2. Samuel 8:6 - O Debleskro Lab 2024 (Sinte-Manouche)

⁶ Oun yob čivas moskre dren an lengro them. Oun o Davides vas penepaske pral i Syrarya, oun yon hounte dan les roup oun sonakay. Yaake his o baro Devel o Davideske ap i rig, kay lo ninna djas.

O Debleskro Drom 2021 (Sinte)

⁶ Un job tchiwas moskre dren an lengro them. Un o Davides was penepaske pral i Syrarja, un jon hunte dan les rup un sonakai. Jaake his o baro Dewel o Davideske ap i rig, kai lo ninna djas.

2. Samuel 8:6 Iomraidhean Croise

2. Samuel 10:19

Oun kol tsele bare raya, kolengro pralstouno o Hadad-Eser hi, dikan, kay i Israelitarya i zorleder hi pral lende. Koy moukan le tele, te kourenn le pen lentsa. Oun o Israel las penepaske pral lende. Oun kol Syrarya trashan, te venn le doureder ap i rig kolenge dran o them Ammon.

2. Samuel 23:14

Kote his o David an peskro khatepen an i berga. Oun kol Filistarya, kay yak dan, his an o foro Betlehem.

2. Samuel 3:18

Kanna krenn kova! O baro Devel penas o Davidestar: Miro boudepaskro, o David, vell kova, khetne leha lau mire menshen Israel vin dran i vasta kol Filistarendar, oun lauterendar, kay leske čilačepen kamenn.”

2. Samuel 5:10

Oun o David vas bareder oun zorleder. Oun o baro Devel, ko ray pral o bolepen oun i phoub his leha.

2. Samuel 7:9

Me homs pash toute, kay tou ninna djal, oun marom kolen lauteren glan toute, kay kouran pen touha. Me kamau tiro lab bares te krell, yaake prindjedo har i laba kol bare rayendar ap i phoub.

2. Samuel 8:14

Oun yob čivas moskre dren an hako foro an o them Edom. Oun o Davides his penepaske pral o tselo them Edom. O baro Devel his ap o Davideskri rig, kay yob ninna djas.

2. Samuel 8:2

Yob das ninna kol Moabarya oun penas, te čivenn le pen ap i phoub. Oun douy i trinendar kras lo moulo, oun yek i trinendar moukas lo djido. Yaake vas o Davides penepaske pral kol Moabende. Oun yon hounte dan les roup oun sonakay.

2. Samuel 8:7

Kol lourden o baro rayestar Hadad-Eser his sonakangre shilte. Kolen anas o David an o foro Yerusalem.

2. Rajengro liil 1:1

Har o baro ray Ahab moulo his, kaman i menshe an o them Moab bouder gar, te vell o Israel o ray pral lende, oun peran lestar tele.

2. Rajengro liil 14:28

Ko tselo vavar koova, hoy pral o Yerobeam penepaske hi, lauter, hoy lo kras oun leskro baro koova oun kourepen, oun har lo Damaskus oun Hamat pale pash Israel anas, kova hi činlo an i familyakro liil i bare rayendar pral o Israel.

2. Rajengro liil 18:7

O baro Devel his leha, oun halauter hoy lo peske glan las, djas leske mishto. Oun yob peras tele o baro rayestar pral o them Assour, oun moukas koles bouder gar peskro ray te vell.

2. Rajengro liil 3:4

O Mesha, ko baro ray pral i Moabarya, koles his boud bakre oun hounte das ko baro rayes pral Israel sheel zerya terne bakre oun o bakrengro bal sheel zerya morsh bakrendar.

1. Familjakro liil 18:13

Oun o David čivas moskre dren an hako foro an o them Edom. Oun o Davides his penepaske pral o tselo them Edom. O baro Devel his ap o Davideskri rig, kay yob ninna djas.

2. Familjakro liil 17:2

Yob čivas lourden an i tsele zorele forya an o them Youda, oun čivas pralstoune morshen dren an o them Youda, ninna an o them Efrayim, an kol forya, kay leskro dad, o Asa, dren las.

Debleskri gili 140:7

Me penom ap o baro Debleste: Tou hal miro Devel. Baro Devel, shoun, har ap toute rovau!

Debleskri gili 60:10

O them Moab hi miro thopaskro čaro. Ap o them Edom vitsrau miro kirarh. Pral i Filistarya dau gole: Me hom o zorleder!”

Gosewe laba 21:31

Tou nay leh i kourepaskro gray oun djah an o marepen. Kova, kay krell, te vess o zorleder, hi o baro Devel.

1. Samuel 13:3

His i dives, koy maras o Yonatan kol lourden i Filistarendar, kay an Gibea his oun koy yak dan. Oun har i Filistarya kova shounan, moukas o Saul an i phourdepangre te phourdell oun penas: “I tsele Hebrearya hounte shounenn kava!”

1. Samuel 14:1

Oun ap yek dives penas o Yonatan ap koleste, kay leskro kourepaskro koova hidjrell: “Am, djas pash kol Filistarya, kay yak denn koy vergel!” Peskro dadeske penas lo či.

1. Samuel 14:15

Oun i bari daar peras ap kol Filistarya, – ap lengri platsa oun ninna vin ap o them – ap kol tsele lourdende, ninna ap kolende, kay yak denn oun ap kolende, kay vin djan, te randenn le. Oun i phoub trissas. Yaake bičras o Devel i bari daar ap i tsele Filistarya.

1. Samuel 14:6

Oun o Yonatan penas ap ko terno morsheste, kay leskro kourepaskro koova hidjrell: “Ab, mer djas pash kol rhalende, kay koy vergel yak denn. Nay hi, te vell o baro Devel menge ap i rig. Te krell lo kova, hi yek, kitse mer ham, boud oder gar boud.”