2. Samuel 5:12 - O Debleskro Lab 2024 (Sinte-Manouche)

¹² O David hayvas, te kras o baro Devel, te vell oun ačell yob baro ray pral Israel. Kova kras yob peskre menshenge, i Israelenge.

O Debleskro Drom 2021 (Sinte)

¹² O David haiwas, te kras o baro Dewel, te well un atchell job baro rai pral Israel. Kowa kras job peskre menshenge, i Israelenge.

2. Samuel 5:12 Iomraidhean Croise

2. Samuel 5:11

O baro ray pral o foro Tirus, o Hiram, bičras morshen pash o Davideste, kay anan leske cedertikro kasht, ninna boudepangren, kay hayvan mishto o kashteha oun barrentsa te boudrell. Kolla kran o Davideske i shoukar baro kheer.

2. Samuel 5:13

Har moukas o David o foro Hebron oun djivas an o foro Yerusalem, las lo peske boudeder romyen oun ninna vavar djouvyen. Oun leske van boudeder čave oun ča boldo.

2. Samuel 7:16

Hako tsiro hi tout čave, kay pal toute venna, oun yek lendar hi baro ray glan mande. Oun tiro rayengri beshepaskri ačell hako tsiro.”

1. Rajengro liil 10:9

Sharedo vell o baro Devel, kay tiro Devel hi, yob, kay dikell lačes ap toute, oun kras te val o ray pral o Israel! O baro Devel kamell peskre menshen Israel an hako tsiro. Doleske čivas lo tout pral lende, te vess lengro ray, te aness o čačepen pash lende, oun hakeno peskro čačepen lell.”

1. Familjakro liil 14:2

O David hayvas, te kras o baro Devel, te vell oun ačell yob baro ray pral Israel. Kova kras yob peskre menshenge, i Israelenge.

2. Familjakro liil 2:11

Sharedo vell o baro Devel, kay o Israeleskro Devel hi, kova kay kras o bolepen oun i phoub! Yob das o baro rayeske, o Davideske, i gosevo čaves, kay hayvell boud, oun djinell, hoy te krell. Kova kamell o baro Debleske i kheer te krell, ninna i kheer peske, ko baro rayeske.

Ester 4:14

Tou te peneh či kanna an kava tsiro, palle vell i vavar, kay men bibolden vin lell. Oun tou oun tiro dadeskro kheer venn maredo. Oun koon djinell, te val tou gar rani savo tsireske har kava kanna hi?”

Daniel 2:30

Me hom gar gosveder har i vavar, kay ap i phoub djivenna. Man vas kava sikedo, te djiness tou, hoy koy souni kamell te penell, oun te hayvess, hoy an tiro dji hi.

4. Mose 24:7

An o Israeleskro them hi boud pani, oun leskri phoub, kay o djob oun o gib bares venna, hi boudeder har doha pani. Leskro baro ray vell bareder har o Agag. Oun leskro them oun leskre menshe venn zorleder har i vavar menshe troul lende.