2. Samuel 7:26 - O Debleskro Lab 2024 (Sinte-Manouche)

²⁶ Palle vell tiro lab sharedo an hake tsirya, oun i menshe penenna: O baro Devel, ko ray pral o bolepen oun i phoub, hi o Israeleskro Devel. Oun o kheer David, kay tiro boudepaskro hi, ačell tardo glan toute.

O Debleskro Drom 2021 (Sinte)

²⁶ Palle well tiro lab sharedo an hake tsirja, un i menshe penenna: ‘O baro Dewel, ko rai pral o bolepen un i phub, hi o Israeleskro Dewel.’ Un o kheer David, kai tiro budepaskro hi, atchell tardo glan tute.

2. Samuel 7:26 Iomraidhean Croise

1. Mose 17:18

Oun o Abraham penas ap o Debleste: “Ah, mouk kova, hoy tou mange penal, ap o Ismael te vell!”

2. Samuel 7:25

Mo ray oun baro Devel, mouk kanna ko lab tardo ačell hako tsireske, hoy tou pral mande oun pral miro kheer penal, oun kre yaake, har tou penal!

1. Rajengro liil 18:36

Oun har ko tsiro vas, kay rati o Debleskro rhapen anlo vas, djas o Eliya pash koy rhačepaskri oun kharas: “Baro Devel, tou o Devel o Abrahamestar, o Isaakestar oun o Israelestar, kava dives mou vell diklo, kay tou hal o Devel an Israel, oun me hom tiro boudepaskro, oun krom kava tselo koova yaake, har tou mange penal.

1. Rajengro liil 18:37

Shoun man, baro Devel, shoun ap miro rakepen, te hayvenn kalla menshe, kay tou, baro Devel, maro Devel hal, yaake te aness tou lengre djia pale pale pash toute.”

Debleskri gili 115:1

Tou kokres, baro Devel, vess sharedo! Tou hounte vess sharedo, gar mer! Tou hal kova, kay lačo hi oun hako tsiro peskro lab rikrell.

Debleskri gili 61:7

De o baro rayes i rah djipen, de les boud bersha, te djivell lo gomme i rah tsiro.

Debleskri gili 89:36

Yek kopo dom me man sovel, oun rhorhau o Davides gar: Yaake har čačo hi, kay hom o Devel, yaake hi čačo,

Mateo 6:9

T'mer te rakrenn o Debleha, penenn: Maro dad an o bolepen. Tiro lab vell sharedo!

Johanni 12:28

Tata kre, te sharell hakeno tiro lab!” Koy vas i rakepen dran o bolepen oun penas: “Me krom, kay vell yob sharedo. Oun kova krau me pale.”