2. Samuel 3:9 - O Debleskro Lab 2024 (Sinte-Manouche)

⁹ Mou krell o Devel ap mande, hoy yob kamella, te krau me gar kova, hoy o baro Devel o Davideske penas, oun das pes koy pre sovel,

O Debleskro Drom 2021 (Sinte)

⁹ Mu krell o Dewel ap mande, hoi job kamella, te krau me gar kowa, hoi o baro Dewel o Davideske penas, un das pes koi pre sowel,

2. Samuel 3:9 Iomraidhean Croise

2. Samuel 19:13

T'mer han mire phrala, miro mass oun rat. Hoske moukenn t'mer kol tsele vavaren glan t'mende pash o baro rayeste te vell, te lenn le les pale pale?”

2. Samuel 19:14

Oun ap o Amasa penenn: “Tou hal miro mass oun miro rat. Tou veh o pralstouno pral mire lourdende yaake rah har tou djiveh, oun bouder gar o Yoab. O Devel nay dell man i phagi, te krau me kova gar.”

2. Samuel 3:35

O tselo dives van menshe pash o Davideste, oun kaman, te rhal yob. Koy das yob pes sovel oun penas: “O Devel nay krell mantsa, hoy yob kamella, te rhau me maro oder vavar koova, bis te o kham tele djas.”

1. Rajengro liil 19:2

Kote bičras i Isebel i bičepaskres pash o Eliya oun moukas leske te penell: “I debla mou denn man i bari phagi, te krom gar touha taysar an kava tsiro, hoy tou kral lentsa.”

1. Rajengro liil 2:23

Oun o baro ray Salomo das pes sovel glan o baro Debleste oun penas: “Kava mangepaske hounte merell o Adoniya. O baro Debleskri rholi te vell pral mande, te moukau les gar te marell!

1. Familjakro liil 12:23

Yaake van hako dives boudeder morsha pash o Davideste, te venn le leske ap i rig, bis te his le boud boud lourde.

Ruth 1:17

Kote kay tou mereh, kamau ninna te merell. Oun kote kamau me paskedo te vell. O baro Debleskri rholi vell pral mande, te rikrau gar, hoy touke penom. O merepen kokres nay činell men, – ko yekes o vavarestar.”

1. Samuel 14:44

Oun o Saul penas: “O Devel nay dell man i phagi, te moukau tout te djivell!”

1. Samuel 15:28

Koy penas o Samuel ap leste: “Yaake har lal tou zoryah ko kotar than dran miri baya vin, yaake las o baro Devel peskre menshen Israel zoryah dran tiro vast vin, te vess tou bouder kek ray pral lende. Oun yob kras i vavares ray pral lende, yekes kay hi feteder har tou.

1. Samuel 25:22

O Devel mou dell man i phagi, te moukau yek morshes djido leskre tsele morshendar, bis te djal o kham taysarlakro pre.”

1. Samuel 28:17

O baro Devel kras yaake touha, har yob mange penas, oun me kova touke penom. Oun yob las i rayeskri zoor toutar, te ačess bouder kek ray, oun das koy zoor o Davideste!

1. Samuel 3:17

“Hoy penas o Devel touke?” poučas lestar o Eli. “Pen mange lauter, oun rike či pale! O Devel te dell tout i phagi, te peneh mange gar i tsele laba, hoy lo ap toute rakras.”