2. Timoteo 2:3 - O Debleskro Lab 2024 (Sinte-Manouche)

³ Yaake har i lačo kourepaskro douka ap peste lella, yaake le ninna douka o Yezous Kristeske ap toute!

O Debleskro Drom 2021 (Sinte)

³ Jaake har i latcho kurepaskro duka ap peste lella, jaake le ninna duka o Jesus Kristeske ap tute!

2. Timoteo 2:3 Iomraidhean Croise

Bičepangre 23:31

I lourde lan o Paules, har lenge penlo vas, oun anan les rati an o foro Antipatris.

1. Korintarja 13:7

Te hi les o Debleskro kamlepen an o dji oun i menshe doukrenn les, hi yob gar rhoyedo pral kova. Kones hi o Debleskro kamlepen an o dji, kova patsell halauter. Yob dell o vavares gar pre, oun rikrell lauter vin.

1. Korintarja 9:7

Kek tserdella an o kourepen oun playsrell pes kokres. Kek čivell i drakengre rouka an i phoub, oun rhal gar i drake. Kek dell peskre bakren zenlepen te rhal, oun piyell gar lengro thoud.

2. Korintarja 1:6

Te vell pharo koova ap mende, vell kova, te venn t'mare djia zoreles, oun te lenn t'mer o Debleskro djipen. Te kras o Devel mare djia zoreles, venn ninna t'mare djia zoreles. Oun t'mer nay rikrenn kol douka vin, hoy ap mende ninna hi.

1. Timoteo 1:18

Miro čavo Timoteo, kova penau touke, te rikress tou kova an tiro dji. Ma biste kol laba, hoy glan i tsiro pral toute glan-vi penlo van! Kolla laba denn tout i zoor, te moukess gar tele te krell o Debleskri boudi, yaake har i lačo kourepaskro gar pre dell an o kourepen.

2. Timoteo 1:1

Me, o Paulo, činau kava liil. Yaake har o Devel kamas, bičras man o Yezous Kristo, te penap i menshenge, kay o Devel kamell len ko djipen te dell, hoy gar pre-herella. Ko djipen dell lo kolen, kay ap o Yezous Kristeste patsenna.

2. Timoteo 1:8

Ma ladj tout, te rakress tou maro rayestar, o Yezousestar! Ma ladj tout mange, ninna te hom me kanna leske an o stilepen! Na-a, rake maro rayestar, ninna te venn douka ap toute, yaake har me lau douka ap mande, te vell o lačo lab o Yezousestar penlo. O Devel dell tout i zoor.

2. Timoteo 2:10

Me lau kova lauter ap mande kol menshenge, kolen o Devel vin rodas, te lenn yon o djipen oun o raylepen, hoy gar pre-herella. Kova dell len o Yezous Kristo.

2. Timoteo 2:9

Koleske lau douka ap mande. Yon pandan man an o stilepen, har te voms i marepaskro. Ninna te pandan le man an o stilepen, nay pandenn yon gar o Debleskro lab.

2. Timoteo 3:11

Tou djineh, har lan le man palla an i forya Antiochia, Ikonion oun Listra. Oun tou djineh, have douka yon mange kran. Oun kova lauter rikrom vin. Oun dran lauter kova las man o ray Yezous vin.

2. Timoteo 4:5

Tou, Timoteo, de yak har tou djiveh! Rike vin, ninna te krenn le touke o djipen phares! Pen i menshenge o lačo lab o Yezous Kristestar! Koy boudi das tout o Devel. Kre koy boudi mishto!

Filemon 1:2

Mer činah ninna ap mari phenyate, i Apfia, oun ap o Arkippo, kay boudrella mentsa o Yezous Kristeske, ninna ap i tsele patslende, kay venna khetne an tiro kheer.

Hebrearja 10:32

Ma bistrenn ko tsiro, kay o Debleskro kamlepen har i momeli an t'mare djia vas! Ap ko tsiro kran i menshe t'menge o djipen phares. Oun t'mer lan boud douka ap t'mende, oun vitsran t'maro patsepen gar ap i rig.

Hebrearja 11:27

Dran peskro patsepen djas o Mose vin dran o them Egiptia, oun daras gar o baro rayestar pral o them Egiptia, te vell yob rhoyedo ap leste. Na-a. Yob rikras yaake ap o Debleste, koles kek nay dikella, har te dikals les lo peskre yakentsa.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.