2. Samuel 6:11 - O Debleskro Lab 2024 (Sinte-Manouche)

¹¹ Yaake ačas o baro Debleskro morhton triin čon an koleskro kheer. Oun o baro Devel čivas peskri barht oun zoor ap leste oun ap leskro tselo kheer.

O Debleskro Drom 2021 (Sinte)

¹¹ Jaake atchas o baro Debleskro mochton triin tchon an koleskro kheer. Un o baro Dewel tchiwas peskri bacht un soor ap leste un ap leskro tselo kheer.

2. Samuel 6:11 Iomraidhean Croise

1. Mose 30:27

Koy penas o Laban ap leste: “Ab mange lačo oun ač kay! Hayvau, kay o baro Devel peskri zoor oun peskri barht ap mande čivella yaake rah, har tou pash mande hal.

1. Mose 39:23

Yaake rah, har lauter an o Yosefeskro vast his, hounte kras o pralstouno pral o stilepen či. O baro Devel his pash o Yosefeste oun das les barht an halauter, hoy yob kras.

1. Mose 39:5

Ap ko tsiro, har o Egiptari Potifar das peskro kheer oun halauter, hoy leskro his, an o Yosefeskre vasta, čivas o baro Devel peskri zoor oun peskri barht ap i menshende an o Potifareskro kheer. Yaake rah har o Yosef koy his, his o baro Debleskri zoor oun peskri barht ap halauter, hoy les his an o kheer oun ap o them.

2. Samuel 6:10

Oun yob moukas les gar pash peste te anell an o Davideskro foro. Na-a, yob moukas les an ko kheer te anell, kay djivell o Obed-Edom. Kova his i morsh dran o foro Gat.

1. Familjakro liil 26:4

O Obed-Edom: O Devel his leske lačes oun das les boud čave: o phoureder his o Shemaya, o douyto o Yosabad, o triinto o Yoa, o starto o Sakar, o pančto o Netanel, o shobto o Ammiel, o eftato o Issakar, o orhtato o Pehoulletay;

Maleachi 3:10

Anenn o deshto kotar halauterestar, hoy dren lan, an miro kheer, te vell doha rhapen an miro kheer. Oun dikenn, hoy me palle t'menge krau: Me krau miri vorhni an o bolepen pre, oun dau t'men boud lačo koova, boudeder har t'men hounte vell. Ko penell o baro Devel, ko ray pral o bolepen oun i phoub.