2. Samuel 5:1 - O Debleskro Lab 2024 (Sinte-Manouche)

¹ Oun pash o Davideste an o foro Hebron van morsha dran i tsele deesh-te-douy bare familye dran Israel, oun penan leske: “Shoun, mer ham tire menshendar, tiro mass oun rat.

O Debleskro Drom 2021 (Sinte)

¹ Un pash o Davideste an o foro Hebron wan mursha dran i tsele deesh-te-dui bare familje dran Israel, un penan leske: “Shun, mer ham tire menshendar, tiro mass un rat.

2. Samuel 5:1 Iomraidhean Croise

1. Mose 29:14

Koy penas o Laban: “Čačepah, tou hal mire menshendar.” Oun o Yakob ačas pash o Labaneste yek čon.

2. Samuel 19:12

O baro ray David bičras morshen pash kol rashayende Zadok oun Abyatar oun moukas lenge te penell: Rakrenn kol phourentsa an o them Youda, oun poučenn lendar: “Hoske kamenn t'mer, te venn kol tsele vavar sikeder har t'mer oun lenn o baro rayes pale an leskro kheer? I tsele Israelitarya kamenn, te vell yob pale.

2. Samuel 19:13

T'mer han mire phrala, miro mass oun rat. Hoske moukenn t'mer kol tsele vavaren glan t'mende pash o baro rayeste te vell, te lenn le les pale pale?”

2. Samuel 19:14

Oun ap o Amasa penenn: “Tou hal miro mass oun miro rat. Tou veh o pralstouno pral mire lourdende yaake rah har tou djiveh, oun bouder gar o Yoab. O Devel nay dell man i phagi, te krau me kova gar.”

2. Samuel 19:43

Koy penan kol tsele morsha dran o them Youda ap kolende dran Israel: “O baro ray hi yek mare menshendar. Hoske han t'mer koy pral rhoyedo? Mer rham an kek tsiro o baro rayeskro rhapen. Oun yob vas menge gar lačeder har t'menge?”

2. Samuel 2:32

Yon hadan o Asaheles pre, oun paskran les pash leskro dadeste an leskro moulengro kheer an o foro Betlehem. O Yoab oun leskre lourde djan doureder i tseli rat. Har van le an o foro Hebron, djas o kham pre.

Efesarja 5:30

Mer ham leskri familya.

5. Mose 17:15

palle vell kova o ray, koles t'mer pral t'mende čivenn, koles t'maro baro Devel vin rodell. Mashkral t'mare phralende lenn yekes oun čivenn les pral t'mende, te vell yob t'maro ray. Lenn kekes dran o vi-them, kay gar t'mare phralendar hi.

Hebrearja 2:14

Yon hi menshe dran rat oun mass. Doleske vas lo ninna i mensho har yon, oun meras, te las lo o bengeske i zoor krik pral o merepen.

Josua 10:36

Palle moukas o Yosua o foro Eglon pal peste oun djas pash o foro Hebron. Oun i tsele Israelitarya djan leha. Oun yon kouran pen kolentsa kay kote djivan,

Čačepangre 9:2

“Penenn ap i tsele morshende an o foro Sichem: Hoy kamenn t'mer? Hi feteder t'menge, te hi efta-deesh morsha raya pral t'mende, kol tsele čave o Gideonestar? Hi gar feteder, te hi yek morsh ray pral t'mende? Oun ma bistrenn, te hom me t'maro rat oun mass.”