2. Samuel 3:1 - O Debleskro Lab 2024 (Sinte-Manouche)

¹ Ko kourepen mashkral o Davideskri familya oun o Sauleskri familya his rah. O David vas zorleder oun zorleder. Oun o Sauleskri familya nashras peskri zoor.

O Debleskro Drom 2021 (Sinte)

¹ Ko kurepen mashkral o Davideskri familja un o Sauleskri familja his rah. O David was sorleder un sorleder. Un o Sauleskri familja nashras peskri soor.

2. Samuel 3:1 Iomraidhean Croise

1. Mose 3:15

Tou oun koy romni, t'men hi rholi yek ap o vavareste. Ninna tire čaven hi rholi ap lakre čavende. Oun lakre čaven hi rholi ap tire čavende. Yek lakre čavendar stakrell tiro shero khetne. Oun tou dandreh les an leskri heri.”

2. Samuel 2:17

Ko dives djas i baro kourepen. Oun o Abner oun kol morsha dran Israel van dino kol morshendar o Davidestar.

2. Samuel 2:28

O Yoab penas, te phourdenn le an i phourdepaskri. Oun leskre tsele lourde ačan tardo, oun lan i Israelitaryen gar bouder palla, oun kouran pen gar doureder.

2. Samuel 22:44

Tou lal man vin dran o čingepen mire menshentsa, oun kral man o ray pral i menshende dran vavar themma, Menshe, kolen me gar prindjrom, boudrenn mange.

2. Samuel 3:6

Yaake rah har ko kourepen his mashkral o Sauleskri familya oun o Davideskri familya, his o Abner ap koy rig o Sauleskri familyatar oun kras lat zoreles.

2. Samuel 5:10

Oun o David vas bareder oun zorleder. Oun o baro Devel, ko ray pral o bolepen oun i phoub his leha.

1. Rajengro liil 14:30

Yaake rah har o Roboam o baro ray his, his kourepen mashkral leste oun o Yerobeam.

1. Rajengro liil 15:16

Mank o Asa oun o rayeste pral Israel, o Baasha, his kourepen an lengro tselo djipen.

1. Rajengro liil 15:32

Oun kourepen his mashkral o Asa oun o Baasha, ko rayeste pral Israel, yaake rah har yon djivan.

1. Familjakro liil 11:9

Oun o David vas bareder oun zorleder. Oun o baro Devel, ko ray pral o bolepen oun i phoub his leha.

1. Familjakro liil 3:1

Oun kolla his i čave o rayestar David, kolla kay van leske boldo an o foro Hebron: leskro phoureder his o Amnon. Leskri day his i Ahinoam dran Yesreel. Ko douyto his o Daniel. Leskri day his i Abigayil dran Karmel.

Ester 6:13

Oun yob penas peskri romyake, i Seresh, oun peskre tsele malenge, lauter hoy leske djas. Kote penan leskre mala oun leskri romni, i Seresh, ap leste: “Te peral tou kanna glan o Mordekay, koon i biboldendar hi, palle nay kreh tou bouder či khatar leste. Na-a, tou djah tele oun nashreh lauter.”

Ester 9:4

Yon shounan, kay vas o Mordekay i baro morsh an o kheer o baro rayestar. An i tsele themma vas prindjedo, har lo baro oun bareder vas.

Hiob 17:9

Yek, kay an o čačepen tardo hi, moukell gar tele peskro dromestar. Oun koon i djoudjo djipen djivell, vell zorleder oun zorleder.”

Hiob 8:7

Kova, hoy tout glan kova his, vell touke tiknes glan, te dikeh ko baro bravlepen, hoy dell tout o Devel an ko tsiro, hoy vella.

Debleskri gili 18:43

Oun me dom len khetne, dom len tiknes har čik, hoy i baro dourho krik phourdell. Har čik čorom len vin ap o drom.

Debleskri gili 46:9

Avenn oun dikenn ko baro koova, hoy o baro Devel kras! Dareno koova krell lo ap i phoub:

Debleskri gili 84:7

Te djan le an o tato them, nashell kote pani lenge vin. Oun o brishin moukell lauter zenelo oun baro te vell.

Galatarja 5:17

Kova, hoy an mende hi, kamell gar kova, hoy o Debleskro Dourho kamella. Oun kova, hoy o Debleskro Dourho kamella, hi gar kova, hoy an mende hi. Kol douy zorya čingrenn pen yaake, kay nay krenn t'mer gar ko lačepen, hoy kamenn t'mer te krell.

Efesarja 6:12

Mer kourah men gar i menshentsa. Na-a, čilače zorya hi mashkral o bolepen oun i phoub, kay venna o bengestar. Kolen hi penepaske an kava čilačo tsiro. Kolentsa kourah men.

Debleskro tsiro 6:2

Oun me dikom i parno grayes. Oun kova, kay pre beshdo hi, koles hi i bogo an o vast. Oun les vas i shereskro sonakay dino, hoy sikrella, te hi yob zorleder har boud vavar bare raya. Oun yob djas vin an o kourepen, oun vas zorleder har yon halauter.