo, te vell lauter pale mishto mank ko mensheste oun o baro Debleste.

3. Mose 6:7

Oun yaake hounte vell kerdo o yarreha, hoy o baro Debleske dino vell. I rashaya dran o kheer Aron anenn les glan o baro Debleste pash koy rhačepaskri.

3. Mose 8:14

Yob moukas o terno gouroum te anell, hoy i doshake maredo vell. O Aron oun leskre čave čivan pengre vasta ap o shero ko terno firhestar.

3. Mose 8:18

Palle las lo ko yek bakro, koleskro tselo mass rhačedo vell o baro Debleske. Oun o Aron oun leskre čave čivan pengre vasta ap o firheskro shero.

3. Mose 8:22

Yob moukas o douyto morsh bakro te anell, kay doleske maredo vell, te venn i rashaya an pengri boudi dren čiddo. Oun o Aron oun leskre čave čivan pengre vasta ap o firheskro shero.

3. Mose 9:7

Oun o Mose penas ap o Aron: “Ab glan o Debleskri rhačepaskri, oun an leske ko firhes, koleha tiri doosh krik lino vell, oun mare ninna touke ko firhes, koleskro tselo mass o Debleske rhačedo vell. Palle kre kova kol firhentsa, hoy i Israelitarya anan, te vell lengri doosh krik lino. Yaake penas kova o baro Devel.”

4. Mose 15:25

Oun yaake krell o rashay i tsele menshenge Israel, te vell lauter pale mishto mank lende oun o Debleste. Oun koy doosh vell lendar krik lino, – koy doosh, kolatar yon gar djinan, kay kaya i doosh hi, oun kolake yon firhen anan oun rhapen rhačepaske o baro Debleske.

4. Mose 15:28

Oun ko rashay rhačrell lat glan o baro Debleste, te vell lauter pale mishto mank o Debleste oun koleste, kay djinas gar, kay yob čomone čilačes kras. Oun leskri doosh vell lestar krik lino.

4. Mose 25:13

oun doleske vess tou oun tire čave pal toute hako tsireske mire rashaya. Tiro dji rhačas tiro Debleske oun tou kral, te vas kol Israelenge i doosh krik lino.”

4. Mose 8:10

Oun tou aness kol Levitaryen glan o baro Debleste. Oun kol Israelitarya hounte čivenn pengre vasta ap lende, te sikrenn le, yon hi kolla, kolen i Israelitarya o baro Debleste denna, te krenn yon i boudi an leskro kheer. Oun o Aron anell i Levitaryen glan o baro Debleste.

4. Mose 8:12

Oun kol Levitarya hounte čivenn pengre vasta ap kol terne gourmengre shere. Ko yek vell rhačedo, te vell i doosh krik lino. Ko vavar vell tseles rhačedo o baro Debleske. Yaake vell i doosh i Levitarendar krik lino.

Remarja 12:1

Mire phrala, o Devel hi kamlo ap t'mende. Doleske mangau t'men o tselo djiyestar: Djivenn t'maro djipen o Debleske, oun venn leske kokres koy, yaake te vell o Devel barhtelo pral t'mende. Te djivenn t'mer yaake, sharenn t'mer les. Oun kova hi t'mari boudi.

Remarja 3:25

O Devel bičras les, te merell lo ap o troushel kolenge, kay ap leste patsenna. Leskro rateha, hoy yob ap o troushel ratas, thovas o Devel mari doosh mendar krik. Yaake dikah, o Devel hi lačo oun čačo oun lell i menshendar lengri doosh krik.

Remarja 5:11

Oun kova hi gar lauter. Mer ham yaake barhtelo, te vas o Devel maro Devel. Maro ray, o Yezous Kristo, anas men leha khetne.

Filiparja 4:18

Kanna hi man lauter, hoy man hounte vell djipaske, oun boudeder har doha. O Epafrodito anas mange kova lauter, hoy t'mer mange bičran. Kova hi yaake, har te anans t'mer o Debleske lačo koova, hoy soungell mishto, oun kay dikell lo lačes pre oun hi barhtelo pral kova.

Hebrearja 10:4

Della kek drom, kay lell nay o groumyengro rat oun o bakrengro rat i doosh i menshendar krik.

1. Johanni 2:2

Yob kokres las mari doosh mendar, oun las lat ap peste, har yob menge ap o troushel meras. Gar mari doosh kokres las lo ap peste. Na-a, yob las ninna i doosh i tsele menshendar ap kay phoub ap peste.