2. Samuel 3:27 - O Debleskro Lab 2024 (Sinte-Manouche)

²⁷ Har o Abner pale an o foro Hebron vas, las o Yoab les ap i rig pash o baro voudar, te rakrell yob čorrhanes leha. Koy das o Yoab les an o per čourye, yaake te meras lo. Kova kras lo doleske, kay o Abner leskro phrales, o Asahel, maras.

O Debleskro Drom 2021 (Sinte)

²⁷ Har o Abner pale an o foro Hebron was, las o Joab les ap i rig pash o baro wudar, te rakrell job tchorchanes leha. Koi das o Joab les an o per tchurje, jaake te meras lo. Kowa kras lo doleske, kai o Abner leskro phrales, o Asahel, maras.

2. Samuel 3:27 Iomraidhean Croise

2. Samuel 13:26

Koy penas o Absalom ap leste: “Nay djal gar miro phraal Amnon mentsa?” Poučas o baro ray: “Hoske hounte djal yob touha?”

2. Samuel 19:13

T'mer han mire phrala, miro mass oun rat. Hoske moukenn t'mer kol tsele vavaren glan t'mende pash o baro rayeste te vell, te lenn le les pale pale?”

2. Samuel 3:26

Oun har o Yoab dran o Davideskro kheer vin djas, bičras yob morshen pal o Abner. Kova his pash o pani, kay kharas Sira. Oun yon anan les pale. Oun o David djinas kova gar.

2. Samuel 3:28

Har o David kova shounas, penas yob: “O baro Devel djinell, kek doosh hi man oun miro kheer ap o Abnereskro merepen, koleskro dad o Ner hi. An kek tsiro vell koy doosh ap mende!

2. Samuel 4:1

Har shounas o Sauleskro čavo, o Ish-Boshet, kay o Abner an o foro Hebron maredo vas, peras leskro dji an peskre rholopya, oun ap o tselo Israel vas traash.

1. Rajengro liil 2:5

Koy hi ninna čomone, hoy hounte penap touke: Tou djineh, hoy kras mange o Yoab, koleskri day i Serouya hi, har maras lo kol douy pralstoune lourden pral Israel: o Abner, koleskro dad o Ner hi, oun o Amasa, koleskro dad o Yeter hi. Yob maras len, har kek kourepen his, har te vals lo an o kourepen. Kol douy morshen his kek doosh ap pende. Oun o Yoab anas lengro rat pral peste.

1. Familjakro liil 27:21

pral i paash familya Manasse an o them Gilead: o Yiddo, koleskro dad o Zakarie his; pral i familya Benyamin: o Yaasiel, koleskro dad o Abner his;

Gosewe laba 26:26

Ninna te khatrell lo peskri rholi ap i vavarende pal shoukar laba, vell ko dives, kay dikell hakeno leskro čilačepen.

Jeremia 41:2

Oun o Ismael stas khetne peskre deesh morshentsa pre, kay pash leste his, oun dan o Gedalya o rhareha moulo, koles o baro ray dran o them Babilonia pral o them čivas.

4. Mose 35:19

Kova, kay les an peskre vasta hi, te anell lo o rat o moulo morshestar ap o marepaskro shero, kova hounte marell kol marepaskres. Kay yob les taprella, hounte dell lo les moulo.

4. Mose 35:20

Te das yek i vavares dran rholi i ladini oder vitsras čorrhanes čomone ap leste, te meras kova,

5. Mose 27:24

“Praasedo vell kova, kay i vavares čorrhanes moulo dell!” Oun i tsele menshe hounte penenn: Amen!