2. Samuel 8:3 - O Debleskro Lab 2024 (Sinte-Manouche)

³ O David kouras pes ninna o baro rayeha pral o them Soba. Leskro lab his Hadad-Eser, koleskro dad his o Rehob. Har o Hadad-Eser koy djas, te lell lo o them pash ko pani Eufrat pale dren, vas o David peskre lourdentsa, oun das les oun leskre lourden.

O Debleskro Drom 2021 (Sinte)

³ O David kuras pes ninna o baro rajeha pral o them Zoba. Leskro lab his Hadad-Eser, koleskro dad his o Rehob. Har o Hadad-Eser koi djas, te lell lo o them pash ko pani Eufrat pale dren, was o David peskre lurdentsa, un das les un leskre lurden.

2. Samuel 8:3 Iomraidhean Croise

1. Mose 15:18

Yaake das o baro Devel o Abrameste ap ko dives peskro lab, oun penas: “Tire čaven, kay toutar venna, dau me kava them mank o lengsto pani o themestar Egiptia oun o baro lengsto pani Eufrat.

2. Samuel 10:15

Har kol Syrarya dikan, kay yon i Israelendar dino his, lan le pengre tsele lourden khetne.

2. Samuel 10:16

Oun o Hadad-Eser bičras morshen pash i Syrarya, kay djivenn vergel o pani Eufrat, oun moukas len gole te dell, te djan le an o kourepen. Kolla van an o foro Helam. Glan lende djas lengro pralstouno, o Shobak.

2. Samuel 10:19

Oun kol tsele bare raya, kolengro pralstouno o Hadad-Eser hi, dikan, kay i Israelitarya i zorleder hi pral lende. Koy moukan le tele, te kourenn le pen lentsa. Oun o Israel las penepaske pral lende. Oun kol Syrarya trashan, te venn le doureder ap i rig kolenge dran o them Ammon.

2. Samuel 10:6

Har kol Ammonarya dikan, kay kran le o Davides moulo rhoyedo, ginan le lourden dran vavar themma: 20.000 (biish-zerya) Syrarya dran o foro Bet-Rehob oun dran o foro Soba, 1.000 (yek zero) lourde o baro rayestar pral o them Maaka, 12.000 (deesh-te-douy-zerya) lourde dran o them Tob.

2. Samuel 23:36

o Yigal, koleskro dad o Natan hi, dran Soba, o Bani dran Gad,

1. Familjakro liil 18:3

O David kouras pes ninna o baro rayeha pral o them Soba. Leskro lab his Hadad-Eser. Har o Hadad-Eser koy djas, te lell lo o them pash ko pani Eufrat dren, vas o David peskre lourdentsa, oun das les oun leskre lourden pash o foro Hamat.

2. Familjakro liil 8:3

Oun o Salomo djas peskre lourdentsa pash o foro Hamat-Soba oun las les dren.

Debleskri gili 60:1

I gili o rayeske pral i gipangre te givell pash o bashepen ap i doryengri bashepaskri. O David kras kay gili, te sikrell lo mende čomone.

Debleskri gili 72:8

Oun yob vell o baro ray pral i tsele themma, foun yek baro pani bis pash o vavar baro pani.

2. Mose 23:31

Oun me penau, har bares tiro them vella. Yob djal foun ko Baro Lolo Pani bis pash ko baro pani, kay i Filistarya djivenn, oun foun o moulo tato them bis pash o lengsto pani Eufrat. Kolla, hoy kote djivenna, dau an tiro vast, te tradenn t'mer len dran o them vin.

5. Mose 11:24

Hako kotar phoub ap koleste t'mare pire stakrenn, hi t'menge, o tselo them mank o moulo tato them oun i berge Libanon, oun mank o lengsto pani Eufrat oun o Mashkralstouno Baro Pani.

1. Samuel 14:47

Har vas o Saul o baro ray pral o Israel, djas lo an o kourepen lauterentsa, kay djivan troul o them Israel oun kaman les tele te rikrell. Kolla his i menshe dran o them Moab, Ammon oun Edom, ninna i bare raya an o them Soba, oun i Filistarya. Oun kay lo ninna djas, kote vas lo o zorleder.