2. Samuel 6:2 - O Debleskro Lab 2024 (Sinte-Manouche)

² Oun djas lentsa an o foro Baala, an ko them Youda, te anell yob kotar o Debleskro morhton vin, kay o Debleskre deesh laba dren hi. Ko morhton vas kharedo pal o baro Debleste, ko rayeste pral o bolepen oun i phoub. Kova hi beshdo pral i bolepangre, kay kharenna Keroubim.

O Debleskro Drom 2021 (Sinte)

² Un djas lentsa an o foro Baala, an ko them Juda, te anell job kotar o Debleskro mochton win, kai o Debleskre deesh laba dren hi. Ko mochton was kharedo pal o baro Debleste, ko rajeste pral o bolepen un i phub. Kowa hi beshdo pral i bolepangre, kai kharenna Cherubim.

2. Samuel 6:2 Iomraidhean Croise

2. Samuel 22:11

Oun yob beshas ap i keroub oun hadas pes har i čirklo; ava, yob moukas pes te hidjrell ap i moussya o dourhestar.

Debleskri gili 80:1

I gili o rayeske pral i gipangre, te givell pash o bashepen ap i shob-doryengri bashepaskri. Kay gili kras o Asaf.

Debleskri gili 99:1

O baro Devel hi o baro ray. Yob hi beshdo pral i Keroubim. Lestar darella i phoub, oun hake themma trissenna.

Jesaja 47:4

Kova penell o Israeleskro Devel, kay kokres ko čačo Devel hi, oun kay lell o koova peskre menshendar an peskro vast. Leskro lab hi baro Devel, ray pral o bolepen oun i phoub.

Jesaja 54:5

Kova, kay tout kras, hi kanna tiro rom. Baro Devel, ray pral o bolepen oun i phoub hi leskro lab. Yob ginas tout vin dran o pandepen, oun hi o Israeleskro čačo Devel. Yob vell kharedo: O Devel pral i tseli phoub.

Josua 15:60

Ninna kol douy forya Kiryat-Baal, hoy kharell ninna Kiryat-Yearim oun Rabba, oun koy pashel lengre gaba.

1. Petro 1:12

Kol Debleskre rakepangre hayvan, kay kova gar lenge kokres hi, hoy len o Devel sikras. Kova hi t'menge, kay kanna djivenna. T'menge vas o lačo lab o Yezous Kristestar penlo. Kolla, kay penan les t'menge, rakran kova, hoy penas lenge o Debleskro Dourho. Koles bičras o Devel dran o bolepen. Ninna i bolepangre kamenn o Yezouseskro raylepen te dikell.

1. Samuel 4:4

Oun yon bičran morshen an Shilo, oun moukan ko morhton pash pende te anell, an koleste i deesh laba hi o baro Deblestar, kay hi o ray pral o bolepen oun i phoub, oun hi beshdo pral i bolepangre. Oun kol douy čave o Elyestar, o Hofni oun o Pinhas djan o morhtoneha.

1. Samuel 6:21

Oun yon bičran morshen pash kol menshende an o foro Kiryat-Yearim oun penan lenge: “I Filistarya anan o morhton pale, kay o baro Debleskre deesh laba dren hi. Avenn t'mer kay tele, oun lenn les pre pash t'mende!”

1. Samuel 7:1

Oun kol morsha dran Kiryat-Yearim van oun lan o morhton o baro Deblestar. Oun yon anan les an o kheer i morshestar, kay kharas Abinadab. Kova djivas ap i tikni berga. Oun leskro čaves, o Elazar, rodan le vin, te dell lo yak ap o morhton.