2. Samuel 7:12 - O Debleskro Lab 2024 (Sinte-Manouche)

¹² Te hi tiro tsiro trouyel, oun tou mereh, hadau yekes tire čavendar, kay pal toute venna, te vell lo baro ray, oun ačell kova.

O Debleskro Drom 2021 (Sinte)

¹² Te hi tiro tsiro trujel, un tu mereh, hadau jekes tire tchawendar, kai pal tute wenna, te well lo baro rai, un atchell kowa.

2. Samuel 7:12 Iomraidhean Croise

1. Mose 15:4

Koy penas o baro Devel ap o Abrameste: “Na-a, kova lell gar, hoy tiro hi. Tou veh dad i čavestar. Oun tiro čavo lell halauter, hoy tiro hi.”

2. Samuel 22:51

Tou kreh baro koova o Davideske, koles tou vi-rodal, te vell lo o baro ray. Oun hal yaake lačes ap leste oun kolende, kay lestar venn. Tiro kamlepen lenge ačell hako tsireske.

1. Rajengro liil 1:21

Te kreh tou kova gar, oun ko tsiro vell, kay hal bouder gar djido, palle hom me oun miro čavo, o Salomo, an lengre yaka phoukepangre.”

1. Rajengro liil 1:48

Ninna penas lo: Sharenn o baro Debles, kay o Israeleskro Devel hi! Kava dives čivas lo yekes mire čavendar ap miro rayeskri beshepaskri, oun moukas man kova gomme te dikell!”

1. Rajengro liil 2:1

Oun o tsiro vas, kay hounte merell o David. Kote rakras lo peskro čaveha, o Salomeha, oun penas ap leste:

1. Rajengro liil 2:10

Oun o David meras oun vas paskedo an o foro Yerusalem.

1. Rajengro liil 2:4

Oun o baro Devel moukell peskro lab čačo te vell, hoy yob ap mande rakras, har lo penas: Te denn tire čave garda ap pengre dromma, te djivenn yon pengro tselo djipen glan mande, oun rikrenn ap mande pengro tselo djiyestar oun pengri tseli zoryah, palle hi an hako tsiro yek tire čavendar o baro ray pral Israel.

1. Rajengro liil 5:5

Yaake nay djivan i menshe kek daryah an o them Israel oun an o them Youda. Hakeno nay beshas tel peskro drakengro rouk oun peskro faygetikro rouk. Kova his yaake an o tselo them, o themestar Dan bis tel pash o foro Beersheba, yaake rah har o Salomo djivas.

1. Rajengro liil 8:15

Oun yob penas: “Sharedo vell o baro Devel, ko Devel pral o Israel. Yob moukas čačes te vell, hoy lo miro dadeske, o Davideske, penas, har penas lo:

1. Rajengro liil 8:19

Kanna te vess tou gar kova, kay krell miro kheer, na-a, tiro čavo, kova, kay vell touke boldo, kova mou krell mange i kheer.

1. Rajengro liil 8:20

Oun o baro Devel moukas peskro lab čačes te vell. Dikenn ap mande: Me vom pal miro dadeste kanna o baro ray pral o Israel, yaake har o baro Devel penas. Oun me moukom leske i kheer te krell, te vell yob, o Devel pral o Israel, kote an-mangedo.

1. Rajengro liil 9:5

palle krau me, te vell hako tsiro yek tire menshendar o baro ray pral Israel. Yaake penom tiro dadeske o Davideske: An tiri familya hi hako tsiro i morsh koy, kay vell baro ray pral Israel.

2. Rajengro liil 8:19

Ninna te djivas lo sau čilačo djipen, kamas o baro Devel i menshen an o them Youda gar te marell. Glan i rah tsiro penas yob peskro boudepaskreske David, te vell yek kolendar, kay pal leste venna, baro ray hako tsireske.

1. Familjakro liil 17:11

Te hi tiro tsiro trouyel, oun tou mereh, hadau yekes tire čavendar, kay pal toute venna, te vell lo baro ray, oun ačell kova.

2. Familjakro liil 1:9

Baro Devel, miro ray, mouk tiro lab čačes te vell, hoy tou penal miro dadeske, o Davideske; tou čival man dren, te vom ray pral kal menshende, kay yaake boud hi, har i stauba ap kay phoub hi.

2. Familjakro liil 13:5

“Djinenn t'mer gar, kay kras o baro Devel, kay o Israeleskro Devel hi, o Davideha vin, te vell hako tsiro yek leskre čavendar o ray pral Israel? Koy sovel hoy das lo pes, nay vell an kek tsiro phagedo.

2. Familjakro liil 21:7

Ninna te djivas o Yoram sau čilačo djipen, kamas o baro Devel o Davideskri familya gar te marell, koleske hoy yob o Davideha vin kras. Yob penas leske, te vell yek kolendar, kay pal leste venna, baro ray hako tsireske.

2. Familjakro liil 23:3

Oun har yon halauter khetne his an o Debleskro baro kheer, penas o Yoyada ap lende: “Dikenn, kate hi o rayeskro čavo. Yob te vell o baro ray, yaake har penas o baro Devel, te venn i bare raya o Davideskre čavendar.” Oun kolla lauter, kay kote khetne his, kran ko terno rayeha vin, te vell lo lengro ray.

2. Familjakro liil 6:15

Tou rikral tiro lab, hoy dal miro dadeske, o Davideske, kay touke koy his. Tou kral, te vas halauter yaake har tou penal. Halauter nay dikenn kova ap kava dives.

2. Familjakro liil 6:9

Kanna te vess tou gar kova, kay krell miro kheer, na-a, tiro čavo, kova, kay vell toutar, kova mou krell mange i kheer.

Debleskri gili 89:29

Hako tsiro ačell miro lačepen ap leste, oun miro lab, hoy leske sovel dom, rikrau me.

Jesaja 11:10

Ap ko dives vell i morsh dran o Davideskro kheer, har i tikno rouk dran i draba i tele-dino roukestar, oun vell i sikepen i tsele menshenge ap i phoub. Menshe dran vavar themma poučenn pal leste. Oun leskro foro, kay yob djivell, vell pherdo raylepen.

Jesaja 9:7

O baro Devel rakras o čačepen vin pral o kheer Yakob. Oun leskri rholi peras ap i Israelende.

Jeremia 33:17

O baro Devel penell: Hako tsiro hi yek o Davideskre čavendar o baro ray pral o them Israel.

Daniel 12:2

Oun boud kolendar, kay tel i phoub čiddo his oun sovan, kolla stenn pre, ko yek o djipaske, hoy gar pre herella, oun ko vavar i bari ladjake oun o praasepaske, hoy bouder gar pre herella.

Mateo 1:1

Kava hi o liil, hoy sikrella, koon o Yezous Kristeskre phoure his. Mank lende his o David oun o Abraham.

Louka 1:32

Kova vell i baro ray. Yob vell kharedo Debleskro čavo. Oun o Devel krell lestar i baro ray pral Israel, yaake har yek leskre phourendar, o David, o baro ray his.

Louka 24:27

Palle penas o Yezous lenge, hoy o Mose oun i tsele Debleskre rakepangre pral leste činan.

Bičepangre 13:36

Oun o David his an peskro djipen o Debleske koy. Oun yob meras oun vas paskedo pash peskre menshende. Oun leskro mass ferdjas tel i phoub.

Bičepangre 2:30

O David his i Debleskro rakepaskro, kay nay dikas glan-vi, hoy vella. O David djinas, hoy o Devel leske penas, te vell yek pal leste, hoy vell o baro ray. Oun kova vella leskre menshendar. O Devel das pes sovel, te vell kova yaake.

1. Korintarja 15:51

Shounenn, me penau t'menge, hoy kek djinella: Mer merah gar lauter. Vell i tsiro, koy lell men o Devel vin dran kova, hoy mer kanna ham, oun krell men vavarčandes.

5. Mose 31:16

O baro Devel penas ap o Mose: “Sik vell o dives, kay mereh. Oun pal tiro merepen moukenn i Israelitarya miro drom, oun nashenn kol deblenge palla ko themestar, an koleste venna. Oun yon djan penge mandar, oun krenn bouder gar, hoy lentsa vin krom.

1. Tessalonikarja 4:14

Mer patsah, te meras o Yezous oun stas i moulendar pale pre. Doleske djinah ninna, ap ko dives, kay vell o Yezous pale, anell o Devel ninna kolen khetne leha, kay an o patsepen meran.