2. Samuel 7:3 - O Debleskro Lab 2024 (Sinte-Manouche)

³ Penas o Natan ap leste: “Dja koy oun kre lauter, hoy tout ap o dji hi! O baro Devel hi pash toute!”

O Debleskro Drom 2021 (Sinte)

³ Penas o Natan ap leste: “Dja koi un kre lauter, hoi tut ap o dji hi! O baro Dewel hi pash tute!”

2. Samuel 7:3 Iomraidhean Croise

2. Samuel 7:4

Oun an i rati penas o baro Devel ap o Nataneste:

1. Rajengro liil 1:8

O rashay Zadok his gar leha, vitar gar o Benaya, koleskro dad o Yoyada his, vitar gar o Debleskro rakepaskro, o Natan, vitar gar o Shimi, oun o Rei, oun o Davideskre zorele kourepangre.

2. Rajengro liil 4:27

Har yoy pash o Debleskro morsheste ap koy berga vas, tapras yoy leskre herya trouyel. O Gehasi vas, te dell lo lat i spildini. Koy penas o Debleskro morsh: “Mouk lat! Lake hi ropaske, oun me djinau gar hoske. O baro Devel penas mange či, hoy djas.”

1. Familjakro liil 22:7

Oun o David penas ap o Salomo: “Miro čavo, an miro dji his, te krap i kheer o baro Debleske, kay miro Devel hi.

1. Familjakro liil 28:2

Oun o baro ray David stas pre oun penas: “Mire phrala, morshale mire menshendar, shounenn, hoy penau t'menge! An miro dji his, te krap i kheer, kay vell o morhton o deesh labentsa o baro Deblestar dren čiddo, oun kay nay ačell o morhton. Kova hi har i tikno banko tel i pire maro Deblestar. Oun me lom boud koova khetne kava khereske, hoy kamom pre te čivell.

1. Familjakro liil 29:29

Ko tselo vavar koova, hoy pral o Davideskro djipen penepaske hi, kova hi činlo an kol triin lila: O liil pral o dikepaskro, o Samuel, oun o liil pral o Debleskro rakepaskro, o Natan, oun o liil pral o dikepaskro, o Gad.

2. Familjakro liil 29:25

Oun yob penas, te čivenn pen i Levitarya pre an o baro Debleskro kheer oun lenn pengre bashepangre an o vast: kol cimbale, harfe oun vavar doryengre bashepangre. Yaake penas les o David, har leske penlo vas, kay o baro Devel kova yaake kamell. Kova penan leske o dikepaskro, o Gad, oun o Debleskro rakepaskro, o Natan.

Debleskri gili 20:4

Mou bistrell lo kek lačo koova, hoy tou leske anal, oun dikell lačes ap kol firhen, hoy tou leske rhačral!

Debleskri gili 37:4

Rode tiri barht pash o baro Debleste, palle dell yob tout lauter, hoy tiro dji kamella.

1. Johanni 2:27

O Yezous Kristo das t'men o Debleskro Dourho. Kova ačell an t'mende. Doleske hounte vell t'men kek vavar sikepaskro. O Debleskro Dourho sikrell t'mende o tselo Debleskro drom. Oun lauter, hoy yob t'mende sikrell, kova hi čačo oun kek rhorhepen. Krenn kova, hoy o Debleskro Dourho t'mende sikrella! Yaake ačenn t'mer o Yezous Kristeha khetne.

1. Samuel 10:7

Kanna, te vell kova lauter, palle kre kova, hoy glan tire vasta hi. O Devel hi pash toute.

1. Samuel 14:7

“Kre lauter, har tou les kameh”, penas ko terno morsh. “Me djau touha. An hako koova, hoy tou ninna kreh, me hom pashel.”

1. Samuel 16:7

O baro Devel penas ap o Samuel: “Ma dik ap kova, har yob vin dikella oun har baro yob hi! Koles rodom me gar vin. O baro Devel dikella gar ap kova, kay i menshe pre dikenna. I menshe dikenn ap kova, hoy glan lengre yaka hi, o baro Devel dikella ap o dji.”