3. Mose 1:10 - O Debleskro Lab 2024 (Sinte-Manouche)

¹⁰ Te kamell yek i bakro oder i bouzni o baro Debleske te anell, te vell ko firho tseles leske rhačedo, palle anell lo i morshkano firho, hoy gar nasselo hi.

O Debleskro Drom 2021 (Sinte)

¹⁰ Te kamell jek i bakro oder i busni o baro Debleske te anell, te well ko viecho tseles leske chatchedo, palle anell lo i murshkano viecho, hoi gar nasselo hi.

3. Mose 1:10 Iomraidhean Croise

1. Mose 4:4

Oun o Abel las tikne bakren, kay i phoureder čave pengre dayendar hi, maras len oun rhačras lengre feteder kotya o Debleske. Oun o baro Devel dikas lačes ap o Abel oun ap kova, hoy yob rhačras leske.

1. Mose 8:20

Oun o Noah kras i rhačepaskri platsa oun las hake firhendar, kay gar pale-čiddo hi oun hake čirklendar, kay gar pale-čiddo hi. Oun das len moulo oun rhačras len ap koy platsa, te parkrell lo pes pash o baro Debleste.

2. Mose 12:5

Lenn yek firho, hoy sasto hi, i morsh, hoy yek bersh phouro hi, nay vell i bakrendar, nay vell i bouzyendar.

Ezekiel 43:22

Oun ap o douyto dives aness tou i sasti morsh bouzni, te vell li maredo i doshake. Tou kress lah yaake, har kova kerdo vas o gouroumeha ninna, te vell ko rateha i doosh oun o pale-čiddo koova krik lino foun i rhačepaskri.

3. Mose 14:10

Ap o orhtato dives anell lo douy terne bakre, hoy morsha hi oun sasto, oun yek bakri, hoy yek bersh phouro oun sasto hi. Ninna anell lo triin kilogramme lačo yarro, kay djet dren hi, te vell kova glan o baro Debleste anlo. Koy pashel anell lo i khoro djet.

3. Mose 16:3

Te djal lo koy dren, hounte anas lo glan kova i terno gouroum, hoy vell maredo, te vell i doosh oun o pale-čiddo koova krik lino, ninna hounte anas lo i bakro, koleskro tselo mass rhačedo vell o Debleske.

3. Mose 16:5

I Israelitarya anenn leske douy morsh bouzya oun yek bakro. I bouzya venn maredo, te vell i doosh oun o pale-čiddo koova krik lino. Oun o bakro vell maredo, te vell leskro tselo mass rhačedo o Debleske.

3. Mose 22:19

palle hounte rodell lo i firhes vin i groumyendar, bakrendar oder bouzyendar, hoy i morsh hi oun sasto, te dikell o baro Devel lačes ap leste.

3. Mose 23:12

Ap ko dives, kay hadell o rashay t'maro nevo djob pre glan o Debleste, hounte anenn t'mer i terno bakro, hoy yek bersh phouro hi oun sasto hi, te vell lo rhačedo o baro Debleske.

3. Mose 3:1

Te kamell yek o baro Debleske i groumyat te anell, hoy rhan i menshe khetne glan leste, palle nay vell ko firho i morsh groumni har ninna i djouvel groumni. Kava firho hounte vell gar nasselo.

3. Mose 4:23

Te hayvell lo pal i tsiro, kay kova, hoy lo kras, gar čačo hi glan o Debleskre yaka, palle hounte anell lo leske i morsh bouzni, hoy gar nasselo hi.

3. Mose 4:3

Te hi kova o pralstouno rashay, kay rikras pes gar ap o Debleskro lab, oun anas yaake doosh ap i tsele Israelitaryen, palle lell lo i terno gouroum, hoy gar nasselo hi, oun anell les o baro Debleske, te vell leskri doosh, hoy lo ap peste anas, krik lino.

3. Mose 5:15

Te dals yek gar o baro Debleste, hoy hounte dals lo leste, rhorhras lo o baro Debles, ninna te djinas lo kova gar. Yob hounte anell o Debleske i bakro, hoy sasto hi, te vell leskri doosh pale mishto. Kava bakro hounte vell yaake boud roupene beme moldo, har tou peneh. Yek roupeni bema hi yaake pharo har i roupeni bema an o Debleskro kheer hi.

3. Mose 9:2

oun penas ap o Aron: “Le touke i terno gouroum oun i morsh bakro, ko gouroum, te vell lo maredo, te vell i doosh krik lino, oun ko bakro, te vell lo maredo, oun leskro tselo mass o baro Debleske rhačedo. Kal douy hounte venn sasto. Kolla an glan o baro Debleste:

Maleachi 1:14

Praasedo te vell hakeno, kay pes sovel das, te dell lo man i lačo morsh firho. Oun palle rhorhell lo man oun anell mange i nasselo firhes. Me hom o pralstouno ray, oun i menshe dran vavar themma sharenn man, penell o baro Devel, ko ray pral o bolepen oun i phoub.

4. Mose 15:5

Anenn ninna mool koy pashel! Pash hako terno bakro, hoy vell tseles rhačedo, čorenn yek litari mool, ninna pash hako terno bakro, hoy rhan t'mer khetne glan o Debleste.

4. Mose 19:2

Kova, hoy kanna penau, hounte krenn yaake har penau, ninna an ko tsiro, hoy vella: Pen ap kol Israelitarya, te anenn le pash toute i loli groumni, kay kek nasslepen ap late hi, oun kay boudras gar ap i harhetikri phoub, yaake rah har djivell li.

4. Mose 6:14

Oun yob hounte dell o baro Debles i bakro, yek bersh phouro oun sasto, te vell kova tseles rhačedo o Debleske. Ninna dell yob o Debles i bakri, yek bersh phouro oun sasto, te vell leskri doosh krik lino. Oun pale anell lo leske i vavar sasto morsh bakro, hoy rhan le khetne glan o Debleste.

Johanni 1:29

Ap o vavar dives dikas o Yohanni, kay o Yezous pash leste vella. Oun o Yohanni penas: “Dikenn, kava hi o Debleskro bakro, kay lell i menshengri doosh ap peste.

1. Petro 1:19

Yob playsras peskro kouč rateha, hoy yob ratas, har meras lo ap o troushel. O Yezous Kristo his har i bakro, hoy maredo vas o Debleske. Ap leste his kek doosh oun kek čilačepen.