2. Samuel 3:16 - O Debleskro Lab 2024 (Sinte-Manouche)

¹⁶ Oun lakro rom djas lah bis pash o foro Bahourim, oun rovas pal late. Koy penas o Abner ap leste: “Dja khere!” Oun yob djas khere.

O Debleskro Drom 2021 (Sinte)

¹⁶ Un lakro rom djas lah bis pash o foro Bahurim, un rowas pal late. Koi penas o Abner ap leste: “Dja khere!” Un job djas khere.

2. Samuel 3:16 Iomraidhean Croise

2. Samuel 16:5

Oun o baro ray David vas an o foro Bahourim. Koy vas i morsh dran ko foro vin. Kova his o Sauleskre menshendar. Yob kharas Shimi. Leskro dad his o Gera. O Shimi vas pash o Davideste oun praasas les,

2. Samuel 17:18

Koy dikas len i terno čavo, oun penas kova o Absalomeske. Koy djan kol douy sik krik, oun van an ko kheer i morshestar an Bahourim. Koles his i brounna pash peskro kheer. Koy dren djan le tele.

2. Samuel 19:16

Yaake vas o baro ray pale. Oun har yob pash o pani Yordan vas, van kol lourde dran o them Youda bis pash o foro Gilgal pash leste, te anenn le les vergel o pani Yordan.

2. Samuel 19:17

Khetne lentsa djas o Benyaminari, o Shimi, – leskro dad his o Gera – dran o foro Bahourim sik pash o baro rayeste David.

2. Samuel 23:31

o Abialbon dran Bet-Araba, o Asmavet dran Bahourim,

2. Samuel 3:15

Oun o Ish-Boshet bičras morshen koy, oun moukas lat krik te lell lakro romestar Paltiel. Koleskro dad his o Layish.

1. Rajengro liil 2:8

Oun dik, pash toute hi o Shimi, koleskro dad o Gera hi, dran o foro Bahourim an o them Benyamin. Kova praasas man an ko tsiro, kay djom me an o foro Mahanayim. Pal kova vas lo pash mande pash o pani Yordan. Oun kote dom man sovel glan o baro Debleste, oun penom: Me marau tout gar.

Jeremia 41:6

Oun o Ismael, koleskro dad o Netanya his, djas vin dran o foro Mispa, oun nashas pash lende o ropah. Har yob pash lende vas, penas lo ap lende: Avenn pash o Gedalya, koleskro dad o Ahikam hi!