2. Samuel 9:1 - O Debleskro Lab 2024 (Sinte-Manouche)

¹ Oun o David poučas: “Ačas yek djido o Sauleskre menshendar, te krap lačepen ap leste? Kova krau me o Yonataneske.”

O Debleskro Drom 2021 (Sinte)

¹ Un o David putchas: “Atchas jek djido o Sauleskre menshendar, te krap latchepen ap leste? Kowa krau me o Jonataneske.”

2. Samuel 9:1 Iomraidhean Croise

2. Samuel 1:26

Miro phraal Yonatan, miro kamlo maal, me rovau pral toute. Man his bari barht pral toute. Tiro malengro kamlepen his mange feteder har i djouvyengro kamlepen.

2. Samuel 21:7

Oun yob rodas efta morshen vin. O Mefi-Boshet, koleskro dad o Yonatan his oun koleskro papo o Saul his, kova his gar mank kolende. Glan i tsiro das o David glan o baro Debleste o Yonataneske i sovel, te moukell lo leskre čaven djido.

2. Samuel 9:7

Oun o David penas ap leste: “Ma traash! Me kamau lačepen ap toute te krell. Kova krau tiro dadeske Yonatan. Ko tselo bravlepen tiro papestar Saul kamau touke pale te dell. Oun tou nay rhah hako dives ap miri rhapaskri.”

1. Rajengro liil 2:7

O čavenge o morshestar Barsillay dran o them Gilead, ab lačes, oun mouk len mank kolende te vell, kay tiro rhapastar rhan! Yon his kamles ap mande, har hounte nashom mange tiro phralestar, o Absalomestar.

Gosewe laba 27:10

Ma mouk tiro males, vitar gar tiro dadeskro males! Te djal touke djoungeles, ma dja an o kheer tiro phralestar. Hi feteder, te djas pash yekeste, kay gar dour toutar djivell, har pash tiro phraleste, kay dour toutar krik djivell.

Mateo 10:42

Koon della yekes mire malendar i khoro shilo pani te piyell, koles dell o Devel čačepah ko lačepen pale, hoy yob kras.

Mateo 25:40

Oun o baro ray penell lenge: Čačepah, me penau t'menge: Ko lačepen, hoy t'mer yekeske mire čorvele phralendar kran, ko lačepen kran t'mer mange.

Markus 9:41

Kova hi o čačepen, hoy me t'menge penau: Koon dell t'men i čaro pani te piyell, oun krell kova doleske, kay han mire mala, koles dell o Devel ko lačepen pale, hoy yob kras.

1. Petro 3:8

Ap t'mende lauterende penau: Rikrenn khetne! Hakenes te vell i dji o vavareske! T'mer lauter han phrala oun phenya. Avenn lačes yek ap o vavareste! Ma krenn t'men bares!

1. Samuel 20:42

“Ač mo Debleha”, penas o Yonatan ap o David. “O baro Devel mou krell, te bistras gar, hoy mer douy menge vin kram, oun dam men sovel glan leste. Ninna mire čave oun tire čave, oun kolla, kay pal lende venna, hounte rikrenn pen ap kova hako tsireske.”