2. Samuel 24:25 - O Debleskro Lab 2024 (Sinte-Manouche)

²⁵ Oun o David kras koy o baro Debleske i rhačepaskri oun anas firhen leske, saven kay van tseles rhačedo oun saven, kay rhan le khetne glan o baro Debleste. Oun o baro Devel dikas pale lačes ap ko them Israel. Oun ko nasslepen djas kol menshendar pale krik.

O Debleskro Drom 2021 (Sinte)

²⁵ Un o David kras koi o baro Debleske i chatchepaskri un anas viechen leske, sawen kai wan tseles chatchedo un sawen, kai chan le khetne glan o baro Debleste. Un o baro Dewel dikas pale latches ap ko them Israel. Un ko nasslepen djas kol menshendar pale krik.

2. Samuel 24:25 Iomraidhean Croise

1. Mose 12:7

Oun o baro Devel moukas pes o Abramestar te dikell, oun penas ap leste: “Tire čaven oun kolengre čaven oun lauteren, kay pal toute venna, kolen kamau kava them te dell.” Koy kras o Abram i rhačepaskri o baro Debleske, kay venn firhe leske rhačedo – kote, kay o Devel moukas pes lestar te dikell.

1. Mose 22:9

Yaake van le ap koy platsa, hoy o Devel leske penas. Kote kras o Abraham i rhačepaskri o Debleske, čivas ko kasht koy pre, las peskro čaves, pandas les oun čivas les ap ko kasht pral pre.

1. Mose 8:20

Oun o Noah kras i rhačepaskri platsa oun las hake firhendar, kay gar pale-čiddo hi oun hake čirklendar, kay gar pale-čiddo hi. Oun das len moulo oun rhačras len ap koy platsa, te parkrell lo pes pash o baro Debleste.

2. Samuel 21:14

Oun yon paskran len khetne i kokale o Saulestar oun leskro čavestar Yonatan an ko them Benyamin, an o gab Zela, an o moulengro kheer peskro dadestar Kish. Oun yon kran lauter yaake har o baro ray David penas. Pal kova his o baro Devel pale kamlo ap ko them.

2. Samuel 24:14

Oun o David penas ap o Gad: “Man hi bari traash. Mouk men an o baro Debleskro vast te perell! Leskro kamlepen hi baro. Me kamau gar an i menshengro vast perell.”

1. Rajengro liil 1:1

Oun o baro ray David vas i phouro morsh. Les his i lengsto djipen. Oun leske nay vas gar tato, ninna te čivan le plaashke pral leste.

Ezekiel 16:42

Palle djal miri tati rholi pral toute krik, oun miro dji doukrell man bouder gar, oun hom bouder gar rhoyedo pral toute.

4. Mose 17:13

Oun yob his tardo mashkral kol moulende oun kol djidende. Koy djas koy phagi krik.

Čačepangre 21:4

Oun o vavar dives taysarlake stan i menshe sik pre, oun kran i rhačepaskri, oun maran firhen o Debleske, save, hoy leske tseles rhačedo van oun save, kay rhan le khetne glan leste.

Čačepangre 6:24

Oun o Gideon čivas kote barra pre, te krell lo i rhačepaskri, kay venn firhe rhačedo o baro Debleske, oun das lat o lab Yahve-Shalom. Gomme kava dives hi koy rhačepaskri kote tardo an o foro Ofra, kay kol menshe djivenn, kay kharenna Abiyesarya.

1. Samuel 13:9

Kote penas o Saul: “Anenn mange i firhen, hoy o Debleske rhačedo venn oun kolen, hoy rhah khetne.” Oun yob maras kol firhen, hoy o Debleske rhačedo venn.

1. Samuel 14:35

Kova his o ersto kopo, kay kras o Saul o baro Debleske i rhačepaskri.

1. Samuel 7:17

Palle djas lo pale an Rama, kay lo khere hi, oun rakras kote o čačepen vin pral i Israelitarya. Ninna kote kras lo i rhačepaskri, kay čomone rhačedo vell o baro Debleske.

1. Samuel 7:9

Oun o Samuel las i terno bakro, hoy gomme thoud piyas, oun maras les oun rhačras les tseles o baro Debleske. Oun yob das ap o baro Debleste gole, oun mangas les o Israeleske. Oun o baro Devel shounas ap leste.