2. Samuel 24:16 - O Debleskro Lab 2024 (Sinte-Manouche)

¹⁶ Har sikras ko bolepaskro peskro vasteha ap o foro Yerusalem, te vell ko nasslepen koy, khaytas o baro Debles koy bibarht. Oun yob penas ap ko bolepaskro, kay anas o merepen pral i menshende: “Kanna hi doha! Le tiro vast lendar krik!” O Debleskro bolepaskro his tardo ap koy djobeskri platsa o morshestar Arauna. Kova his i Yebousari.

O Debleskro Drom 2021 (Sinte)

¹⁶ Har sikras ko bolepaskro peskro wasteha ap o foro Jerusalem, te well ko nasslepen koi, khaitas o baro Debles koi bibacht. Un job penas ap ko bolepaskro, kai anas o merepen pral i menshende: “Kanna hi doha! Le tiro wast lendar krik!” O Debleskro bolepaskro his tardo ap koi djobeskri platsa o murshestar Arauna. Kowa his i Jebusari.

2. Samuel 24:16 Iomraidhean Croise

1. Mose 10:16

O Kanaan vas ninna o dad kol menshendar Yebous, Amor, Girgash,

1. Mose 6:6

Kova doukas les an leskro dji. Oun o baro Debles khaytas, kay kras yob i menshen ap i phoub.

2. Samuel 24:18

Oun o Gad vas ap ko dives pash o David oun penas ap leste: “Dja koy pral ap koy djobeskri platsa ko morshestar Arauna, ko Yebousari! Oun kre kote o baro Debleske i rhačepaskri!”

2. Samuel 5:8

Koy penas o David ap ko dives: “Koon kol Yebousaryen kamell te dell, kova hounte djal kote pral an o foro, kay o pani an i berga tele nashell. Me nay dikau len gar glan i yaka, kol bangen oun korelen!” Doleske vell penlo: I korelo oun i bango vell gar an o kheer dren.

1. Rajengro liil 19:4

Oun yob djas i dives dour an o moulo them. Oun kote beshas lo pes tel i bourra, oun kamas te merell oun penas: “Kanna hi doha, baro Devel. Mouk man te merell! Me hom gar feteder har mire phoure.”

2. Rajengro liil 19:35

Oun an koy rati vas o baro Debleskro bolepaskro kote, kay i lourde dran o them Assour sovan, oun maras 185.000 (sheel-orhta-deesh-te panč zerya) morsha lendar. Oun har le taysarlakro pre stan, his kote lauter moule čiddo.

1. Familjakro liil 1:14

ninna i Yebousarya, i Amorarya, oun i Girgasharya,

2. Familjakro liil 3:1

Oun o Salomeskre boudepangre kran pen ap i boudi te krenn le o kheer o baro Debleske an o foro Yerusalem ap i berga Moriya, ap i platsa, hoy o Salomeskro dad, o David, vin rodas. Koya his koy djobeskri platsa, hoy o morshes Arauna his. Kova his i Yebousari. Glan i tsiro moukas pes kote o baro Devel o Davidestar te dikell.

2. Familjakro liil 32:21

Kote bičras o baro Devel i bolepaskres. Kova maras i tsele lourden, ninna lengre pralstunen oun bare lourden ap i lourdengri platsa o baro rayestar dran o them Assour. Oun i ladjatar djas lo pale an peskro them. Har yob an o kheer leskro deblestar vas, maran les leskre čave o rhareha.

Debleskri gili 135:14

O baro Devel anell peskre menshenge o čačepen, oun krell peskro dji pre peskre boudepangre.

Debleskri gili 35:6

Lengro drom te vell kalo oun sapeno, te dikenn le či oun perenn le! Oun o baro Debleskro bolepaskro te lell len palla!

Debleskri gili 78:38

Yob kras lenge peskro dji pre, oun maras len gar. Na-a, yob las lendar i doosh tele. Boud kope rikras yob peskri rholi pale, oun moukas gar peskri tseli rholi ap lende te vell.

Debleskri gili 90:13

Baro Devel, har rah kameh te rhoyreh tout ap mende? Dik pale lačes ap mende, tire boudepangre!

2. Mose 12:13

O rat ap i khera sikrell mande, kay t'mer han. Oun dikau me o rat, djau me doureder, te djal t'menge či. Oun ko merepen, hoy anau ap o them Egiptia, vell gar ap t'mende.

2. Mose 12:23

Oun o baro Devel djala mashkral o them, te dell lo i Egiptarya temerl. Te dikell lo o rat pral ap o voudar oun ap kol douy kashta, hoy čačes oun serves pash o voudar hi, palle djal yob doureder oun moukell koles, kay anell o merepen, gar pash t'mende dren te djal, te dell lo yekes t'mendar temerl.

2. Mose 32:14

Koy rikras pes o baro Devel pale oun moukas gar koy bari bibarht pral peskre menshende te vell.

2. Mose 9:28

Mang o baro Debles, te vell kanna o barrengro brishin doha, oun te dell o bolepen bouder gar gole! Palle moukau me t'men te djal, oun rikrau t'men bouder gar kay.”

Jesaja 27:8

Na-a, yob das len lengri phagi, har yob len pestar krik bičras. Dran lengro them van le krik tradedo har i zorelo dourheha, hoy kotar phourdell, kay o kham pre djal.

Jesaja 57:16

Kamau gar hako tsiro pral i menshende te čingrell oun man rhoyrell. te merenn le gar lauter glan mande, kol menshe, kolen me krom.

Jeremia 26:19

Har o Mika kova glan-vi penas, moukas les o baro ray Hiskiya oun kol menshe an Youda te marell? Na-a! Yon lan o baro Debleskre laba ap o dji oun mangan lestar, te marell lo len gar. Oun o baro Devel rikras pes pale oun bičras gar koy bibarht pral lende, kolatar yob rakras. Oun kanna, te marah mer o Yeremiyes, anah i bari bibarht ap mende!”

Jeremia 42:10

Te ačenn t'mer an kava them, palle moukau me t'men pale bares te vell, oun me phagau t'men gar khetne; me krau t'men zoreles, oun tradau t'men gar vin dran o them; man khaytell, kay hounte anom savi bibarht pral t'mende.

Amos 7:3

Koy khaytas kova o baro Debles, oun yob penas: “Mishto, kova vell gar yaake!”

Amos 7:6

Koy khaytas ninna kova o baro Debles. Oun o baro Devel, maro ray, penas: “Kova te vell gar yaake!”

Habakuk 3:2

Baro Devel, me shounom, hoy tou lauter kral, Har baro hal tou, baro Devel! Kre savo koova pale an maro tsiro, savo baro koova, mouk les men ninna te dikell an maro tsiro! An tiri rholi biste gar tiro kamlepen!

Zakarie 9:7

Lendar tserdau ko ratlo mass dran lengro mouy vin, oun ko pale-čiddo mass mank lengre danda krik.” Palle venn kol Filistarya, kay pral ačenn, maro Debleskre menshe. Yon venn har i familya dran o kheer Youda. Oun i menshe dran Ekron djivenn yaake mank lende har i Yebousarya an Yerusalem.

Markus 14:41

Oun yob vas o triinto kopo oun penas ap lende: “Kamenn t'mer doureder sovell oun kate čiddo ačell? Kanna hi doha! O tsiro hi kay, kay denn le o Menshengro Čaves an i vasta i čilače menshendar.

Bičepangre 12:23

Yaake moukas pes o Herodes i menshendar te sharell, har te vals yob o Devel. Oun har yob kova kras, das les o Debleskro bolepaskro i nasslepen, te rhan i kirme les pre, oun yob meras.

1. Korintarja 10:10

Ma penenn, kay kova gar mishto oun doha hi, hoy o Devel t'men das. Yaake rakran kol vavar pale te pale. Oun yon van moulo dino.

2. Korintarja 2:6

T'mer dan les i phagi. Oun kova hi doha.

Josua 15:63

I morsha dran o kheer Youda nay tradan i Yebousaryen gar vin dran o foro Yerusalem. Doleske djivenn yon kote khetne i menshentsa dran o kheer Youda bis ap kava dives.

Čačepangre 1:21

An o foro Yerusalem djivan i Yebousarya. Oun i morsha dran o kheer Benyamin tradan len gar vin. Yaake ačan i Yebousarya pash i Benyaminarya an o foro Yerusalem, oun djivenn gomme kava dives koy khetne.

Čačepangre 19:11

Oun har i rati vas, penas ko boudepaskro ap peskro ray: “Djas an kava foro, kay i Yebousarya djivenn, te ačas koy pral i rat.”

1. Samuel 15:11

“Man doukella, te čivom me o Saules pral o Israel, te vell lo lengro baro ray. Yob sikras mange o doumo, oun kras gar, hoy me leske penom.” Kova doukas o Samueles an o dji, oun yob das i tseli rat ap o baro Debleste gole.