2. Samuel 4:11 - O Debleskro Lab 2024 (Sinte-Manouche)

¹¹ T'mer čilače menshe kran i djoungleder koova har kova kras! T'mer dan i morshes moulo, kay pal o čačepen djivas, oun dan les moulo an leskro kheer ap leskro čiben. T'mer hounte playsrenn leskro rateske! T'mer han bouder gar moldo te djivenn ap kay phoub.”

O Debleskro Drom 2021 (Sinte)

¹¹ Tumer tchilatche menshe kran i djungleder koowa har kowa kras! Tumer dan i murshes mulo, kai pal o tchatchepen djiwas, un dan les mulo an leskro kheer ap leskro tchiben. Tumer hunte plaissrenn leskro rateske! Tumer han buder gar moldo te djiwenn ap kai phub.”

2. Samuel 4:11 Iomraidhean Croise

1. Mose 4:11

I phoub kras peskro mouy pre oun piyas tiro phraleskro rat, koles tou moulo dal. Kanna nay boudress bouder gar ap i phoub. Tou vess praasedo ap i phoub.

1. Mose 6:13

Doleske penas o Devel ap o Noah: “Kolla, kay djivenn ap i phoub, kran, te vas i phoub pherdo čilačepen oun midjak koova. Kamau gar, te djivenn le doureder. Ava, me krau, te merenn i tsele menshe oun halauter, hoy ap i phoub hi.

1. Mose 7:23

Yaake vas o tselo djipen ap i phoub tassedo: i menshe, i firhe, i bare oun i tikne, ninna i čirkle. Halauter vas tassedo. O Noah kokres ačas djido oun kolla, kay djan khetne leha an o panyeskro kheer.

2. Samuel 16:8

Tou lal o Sauleske leskri rayeskri beshepaskri touke! Kanna anell o baro Devel o tselo rat o Sauleskre menshendar pral toute. O rayeskri beshepaskri das o baro Devel tiro čaveste, o Absalomeste. Marepaskro, kay hal, kanna hal tou an i bibarht!”

2. Samuel 3:27

Har o Abner pale an o foro Hebron vas, las o Yoab les ap i rig pash o baro voudar, te rakrell yob čorrhanes leha. Koy das o Yoab les an o per čourye, yaake te meras lo. Kova kras lo doleske, kay o Abner leskro phrales, o Asahel, maras.

2. Samuel 3:39

Ninna te makan yon man djeteha dren, te vap baro ray, hom kava dives gar zorelo. Kal morsha, kolengri day i Serouya hi, hi zorleder har me. O baro Devel mou dell koles čilačepen pale, kay čilačepen kras!”

Debleskri gili 109:15

Mouk kova, hoy le kran, hako tsiro glan tire yaka te vell! Kre, te vell leskro lab bistedo an o tselo them!

Debleskri gili 9:12

Givenn o baro Debleske, kay ap i berga Sion khere hi! Penenn i menshenge an vavar themma, hoy yob lauter kras!

2. Mose 21:12

Kova, kay dell i menshes yaake phares, te merell lo, kova hounte merell.

2. Mose 9:15

Me nay hadoms glan rah tsiro miro vast pre oun doms tout i nasslepah temerl, tout oun tire tsele menshen, yaake te vans t'mendar kek bouder ap kay phoub.

Gosewe laba 2:22

Kolla, kay o čilačepen krenn oun o Debles moukenn, venn vin tradedo dran o them, yaake te hatseh bouder kek lendar.

Gosewe laba 25:26

Har i djoungelo pani oun i brounna, hoy khandella, hi yek, kay an o čačepen tardo hi oun glan i čilačeste trissella.

Jeremia 10:11

Pen lenge: Kol deblenge, kay kran gar o bolepen, vitar gar i phoub, hi kek platsa ap kay phoub oun tel o bolepen, oun nay ačenn gar.

Habakuk 1:12

[Me penom:] Tou, miro baro Devel, hal kokres o čačo Devel, oun hal hako tsireske koy! Mouk men gar te merell! Baro Devel, pash toute khatrah men, tou dal len gole, te denn le menge i phagi, ava, tou bičral len, te denn le men dava.

Habakuk 1:4

O čačepen nashrell peskri zoor, oun vell bouder gar vin rakedo. Kova hoy i čačepangre morsha penenn, dell i čilačenge čačo oun gar i lačenge. Yaake vell dran o čačepen rhorhepen.

1. Johanni 3:12

Mer hounte vas gar har o Kayn. Kova his o bengestar oun maras peskro phrales. Hoske maras lo les? Leskro phraal kras, hoy lačo his. Oun o Kayn kras, hoy čilačo his. Doleske maras o Kayn peskro phrales.